Մաթեմատիկա համակցված դասի պլան։

Բաց դասի պլան

14. 02. 2020թ․

Առարկա - Մաթեմատիկա

Դասարան - 4-րդ

Թեմա – Զույգ և կենտ թվեր

Դասի տիպը - Համակցված

Դասի նպատակն ու խնդիրները

• Իմանալ բազմանիշ զույգ և կենտ թվերը

• Կարողանալ զույգ և կենտ թվերը կիրառել թվաբանական գործողությունների և խնդիրների լուծման մեջ

• Զարգացնել հիշողությունը, ուշադրությունը, արագ կողմնորոշվելու կարողությունը, տրամաբանական մտածողությունը

• Զարգացնել համեմատման, վերլուծության, վերացարկման կարողությունները

• Մեծացնել հետաքրքրությունը առարկայի նկատմամբ

• Ամրապնդել անցած նյութերը

Անհրաժեշտ նյութեր

Համակարգիչ, մեծ էկրան, գունավոր կպչուն թղթեր, դասագիրք , տետր, գրիչ

Ընթացքը – Խթանման փուլ

Դասն սկսել ողջույնի խոսքով

Բանավոր հաշիվը կանցկացնենք երկու ձևով։ Սկզբում հարցերը կտեսնեն էկրանին ՝ խաղի տեսքով , կընթերցեն , նոր միայն կպատասխանեն՝ ընտրելով ճիշտ տարբերակը, երկրորդ խաղի միջոցով կգտնեն օրինաչափությունը զարգացնելով՝ ուշադրությունն ու տրամաբանությունը:
Հարցերը ՝https://learningapps.org :

Հաջորդիվ բանավոր հաշիվը կանցկացվի գրատախտակի մոտ՝ ամրակայելով նախորդ թեմաները և սահուն անցում կատարելով զույգ և կենտ թվերին։

Այսպիսով կամրապնդեն և կամբողջացնենձեռք բերած գիտելիքները:

Իմաստի ընկալում

Սահիկահանդեսի միջոցով հերթականությամբ կցուցադրվեն բազմանիշ թվեր՝ քառանիշ, հնգանիշ, վեցանիշ, որոնք բաժանված են զույգ և կենտ խմբերի։ ՈՒղղորդված հարցադրումների միջոցով իրենք կգան այն եզրահանգման , որ եթե թվի վերջին թվանշանը զույգ է, ապա այն զույգ թիվ է, իսկ վերջին թվանշանի կենտ լինելու դեպքում այն կենտ թիվ է։

Ամփոփելուց հետո կաշխատենք դասագրքով ։ Առ․ 678-ը և 679-ը կկատարենք բանավոր՝ որպես անդրադարձ։ Առ. 680-ը, 681-ը կկատարենք գրավոր՝ վերհիշելով կատարման կարգը։ Խնդիր 683-ը նախ կընթերցեն բոլորը մտքում, ապա աշակերտներից մեկը կպատմի խնդիրը / ինչ է տրված , կապերը տվյալների միջև, որն է պահանջը և ինչպես լուծել/։ Ահրաժեշտության դեպքում կկատարվեն լրացումներ մյուս աշակերտների կամ ուսուցչի կողմից։/

Կշռադատման փուլ

Կատարել անդրադարձ, հանձնարարել տնային աշխատանք՝ 680բ,681գ, 682 և գնահատել: