Մայրենի միջոցառում․

Դասարան՝ 3-րդ

Առարկա՝ Մայրենի

Թեման՝ Սեպտեմբերի 21

Նպատակը՝ • Կճանաչեն և կհարգեն ՀՀ պետական խորհրդանիշները

Կահավորում ՝ ՀՀ քարտեզ, խորհրդանիշները/դրոշ, զինանշան , օրհներգ/

Դասը սկսել օրհներգով

Բեմականացնել ՙ ,Սեպտեմբերի 21՛՛ դասանյութը

Թոռնիկ -Պապիկ , մի բան կարդամ:

Պապիկ -Կարդա:

Թոռնիկ -Օրացույցում սեպտեմբերի 21-ը նշված է կարմիր գույնով:Հետաքրքրվի՛ր և իմացի՛ր թե ինչու:

Պապիկ -Այսինքն՝ դու հետաքրքրվում ես , հա°:Հուվարի 1-ն էլ է կարմիր՝ ինչու°

Թոռնիկ -Որովհետև տոն է ՝ Նոր-տարի:

Պապիկ -Ապրես:Սեպտեմբերի 21-ն էլ է տոն:

Թոռնիկ -Գիտեմ , թե սեպտեմբերի 1-ը ինչ տոն է, բայց 21-ը ՝ չգիտեմ:

Պապիկ -Սեպտեմբերի 21-ը Անկախության տոնն է:

Թոռնիկ -Անկախությունն ի°նչ է:

Պապիկ -Հիշու°մ ես , թե Հայկն ինչու էր կռվում Բելի դեմ:Ես քեզ պատմել եմ:

Թոռնիկ -Որովհետև Բելն ուզում էր , որ Հայկը ենթարկվի իրեն և ոչ թե ազատ ապրի:

Պապիկ -Կեցցես:Բելն ուզում էր, որ Հայկն կախված լինի իր կամքից , որ ինքն ինչ ասի , Հայկը կատարի:

Թոռնիկ -Այսինքն ՝ Հայկն իր անկախության համա°ր էր պայքարում:

Պապիկ -Ոչ միայն իր , այլև իր ժողովրդի:

Երեխաներ ուրիշ ում գիտեք, որ պայքարում էր անկախության համար:

Աշակերտ- Սասունցի Դավիթը:

Պապիկ -Ճիշտ ես:

Աշակերտ-Նաև Մ. Մաշտոցն է պայքարել մեր անկախության համար՝ ստեղծելով հայոց այբուբենը:Որ մենք կախված չլինենք օտարների լեզվից, կարդանք և գրենք մեր լեզվով:Որ Հայաստանը կռվախնձոր չմնա օտար պետությունների համար:

Պապիկ -Ուրիշ շատ ու շատ հերոսներ են պայքարել , կմեծանաք կիմանաք:

Թոռնիկ -Նրանք բոլորը սեպտեմբերի 21-ի համար էին պայքարում:

Պապիկ – Ոչ տարբեր ժամանակներում մենք անկախացել ենք, կորցրել ենք անկախությունը, նորից ենք անկախացել:

Թոռնիկ –Սեպտեմբերի 21-ին վերջնականապե°ս ենք անկախացել:

Պապիկ –Այո՛, վերջնական

Թոռնիկ –Իսկ ինչպե°ս:

Պապիկ –Երկարատև մաքառումներից հետո 1991 թ-ի սեպտեմբերի 21-ին Հ-ում ապրող բոլոր հայերը միաձայն որոշեցին, որ Հայաստանն ապրի ազատ ու անկախ:Եվ կատարվեց հայերիս դարավոր երազանքը:Այսօր մենք պետություն ունենք, անկախ հայրենիք:

Պապիկ - Ի՞ նչ է քեզ համար հայրենիքը, ________ :

Աշակերտ -Հայրենիքը ինձ համար իմ հողն ու ջուրն է, որտեղ ես ծնվել ու մեծանում եմ, որտեղ ապրել ու ապրում են իմ ծնողներն ու իմ պապերը:

Պապիկ - Իսկ քեզ համար ____________:

Աշակերտ -Ինձ համար էլ է այդպես: Եվ նաև, իմ դպրոցն է, իմ ըներները, մեր բակի ծառերը, Մասիսն ու Սիսը, Արագածը, Սևանա լիճը , իմ վարդագույն Երևանը:

Խումբ- Հայրենիքը մեր լեզուն է:Այն միացնում է անցյալը, ներկան ու ապագան:Այն հավերժացնում է ազգը:

Ուսուցիչ- Այսօր արդեն 27 տարի է, որ մենք հաստատուն քայլերով քայլում ենք անկախության ճանապարհով: Դժվար է այն, լի խոչընդոտներով, բայց և միաժամանակ երփներանգ ծաղիկների գույնով ու բույրով: Իրականացավ մեծ զորավարներ Գարեգին Նժդեհի,Դրաստամատ Կանայանի, Անդրանիկի, Ավոյի և շատ շատերի դարավոր երազանքը: Այսօր մենք ենք մեր հողի ու հայրենիքի տերը: Պահենք այն սրբորեն և հպարտանանք նրա յուրաքանչյուր հաջողությամբ, իսկ անկախության շինության հիմնաքարում դնենք նաև մեր փոքրիկ քարը:

Թոռնիկ- Պապիկ ինչ լավ է որ մենք հիմա ենք ծնվել:

Պապիկ –Ճիշտ է դա լավ է, բայց դուք էլ քիչ գործ չունեք անելու:

Թոռնիկ- Ինչ գործ պիտի անենք:

Պապիկ –Լավ սովորեք, լինեք ուժեղ ու ազնիվ՝ Հ-ի անկախության համար պայքարողների նման:

Հայաստան անուն՝

Դու ութը հնչյուն,

Դու ութ եղբայների

Համաստեղություն:

Մեկը՝ լեռ է վեհ,

Մեկը՝ լիճ է լուրթ,

Մեկը ՝գետ է խենթ,

Մեկը՝ ձոր է մութ: Մեկը՝ երկինք է,

Մեկը՝ վառ արեգ,

Մեկը՝ երգիչ է,

Մեկը՝ արահետ:

Եվ բոլորն այնպես

Ձուլված իրար հետ,

Որ ոչ մի քամի,

Ոչ մի թշնամի,

Չի կարողացել

Այդ շղթան քանդի:

Աշակերտ -Իմ տունը հավերժ է, միշտ կանգուն,

Ուզում եմ ապրել ես խաղաղ,

Ապրիր դու Հայաստան իմ ծաղկուն,

Հայրենի օջախ, հայրենի իմ տուն:

- Հայաստան երկիր, տուն իմ արևկա,

Ես քոնն եմ, քոնը, մայր հողը վկա,

Ուր էլ որ լինեմ, դու ես սրտիս մեջ,

Քեզնով եմ շնչում ու խորհում անվերջ:

Պապիկ – Երեխաներ , իսկ ի°նչ գիտեք Հ-ի խորհրդանիշների մասին:

Աշակերտ -Յուրաքանչուր երկիր ունի իր երեք խորհրդանիշները, որոնցով տարբերվում է ուրիշ երկրներից: Այդ խորհրդանիշներն են՝ դրոշը, զինանշանը, օրհներգը:

Աշակերտ - Հպարտ ենք այսօր մեր նորօրյա զինանշանով, փողփողուն եռագույնով և ազատության գովքը երգող օրհներգով:

Աշակերտ - Սա մեր պետական դրոշն է, մեր եռագույնը՝ Կարմիր կապույտ, ծիրանագույն:

Աշակերտ -Կարմիր դու գույն հաղթական, կապույտ՝ խաղաղության, ծիրանագույն իմ աննման, խորհրդանիշ առատության:

Աշակերտ -Արյունից ծորած երիզ մի կարմիր

Երկնքից պոկված կտոր մի կապույտ,

Հասուն արտերի շող նարնջագույն,

Եվ վեց դարերի խավարի վրա

Դրոշ եռագույն:

Աշակերտ -Հայոց երկնքի մեջ լուրթ ու անամպ,

Հայոց ավանդական ու հին հողում

Իր պետական շուքով ու վեհությամբ

Մեր պետական դրոշն է փողփողում:

Աշակերտ -Օծված է նա բախտի մեծ արևով,

Կանգնած է մեր տենչի լույս գագաթին,

Այնքան բարձր է, որ իր բոսոր թևով

Ասես քսվի պիտի Արարատին:

Ուսուցիչ- Ճանաչենք , սիրենք և հարգենք մեր երկրի պետական խորհրդանիշը :Թող այն միշտ բարձր ծածանվի կապույտ երկնքում և ազդարարի Հ-ի հաղթանակների մասին:

- Երգ /Կարմիր, կապույտ, նարնջագույն/

Աշակերտ - ՀՀ կարևորագույն խորհրդանիշներից մեկն էլ զինանշանն է:Զինանշանի հիմնական գույնը ոսկեգույնն է:Զինանշանի հեղինակներն են ՝ նկարիչ Կոջոյանը, ճարտարապետ՝ Թամանյանը:

Աշակերտ -Ահա զինանշանը, գրավիչ է ու պերճ Ինչ հմայք է պահել իր մեջ,

Որ վեհորեն շողում է միշտ՝

Որպես ուժի, աշխատանքի

Խաղաղության խորհրդանիշ:

Աշակերտ- Երրորդ խորհրդանիշը օրհներգն է: Դա հատուկ երգ է, որը հնչում է պետական ու պաշտոնական արարողությունների և հանդիսությունների ժամանակ:

Ուսուցիչ- Յուրաքանչյուր հայ պետք է անգիր իմանա իր երկրի օրհներգը, իսկ երբ այն հնչում է , պետք է ոտքի կանգնել:Անհրաժեշտ է ոչ միայն լսել, այլև երգել:Օրհներգը երգելիս շատերը աջ ձեռքը դնում են սրտին՝ ընդգծելով իրենց հավատը ու նվիրումը սեփական երկրին ու ժողովրդին:

Տեսանյութ - ,, Պետական խորհրդանիշները մանուկների համար՛՛https://www.google.com/search?q=%D5%BA%D5%A5%D5%BF%D5%A1%D5%AF%D5%A1%D5%B6+%D5%AD%D5%B8%D6%80%D5%B0%D6%80%D5%A4%D5%A1%D5%B6%D5%AB%D5%B7%D5%A5%D6%80+%D5%B4%D5%A1%D5%B6%D5%B8%D6%82%D5%AF%D5%B6%D5%A5%D6%80%D5%AB+%D5%B0%D5%A1%D5%B4%D5%A1%D6%80&sxsrf=ALeKk00zL8zLVAX7hgjuuYgelfKig_ZIRA:1594563500470&source=lnms&tb

Աշակերտ -Երգս դարավոր,

Միտքս թևավոր,

Ես հայ եմ, մենք հայ ենք

Զորավոր:

Աշակերտ -Մենք մեծանում ենք,

Հզորանում ենք,

Մենք մեծանում ենք, մենք՝ բարձրանում,

Հայ ենք, հայ ենք, հայ փոքրիկներ:

Աշակերտ -Նոր հայերն են հիմա մեզանում,

Նժդեհներն են մեծանում,

Այս հայերը պարտվել չեն սիրում,

Այս հայերը հաղթել են սիրում:

Աշակերտ -Մենք պետք է լավ սովորենք,

Պատմությունը լավ սերտենք,

Քաջ Անդրանիկ, Նժդեհ, Չաուշ,

Իրենց զավակնեն ենք, տվել են մեզ ուժ:

Զինվոր 1 -Հայրենիքն հզոր է իր բանակով: Մեր բանակի յուրաքանչուր զինվոր մեր հպարտությունն է, իսկ նրանց ուժը՝ մեր ապահով մանկությունը:Մեր զինվորների ուժեղ ուսերին է ամենամեծ պարտականությունը՝ հայրենիքի պաշտպանությունը:

Զինվոր 2 -Բանակ ասելիս հասկանում եմ համազգեստով զինվոր, հզորություն, քաջություն, հաղթանակ, շքերթ և ուրախություն:

Զինվոր 3- Բանակ ասելիս աչքերս ժպտում են,

Իմ մանկան հոգով հպարտանում եմ, Մայրիկ ու քույրիկ

Դուք հանգիստ քնեք,

Ինձ նման փոքրիկ

Զինվորիկ ունեք:

Երգ – Զինվորիկի երգը

Աշակերտ -Հայրենի՛ք իմ հզոր,ամրացիր օրեցօր,

Հայաստա՛ն, իմ կանգուն,

Ողջ հայության մի մեծ տուն:

Դու միշտ ցնծա իմ երկիր,

Քո զավակներով ապրիր,

Մեզ միշտ եղիր ապաստան,

Հավերժ կանգուն ի՛մ Հայաստան:

Աշակերտ -Անկախության, խաղաղության մենք շատ դժվար հասանք,

Եկենք պահպանենք ու սիրենք իրար,

Որտեղ կա մեծ սեր ու գնահատանք,

Այնտեղ կլինի միշտ ազատ, խաղաղ կյանք:

Աշակերտ- Ես և իմ հասակակիցները անկախության նոր սերունդն ենք և հպարտանում ենք մեր ազգի ձեռք բերած նվաճումներով, հաջողություններով ու հաղթանակներով, որովհետև բոլորս Հայաստանի զավակներն ենք:

Երգ -Հայրենիք իմ /Արևներ/

Աշակերտ- Երդվում ենք քեզ մեր հայոց աշխարհ

Կուռ շարքերով առաջ գնալ

Եվ քո գործին միշտ արժանի

Փոխարինող սերունդ դառնալ:

Խումբ- Երվում ենք:

Աշակերտ -Երդվում ենք մենք այնպես ապրել,

Ինչպես մեր քաջ զորավարներն ապրեցին

Եվ ծառայել հայրենիքին

Ինչպես զորավարները մեր մեծ:

Խումբ- Երդվում ենք:

Երգ - Սեպտեմբերի 21

Սեպտեմբերի 21-ը հիրավի տոն է ողջ հայ ժողովրդի համար: Մեր պապերի երազած, մեր եղբայրների արյամբ ձեռք բերված անկախությունն այսօր բոլորիս բարձրագույն արժեքն է, որի պահպանումը ներկա սերնդի սուրբ գործն է:

Մեկ անգամ ևս շնորհավորելով անկախության տոնի առթիվ՝ հայկական պետականությանը մաղթում եմ խաղաղ երկինք:

Շնորհավո՛ր տոնդ, անկախ Հայաստան, շնորհավո՛ր տոնդ, անկախ հայ ժողովուրդ: