Microsoft Word տեքստային խմբագրիչ

Microsoft Word տեքստային խմբագրիչ

Microsoft Word  2007 տեքստային խմբագրիչի միջավայր մտնելու համար պետք է մկնիկի օգնությամբ հաջորդաբար իրականացնել հետևյալ քայլերը.

• ընտրել Windows-ի Start գլխավոր մենյուն,

• բացված պատուհանում ընտրել All Programs ենթամենյուն,

• բացված պատուհանում ընտրել MS Office թղթապանակը,

• բացված պատուհանում ընտրել Microsoft Office Word 2007 տեքստային խմբագրիչին համապատասխանող տողն ու սեղմել մկնիկի ձախ սեղմակը։

Այս քայլերի արդյունքում բացված Microsoft  Office  Word  2007 տեքստային խմբագրիչի հիմնական աշխատանքային պատուհանն ունի հետևյալ տեսքը.

Վերհիշենք քեզ արդեն ծանոթ հրամանային կոճակների նշանակությունը։

 (Office) կոճակով բացված մենյուից ուսումնասիրել ենք հետևյալ հրամանային կոճակները.

 (Open)՝ սկավառակի վրա նախկինում պահպանված փաստաթղթի բացում,

 (New Blank Document)՝  նոր փաստաթղթի ստեղծում,

 (Save) ՝ փաստաթղթի պահպանում:

Օգտվել ենք փաստաթղթի նշված հատվածի հետ գործողություններ իրականացնելու համար նախատեսված Home  ներդիրի  Clipboard  խմբի հետևյալ կոճակներից.

 (Cut)՝ փաստաթղթի նշված հատվածի հեռացում և պահպանում փոխանակման բուֆերում,

 (Copy)՝  փոխանակման բուֆերում փաստաթղթի նշված մասի պատճենում,

 (Paste) ՝ փաստաթղթի ընթացիկ դիրքում փոխանակման բուֆերի պարունակության պատճենում։

Կատարված վերջին գործողությունների անտեսման և անտեսված գործողությունների վերականգնման համար նախատեսված կոճակները տեղակայված են արագ հասանելիության վահանակում.

 (Undo) ՝ վերջին գործողության անտեսում (վերադարձ նախորդ գործողությանը),

 (Redo)՝ վերջին անտեսված գործողության վերականգնում։