Менің атым Қожа

Әдебиеттік оқу

Мерзімі:08.12.2017ж

Кабинет:

Мұғалім: Мүсіркепова А.

Сабақтың атауы

Б.Соқпақбаев Менің атым Қожа

Мақсаты

Күтілетін нәтиже

Сабақтың жабдығы

Түрі

Білімділік:

*Белгілі балалар жазушысы Бердібек Соқпақбаевтың «Менің атым Қожа» атты шығармасымен таныстыру.
*Оқушыларға мәтіннің мазмұнын түсіндіре отырып, мәтіндегі негізгі ойды, идеяны ұғындыру;
*Шығармадағы басты кейіпкерге мінездеме бере отырып, ойларын, пікірлерін еркін айтуға, өз көзқарастарын дәлелдей білуге үйрету.
Дамытушылық:
*Оқушыларды өз бетінше шығармашылықпен жұмыс істеуге баулу,өз ойларын еркін жеткізуге, түрлі жағдаяттарды шешу арқылы шығармашылық қабілеттерін арттыру.
*Мәтінмен жұмыс істеу, көркем шығармаға әдеби талдау дағдыларын дамыту;
Тәрбиелік:

Оқушыларды ұстаз еңбегін бағалап, құрметтеуге, жағымсыз қасиеттерден аулақ болуға, адамгершілікке, достыққа тәрбиелеу.
*Қожа бейнесі арқылы, оқушыларды адамгершілікке, мәдениеттілікке, әдебиетті сүюге, үлгі-өнеге алуға шақыру; *Жағымсыз қасиеттерден аулақ болуға тәрбиелеу.
Сабақтың түрі: ашық сабақ
Сабақтың көрнекілігі:Б.Соқпақбаевтың “Менің атым Қожа” кітабы, бейнетаспа («Менің атым Қожа»фильмінен үзінді), слайд суреттер.

Сабақтың әдісі: түсіндіру, суреттеу, салыстыру, сұрақ-жауап, бағалау, бекіту, қорытындылау..

Психологиялық ахуал

Қайырлы күн достар,

Бүгінгі күн міне,

Сәттілікке толсын!

Біздің алар бағамыз,

Кілең бестік болсын!

Оқушылар шеңберде жиналып,мұғаліммен бірге достарына жақсы тілектер тілейді.

Үй тапсырмасы

«Джиксо» әдісі бойынша үй тапсырмасын сұрау

«Қарлы кесек » ойыны

1. Әңгімедегі Қаныш деген бала кім? Ол туралы не білесіңдер?

2. Қаныштың ұстазы суретті көргенде қандай ойда болды?

3. Бұл әңгіме неге «Қазына көтерген бала» деп аталады?

4. Балалар қапшықтың ішінде не бар деп ойлады?

Сұрақ-жауап арқылы үй тапсырмасын қорытындылау.

Мағынаны тану

Біз бүгін «Балалық шаққа саяхат» деп аталатын жаңа бөлімде балалар жазушысы Б.Соқпақбаевтың «Менің атым Қожа» атты шығармасымен танысасыңдар.

1. Бердібек Сокпақбаев кім? Ол қандай жазушы?
“... Алыстан арбалап материал тасымаймын, архивтің шаңын жұтпаймын. Жақыннан өз басымнан кешкенді, өзім байқап-түйгендерімді, өз айналамды дорбалап жинаймын. Бір сөзбен айтсам, өзін жазатын жазушымын. Мінез-құлық жағынан Қожа өзге емес, менің өзіме ұқсайды.”
2. Жазушының қандай шығармалары бар?
- «Менің атым Қожа» («Өзім туралы повесть»), «Жекпе-жек», Қайдасың, Гаухар?», «Өлгендер қайтып келмейді», «Аяжан», «Балалық шаққа саяхат», «16 жасар чемпион», «Алыстағы ауылда» т.б.
3. «Менің атым Қожа» фильмі туралы не білесіңдер?
Менің атым Қожа
Жанр: комедия, жанұялық

Оқушылар «Менің атым Қожа»фильмінен үзінді тамашалайды.
«Менің атым Қожа» фильмінде мектепке аты шулы "сотқар" Қожа, бар ынтасын салып, жақсы болуға тырысқаныменен үнемі ойламаған жерден келеңсіз оқиғаларға тап болады. Әкесінен жетім қалған Қожаберген, үйлеріне келіп жүретін, Қаратайдан шешесін қызғанады. Досы Сұлтан екеуі неше түрлі қызық оқиғаларды бастарынан кешіп, көрермендерді талай рет қуантады. Ауылда беделі жоғары болған Қадырдың баласы, Қожа, әкесінің абыройын "шелектеп" төктім деп уайымдайды. Дегенмен, Қожа – ашық мінезді, арам пиғылы жоқ, ақкөңіл бала.

Ой толғаныс

1. Жаңа сабақты меңгерту

2. Әңгімені мәнерлеп оқу.

3. Қожа қандай оқушы?

4. Жантас мұғалім сабақ сұрағанда қандай қулық жасағысы келді?

5. Веен диаграммасы бойынша Қожаның жағымды және жағымсыз қылықтарын топпен талдау.

6. «Түртіп алу» стратегиясы бойынша Қожаның сабаққа дайындықсыз келгеніне өкінгенін сипаттаған сөздерді дәптерге жазып алу.

7. «Әңгімені талдау» әдісі. Топпен жұмыс. Әр топқа таратылған параққа әңгіменің жалпы мазмұны, ондағы кейіпкерлер, Қожаның басындағы кедергілер, әңгіменің негізгі идеясы және Қожаға мінездеме беріп, әңгімені талдау.

Бағытталған оқу стратегиясы:

1. «Менің атым Қожа» фильмі сендерге ұнады ма, басты кейіпкер кім? Фильмдегі екі кейіпкер - Қожа мен Жантасты салыстыр.

2. Әңгімеде Қожа қандай күйде болды және сенің басыңнан сондай жағдай өтті ме?

3. Сабаққа дайындалмай келген Қожаның қатты өкінгенін неден байқауға болады?

Үйге тапсырма

1. Шығарманы оқып, мазмұнын әңгімелеп келу. 2."Балалық шақ" тақырыбына шығарма жазу.

Күнделіктеріне жазып алады.

Бағалау

Оқыту үшін бағалау және оқуды бағалау

Оқушыларды смайликтермен бағалау

Кері байланыс

Смайликтерді өзі қалаған нұсқаға жабыстырады