Мой выпускной 11 класс. 4 выпуск

Бала эдим, яман-яхшы айырмай,

Ланъка яктан оьнеримди коьрсеттим.

Билим мага бек керегин анъламай,

Окытувшы кой дегенде оьшиктим.

Аккан сувдай заман кетти тыгырып

Балалы да болдык энди буьгуьн биз

Орам бойлап юрсе олар кутырып,

Шамланамыз шыгып кырга ювырып.

Шакырады энди бизге сый этип,

Экисинде увыт айдынъ школага

Йыйылдылар узак йолды кыскартып

Тенъ-досларым бизим шатлык байрамга.

Эскеремиз ойлап, шегип, оькинип,

Яслык шакта бос йиберген куьнлерди.

Ама олар кайтып келмес тоьгилип,

Сога коьре яс-несилге соьзлерим:

-Школа шагын сиз аявлап билинъиз!

Аьр дериске билим уьшин юринъиз!..

Шамиль Айтувганов

30-ншы йылдынъ выпускниклерине багыслав

Сонъгы кере мен язаман тактада.

Суслы кепте окытувшым карайды.

Сонъгы кере кызараман тенъ-ястан,

Сонъгы белги экеви де салады.

Согылады, согылады ызгы занъ.

Сонъгы кере басамактан юремен.

Сыгылады, сыгылады яс юрек.

Балалыгым артта кала коьремен.

Сонъгы кере коьз таслайман мектебке

Энъ биринши окытувшым, разыман.

Сонъгы кере мен бийиймен тенъ-яс пан.

Яшавымда уьйкен йолды сайлайман.

Сылув кыздай шоьлимдеги тал терек.

Мунъаяды буьгуьн ол да мени мен.

Оьмир бойы калады тек эсимде

Янъы аткан куьн коьзинде

ызгы танъ.

Муталимова Райнет Аспатовна

Сыйлы выпускниклер!

Кутлаймыз Сизди мектебтеги окувшылар байрамы ман.

Ак юректен йораймыз Сизге болаттай ден-савлык, аьелинъизге таьвесилмес

наьсип, шоьлмек толган завыклы балалар, элимизде эмишлик.

Буьгуьнги байрамынъыз кутлы, завыклы,эстен кетпестей коьнъилинъизде

ызгы танъдай калсын.

59-ншы выпуск окувшылары.