Морфология. Орфография. Исем.

Морфология . Орфография. Исем.

1.Аңлатҡан мәғәнәләренә ҡарап, яуаптарын дөрөҫлә:

1.һөйләмдә һөйләм киҫәктәре була алалар;

2.үҙ аллы һүҙҙәр менән генә ҡулланылалар;

3.предметтарҙы, уларҙың билдәләрен ,эш-хәрәкәттәре, һанды атап киләләр;

4.һөйләм киҫәктәре була алмайҙар;

5.исем һәм исем урынында килгән һүҙҙәрҙе, мәғәнәләре яғынан тултырып, асыҡлап киләләр.

а) үҙ аллы һүҙ төркөмдәре; б)ярҙамсы һүҙ төркөмдәре?

2. Яуаптарҙы дөрөҫлә:

1) исем; 2) бәйләүес; 4)теркәүес;

5) сифат; 6) киҫәксә; 7)алмаш;

8) ҡылым; 3)һан; 9)ымлыҡ;

4)теркәүес;

а) үҙ аллы һүҙ төркөмдәре;

б) ярҙамсы һүҙ төркөмдәре?

3.Предметтың атамаһын белдергән һүҙ төркөмөн әйт:

1. алмаш; 2. исем; 3.һан?

4.Яҙылышын дөрөҫлә:

1.төп атамаға ингән бөтә һүҙҙәр;

2.үҙаллы ике һүҙҙән ҡушарлап яһалған ер-һыу атамаларының һәр өлөшө;

3. исемдәрҙе аныҡлаусылар;

4. төп исемгә эйәреп килгән һүҙҙәр;

5.төрлө ойошма атамалары һәм башҡа яңғыҙлыҡ исемдәрҙең төп өлөшө;

а) ҙур хәреф менән яҙыла;

б) бәләкәй хәреф менән яҙыла;

в) ҡушып яҙыла;

г) ҙур хәреф менән һыҙыкса аша яҙыла?

5 .Һүҙҙәрҙең яҙылышы буйынса яуаптарын тап:

1.Яҡтыкүл, Атйетәр ,Биштәкә;

2.Оло Үтәш ,Бәләкәй Ибраһим, Яңы Ерек;

3.Еҙем-Ҡаран, Ҡаңлы-Төркәй;

4.Ғафури районы халыҡ мәғарифы идаралығы, Өфө дәүләт сәнғәт институты, Стәрлетамаҡ машиналар төҙөү заводы;

а) зур хәреф менән яҙыла;

б) зур хәреф менән һыҙыҡса аша яҙыла;

в) төп исемгә эйәреп килгән һүҙҙәр бәләкәй хәреф менән яҙыла;

г) ҡушып яҙыла;

д) төрлө ойошма атамалары һәм башҡа яңғыҙлыҡ исемдәрҙең төп өлөшө?

6.Исемдәрҙең яһалышын дөрөҫ урынлаштыр:

1. тамыр көйөнсә лә тулы мәғәнә аңлатып килгән исемдәр;

2. яһаусы ялғауҙар менән яһалған исемдәр;

3. ике йәки унан да күберәк тамыр һүҙҙәрҙең ҡушылыуынан яһалған исемдәр;

4. һүҙҙәрҙе парлау ярҙамында яһалған исемдәр;

5. һүҙҙәрҙе бәйләү юлы менән яһалған исемдәр;

6. һүҙҙәрҙе ҡыҫҡартыу ярҙамында яһалған исемдәр;

а) ҡушма исемдәр;

б) ҡыҫҡартылған исемдәр;

в) тамыр исемдәр;

г ) парлы исемдәр;

д) яһалма исемдәр?

7.Исемдәрҙе үҙ урынына ҡуй;

1. тамыр исемдәр;

2.яһалма исемдәр;

3. ҡушма исемдәр;

4. парлы исемдәр;

5. ҡыҫҡартылған исемдәр;

6. һүҙҙәрҙе бәйләү юлы менән яһалған исемдәр;

7.күплек мәғәнәһен белдергән исемдәр;

а) аҡҡош, Яҡтыкүл, Аҡбуҙат;

б) ҡаҙ, ат ,юл,

в) һауынсы ,ауылдаш, нефтсе;

г) ҡурай еләге, һуҡыр кесерткән ,ҡара ҡарға;

д) кейем-һалым, йорт-ҡура,нәҫел-нәсәп:

е) БР,БМӨ,БДБ?

8. Исемдәрҙең нимә менән үҙгәреүен билдәлә:

а) эйәлек һәм хәбәрлек заты;

б) заман; в) һан; г) дәрәжә; д) килеш?