Müəllimin özünü analizi

Müəllimin özünü analizi

Müəllimin özünü analizi dedikdə pedaqoji fəaliyyətin planlaşdırması, problemlərin axtarılaraq tapılması və nailiyyətlərin digər həmkarları ilə bölüşməsi başa düşülməlidir. Özünü analiz zamanı müəllim öz təcrübəsini, fəaliyyətini, hərəkətlərini təhlil edir. Özünüanaliz- subyektin özünə və ya şüuruna, xüsusən də öz əməyinin məhsullarına diqqəti, eləcə də öz zehni və fiziki xüsusiyyətlərini, özünü dərk etməsini öyrənməsi (İngilis dilində” introspective”; Rus dilində ” интроспективный”; Azərbaycan dilində “ introspektiv” ) deməkdir. Özünüanaliz - müşahidə obyektinin müxtəlif vəziyyətlərini müşahidə edərək öyrənmək və öz aralarında, həmçinin ətraf mühit stimulları arasındakı səbəb əlaqələrini axtarıb tapmağı əks etdirir. Özünüanalizdə müşahidə obyekti və predmeti uyğun gəlməlidir. Özünü müşahidə etmək həmişə daha çətin olduğundan özünüanaliz zamanı müşahidəçi bir şeyi görməkdə və yaxud bir şeyi düzgün şərh etməkdə çətinlik çəkə bilər. Özünüanalizə müraciət etmək öz inkişafımızda özümüzə kömək formalarından biri kimi asan olmayan, lakin effektli yoldur.

Özünüzü analiz etməyə başlamağın 5 səbəbi:

Ümumiyyətlə heç kimin fikir vermədiyi yerə nəzər salmaq, ordan nəsə “dartıb çıxarmaq” məgər bu faydalıdır? deyə bilərsiniz. Fikrimcə bu heç də əbəs deyil. .....

-Birincisi, bu heç də pis deyil, həm də bu yolla çoxlu istedad və qabiliyyəti olan “xəzinə”ləri (P.S. xüsusi istedadlı uşaqları) aşkar etmək olar.

-İkincisi, özün haqqında daha yaxşı bilməklə müəyyən hərəkətlərini, düşüncələrini və hisslərini asanlıqla dərk edə və idarə edə bilərsən. Daxili aləminə nə qədər çox nüfuz etməyi bacarsan, bir o qədər qeyri-müəyyənlikdən üzaq ola, daha sakit və daha təhlükəsiz fəaliyyət göstərə bilərsən.

 -Üçüncüsü, özündə nə isə xoşagəlməyən hal müşahidə edən insan günahsız olmadığını dərk edərək digərlərini də qınamağa az can atacaqdır. Əlbəttə ki, sən bütün bunları dərk etsən belə, bu zaman kənar təsirləri də unutmaq olmaz.

-Dördüncüsü, öz səhvlərinizi müəyyən edib aradan qaldırmaqla işi bitmiş hesab etməyin, yaxın hesab etdiklərinizə, şagird və valideynlərinizə, həmkarlarınıza münaqişələrin, mənfi halların aradan qaldırılması yollarını göstərin və həm də ahəngdar münasibətlər qurmağın yollarını öz işinizlə nümayiş etdirin, eləcə də özünüz də öyrənməkdə davam edin.

-Nəhayət sonuncu, beşinci, emosiyalara uymayın və sağlamlığınızın qayğısına qalın.

Məktəbimizdə yaradılmış “Kiçik akademiya”nın fəaliyyətinin gücləndirilməsi üzərindən “Hər uşaq istedadlıdır” devizi ilə tarix fənni, digər fənn, eləcə də incəsənətin müxtəlif sahələri və idman növləri üzrə ümid verən istedadlı şagirdlərin olimpiadalara, müsabiqə və yarışlara cəlb etməklə, onları intellektual oyunlarda iştiraka təşviq etmək, onların mütailə, yazı və nitq mədəniyyətinin inkişaf etdirilməsi baxımından hər bir müəllimin özünü analizi olduqca vacibdir.

Pedaqoji fəaliyyətinin özünü analizi

1.Ümumi məlumat

Şirvan şəhəri Azərbaycanın Milli Qəhrəmanı Tahir Bağırov adına 11 №-li tam orta məktəbdə 30-cu ildir ki, tarix müəllimi işləyirəm. Bakı Dövlət Universitetini tarixçi (tarix müəllimi) ixtisası üzrə bitirmişəm (P.S. Sizləri nümunə üçün 2018-2019-cu dərs ili fəaliyyətimlə tanış etmək istəyirəm). 2018-2019-cu tədris ilində V^B, VI^B,C,VIII^Ç və XI^A siniflərində Azərbaycan tarixi və Ümumi tarix fənlərini tədris etmişəm. Ümumi iş stajım 37 il, pedaqoji stajım isə 30 ildir. 2015-ci ildə Azərbaycan Respublikası Prezidentinin 21 dekabr tarixli 1635 nömrəli Sərəncamı ilə “Ən yaxşı müəllim” müsabiqəsinin qalibi olmuşam. Məqsədəuyğun şəkildə təhsil keyfiyyətinin artırılması istiqamətində çalışıram. Bununla əlaqədar tədris etdiyim fənnin təkminləşdirilməsi metodikası üzərində həmişə çalışıram. İnformasiya texnologiyalarını dərindən öyrənirəm. Dərs nümunələrimdən istifadə bankı yaratmış, Azərbaycan tarixi və Umumi tarixi öyrənənlər üçün xüsusi öyrətmə və nəzarət mexanizmi yaratmışam.

Tərəfimdən hazırlanmış materialları şəxsi elektron kabinetlərimdə, saytımda (multiurok.ru) http://multiurok.ru/seyyubasadov2/ aşağıdakı kateqoriyalar üzrə belə yerləşdirmişəm:

1.Təqdimatlar

2.Elmi məqalələr

3.Dərs icmalları

4.Xatirələr

5.Tərcümələr

6.Tarixdən KSQ və BSQ-lar

7.Video dərslər

8.Tematik planlaşdırma

9.İnteqrasiya təcrübəsindən

Videouriki.net saytında isə (https://videouroki.net/tests/my/) (testlərim) onlayn testlərim yerləşdirilmişdir.

Azərbaycan Respublikası Təhsil Nazirliyinin Diplomuna layiq görülmüş https://sinxronfenler.blogspot.com/ -da isə 5-11-ci siniflər üzrə Azərbaycan dili, Ədəbiyyat, Azərbaycan tarixi, Ümumi tarix, Riyaziyyat, Xarici dil(ingilis-dili, rus-dili), İnformatika, (“Digər” bölməsində-Tədbirlər, Texnologiya, İnternet, Fotoqalereya, Videoqalereya) Yeni xəbərlər, Son xəbərlər bölməsində məlumatlar mütəmadi olaraq yerləşdirilir. Tərəfimdən hazırlanmış SinxronFənlər bloqu  müəllim və şagirdlərimizə köməklik məqsədilə yaradılmışdır. Bu bloqdan təkcə müəllim və şagirdlər deyil, həmçinin valideynlər, dünyanın istənilən ölkəsində yaşayan azərbaycanlılar və digər xalqların nümayəndələri də istifadə edə bilmək hüququna malikdirlər. Bloqda mənimlə sosial media hesablarım (Fecebook, Twitter, Instagram, You Tube) vasitəsilə də əlaqə saxlamaq olar.

İş formalarımın müxtəlifliyi (kollektiv, fərdi, müstəqil, qrup ) mənə şagirdlərimlə aktiv şəkildə dərketmə fəaliyyəti aparmağa imkan verir.

Özümün xüsusi metodiki sistemimi yaratmışam. Bunu aşağıdakı sxem vasitəsilə görmək olar:

Bu göstərilən metodiki sistemlərdən hər biri Doğma Yurdun, ölkənin tarixinin öyrənilməsinə, onun nailiyyətləri ilə fəxr etməyə stimul verir. Azərbaycan çoxmillətli və tolerant ölkədir. Məhz bu baxımdan hesab edirəm ki, şagirdlər öz Doğma yurdunun, şəhərinin tarixini bilməli, İslam dininin tarixi və əxlaqi dəyərlərini öyrənərək onunla fəxr etməyi bacarmalıdırlar. Xüsusən də cəmiyyətdə mədəni insan kimi formalaşmaq üçün dünya mədəni irsindən heç olmasa elementar biliyə malik olmaq lazımdır. Bu sistemdə növbəti etap öz öyrəndiklərini praktikada tətbiq etmək, sınamaq və ekskuriya zamanı dəqiqləşdirməkdir. Dərslərdən, kitablardan, təlim-tədris prosesinə aid internet resurslarından daha çox öyrənmək, problemlə daha yaxşı maraqlanmaq, qarşıya müəyyən tapşırıqlar qoymaq, onun həlli yollarını axtarmaq, məsələni elmi-tədqiqat apararaq həll etmək və nəhayət öz əldə etdiklərini bölüşmək gərəkdir. Bütün bunları müxtəlif tədbirlərdə, mühazirələrdə, konfrans və olimpiadalarda iştirak etməklə daha da inkişaf etdirmək olar. İnternet resurslarından dərs üçün əlavə materialların tapılmasında, sinifdənxaric işlərdə, təqdimatlarda istifadə üçün, eləcə də özüöyrənmə və öz təcrübəmin yüksəldilməsində istifadə edirəm. Belə ki, 2019-cu il 25 iyun tarixində Respublika Pedaqoji Mühazirələrində iştirak etmiş və Tərifnaməyə layiq görülmüşəm. (Bu sayca ikinci iştirakımdır. İlk dəfə 2003-cü ildə III dərəcəli Diploma layiq görülmüşdüm).

Öz pedaqoji fəaliyyətimdə həmişə aşağıdakı texnologiyalardan istifadə edirəm:

• Yaradıcılıq bacarıqlarımın inkişafı

• Şəxsi müşahidələrim

• Çoxcəhətli öyrənmə

• Problemli məsələlərin öyrənilməsi

• Test texnologiyalarının öyrənilməsi

• Müasir komputer texnologiyalarından istifadə

2. Pedaqoji fəaliyyətin nəticələri

Mənim pedaqoji fəaliyyətim müsbət nəticələr verir.

2.1. Ümumi tarix fənninin 2018-2019-cu dərs ili üçün nailiyyət monitorinqi

Azərbaycan tarixi fənnindən 2018-2019-cu dərs ilinin nailiyyət monitorinqi

Dərslərimi şagirdlərimin fərdi bacarıqlarını nəzərə almaqla keçirirəm. Məlum olduğu kimi səviyyələr üzrə differensial fərqləndirmədə nəzarət vacibdir. Nəzarətin əsas funksiyalarından biri də müəllimlə şagird arasındakı əks -əlaqədir. Bu zaman pedaqoq tədris etdiyi materialın mənimsənilməsi haqqında obyektiv informasiya alır, vaxtında çatışmamazlıqları aşkar edərək üzə çıxarır və onu aradan qaldırmağa müvəffəq olur. Təcrübəmdə istifadə etdiyim metodlardan ən geniş istifadə etdiyim test metodudur. Testlərin köməyi ilə bilik, bacarıq və fəaliyyətin ilkin monitoringini, cari, tematik və yekun nəzarəti effektiv şəkildə həyata keçirmək və nailiyyətləri izləmək olur. Mən tədris etdiyim Azərbaycan tarixi və Ümumi tarix fənləri üzrə 5-ci sinifdən 11-ci sinifə qədər Test Bank hazırlamışam. Hər bir məşğələ, bölmə başa çatdıqdan sonra test keçirirəm (P.S. ehtiyac olduqda). Dərslikdəki materialın mənimsənilməsi səviyyələrinə görə testlər müxtəlif səviyyələrdə hazırlanmalıdır. Öz təcrübəmdə tarixi yazı işlərindən də istidadə edirəm. Bu yolla şagirdlərin fənnə meyl və maraq göstərdiklərini aşkar etməklə, biliklərin dayanıqlı və inkişafa yönümlü olduğunu müşahidə etmək, eləcə də tarixi xronologiyaların mənimsənildiyini öyrənmək olar. Mən həm də müstəqil tapşırıq metodlarından da fənnin tədrisi zamanı istifadəyə üstünlük verirəm.

2.2.Şagirdlərin yarış və olimpiadalarda iştirakı

Dərsdənkənar işlərin təşkilinə ilk əvvəl könüllülük əsasında başlayıram. Bundan sonra hər bir şagirddə maraq oyadılmasına nail oluram. Dərsdənkənar fəaliyyət aşağıdakı sxemdə öz əksini tapıb:

Tərəfimdən xüsusi istedadlı məktəblilərin İSTEDAD BANKI yaradılmışdır.

Xüsusi istedadlı uşaqlarla iş mənim pedaqoji fəaliyyətimin əsas aspektlərindən biridir. Xüsusi istedadlı şagirdlərin aşkar edilməsi işi 5-ci inifdən başlayır. Bildiyimiz kimi biz şagirdlərlə 5- ci sinifdən işləməyə başlayırıq. Mən ilk əvvəl müşahidələr aparır, şagirdin psixoloji qabiliyyətlərinə, yadda saxlama imkanlarına, danışığına, düşünmək bacarığına xüsusi diqqət verirəm. Ümumiyyətlə istedadlı şagirdlərdən daha səmərəli nəticənin əldə olunması üçün əlavə məşğələlərə ehtiyac vardır. Əslində bu, dünyanın hər yerində belədir. Əlavə təhsil şagirdin bacarıqlarının inkişafına yol açır. İstedadları üzə çıxarır. Belə məsələlər milli məsələ hesab edilir və bu, sözdə deyil, əməldə də belədir.

Aşağıdakı sxemdə xüsusi istedadlılarla işin formaları verilib:

2018-2019-cu tədris ilində şagirdlərimin məktəb olipiada turunda iştirakına dair məlumat

Şəhər fənn olimpiadalarının I və II turunda iştirak edənlər:

XI a sinif şagirdi Şəfiyeva Zərifə tarix fənnindən iştirak etmişdir. Qeyd etmək istəyirəm ki, şagird ikinci dəfə idi ki, tarix olimpiadasına qatılırdı. Çox da təcrübəli deyildi. Ən çox marağı Azərbaycan dili və ədəbiyyatına idi. Zərifə olimpiadada iştirak etməyi çox istəyirdi və buna görə də mən böyük məmnuniyyətlə onunla məşğul olmağa başladım. Mən onu keçmiş olimpiada materialları ilə tanış elədim. Birlikdə olimpiada materiallarını seçdik. Şagirdin mədəniyyət bölməsi üzrə çətinliyi var idi. Sentyabr ayının 16-dan məktəb kitabxanasından lazımi kitabları götürdük və Azərbayvan tarixi, həmçinin Ümumi tarixin müəyyən dövrlərinə aid məlumatları, mədəniyyət bölməsi üzrə lazımi hissələri öyrənməyi tövsiyyə etdim. Şagirdlə birlikdə sinifdə tarixi hadisələri sıraladıq. Tarixi mövzularda esse yazmağı planlaşdırdıq. Ona müstəqil fikirlərini yazmağı, fikirlərini müstəqil deməyin nə olduğunu izah etdim. Nəticədə şagird şəhər tutunda 12 yeri tutdu. Bu isə hesab edirəm ki, bizim şəhər üçün heç də pis nəticə deyildir.

Sosial araşdırmaları çox sevən digər bir şagirdim XI a sinif şagirdi Əliyeva Lamiyəni də hazırlaşdırdım. Bu şagirdim tədris ilində BDU-nun Jurnalistika fakültəsinin tələbəsi adını qazandı. Biz əvvəlki illərin olimpiada taşrırıqlarının həllindən başladıq. Situasiya tapşırıqlarını nəzərdən keçirdik. Lamiyə əlavə ədəbiyyatlardan, Azərbaycan Respublikasının Konstitusiyasını da yenidən mənimsədi. Məşğələlər zamanı ona mənbələr üzərində necə işləməyi öyrətdim. Lamiyənin termilərlə işləməkdə bir sıra çətinlikləri var idi. Onları tərəfimdən hazırlanmış “Tabula rasa” üsulu vasitəsilə aradan qaldırdıq.

Bir şagirdin olimpiadada qələbə qazanması üçün əlbəttə ki, mütləq ilk əvvəldən bazası olmalıdır. Mənim şagirdlərimin hamsı bu bazaya malik olanlardır.

Aşağıdakı cədvəldə şagirdlərimin 2018-2019-cu dərs ilində olimpiadada iştirakı ilə tanış ola bilərsiniz.

2018-2019-cu dərs ilində şagirdlər tərəfindən hazırlanmış və müxtəlif müsabiqələrə təqdim edilmiş işlər:

2.3. Təhsilin keyfiyyətinin yüksəldilməsi mühüm şərt kimi; peşə fəaliyyətimi səciyyələndirən xarakteristika:

İndiyə qədər aşağıdakı konfrans, təlim və kurslarda iştirak etmişəm.

1.Azərbaycan Respublikası Təhsil Nazirliyi Pespublika Pedaqoji Mühazirələrində fəal iştirakına görə, III dərəcəli Diplom. 2003

2. Azərbaycan Respublikası Təhsil Nazirliyi və “Mədəd” təşkilatı. İKT-nin təhsilə tətbiqi üzrə “ Müəllimlərin Peşəkarlıq Səviyyəsinin Təkmilləşdirilməsi“. 2009

3. Azərbaycan Respublikası Təhsil Nazirliyi. İxtisasartırma təhsili haqqında . “ Mədəd Azərbaycan” MMC. Yeni Ümumi Orta Təhsil Kurikulumu üzrə təlim kursu. (I dərəcə ) 12 iyul. 2012.

4. “Gənclərin Həmrəyliyi” İB-nin Azərbaycan Respublikası Prezidenti yanında Gənclər Fondunun maliyyə dəstəyi ilə həyata keçirdiyi Region gənclərinin internet resurslarından səmərəli istifadə edərək karyera imkanlarının artırılması kursu. 2013.

5. “Demokratik Gənclər” İB-nin Azərbaycan Respublikası Prezidenti yanında Gənclər Fondunun maliyyə dəstəyi ilə həyata keçirdiyi Region gənclərinin internet resurslarından səmərəli istifadəsi barədə maarifləndirmək lahiyəsi kursu. 2013

6. Azərbaycan Təhsil Şurasının “Təhsil və zaman”qəzeti ilə birgə keçirdiyi “Məktəbdə təlim keyfiyyətinin yüksəldilməsi problemi” konfransı. 2013

7. Azərbaycan Təhsil Şurasının keçirdiyi “Pedaqoji mətbuat və müasir müəllim” adlı konfrans. 2013

8. Azərbaycan Respublikası Təhsil Şurasının “ Təhsilin İnkişafı üzrə Dövlət Strategiyası” na Dəstək Proqramı. “ İKT bacarıqlarının təkmilləşdirilməsi və elektron dərs nümunələrinin hazırlanması” kursu.11.07.2014

9. ”Beynəlxalq təcrübə mübadiləsi təlim keyfiyyətini yüksəldən vasitə kimi” “Elmi-təcrübi konfrans”. 13-15 noyabr 2014, Gürcüstan Respublikası, Kobuleti şəhəri

10.Azərbaycan Təhsil Şurası “ Təhsil sahəsinin inkişafı üzrə Dövlət Strategiyasına “Dəstək proqramı “çərçivəsində “ Öyrədənlərin öyrədəni “ lahiyəsinə daxil olan “ Elektron Tədris Resurslarının hazırlanması və tədrisdə tətbiqi” kursu. “ Təlimçi” statusu. 24.01.2015.

11.Şəhadətnamə №055899” Qarabağ xanlığı” IX sinif. Təqdimat. 08.02.2015 (Metod-kopilka.ru)

12. Şəhadətnamə №167197 “Qarabağ xanlığı “ tarixi. İcmal 14.02.2015. (kopilka.ru)

13. Azərbaycan Respublikası Təhsil Nazirliyi, Bakı Pedaqoji Kadrların İxtisasartırma və və Yenidənhazırlanma İnstitutu və Azərbaycan Təhsil Şurası “Qarabağ həqiqətlərinin böyüyən nəslə çatdırılmasının elmi- metodiki və praktik məsələləri” Bakı, 6-7 mart 2015

14. Sertifikat. №Ed0415-062202-4522 ”Elektron məlumatın yerləşdirilməsi barədə “ Azərbaycan tarixi. 9 sinif. “Qarabağ tarixi” 06.04.2015 .

15. Şəhadətnamə № 98712022 “Qarabağ həqiqətlərinin məktəblilərə öyrədilməsində tarixi qaynaqların rolu” müəlliflik sənədi. (videouroki.net) 24.05.2015

16.Azərbaycan Respublikası Prezidentinin 21 dekabr 2015-ci il tarixli 1635 №-li Sərəncamı ilə 2014-2015-ci dərs ilində keçirilmiş “Ən yaxşı müəllim” müsabiqəsinin qalibi

17. Azərbaycan Təhsil Şurasının keçirdiyi “Təlim-tərbiyə prosesi: ənənə və müasirlik, innovasiyalar, kreativ düşüncənin formalaşdırılması” mövzusunda respublika elmi-təcrübi konfrans. Bakı, 23.01.2016

18. Azərbaycan Təhsil Şurasının keçirdiyi “Qabaqcıl müəllimlərin Birinci Ümumrespublika Forumu”. Bakı, 04.06.2016

19. “Təhsil Sahəsinin İnkişafı üzrə Dövlət Strategiyasına Dəstək Proqramı” Beynəlxalq Təcrübə Mübadiləsi Layihəsi “Beynəlxalq təcrübə mübadiləsi təlim keyfiyyətini yüksəldən vasitə kimi” mövzusunda elmi-təcrübi konfrans.

Bakı, 13-14 yanvar 2017

20. Azərbaycan Respublikası Təhsil Şurası” Gənc nəslin təlim-tərbiyəsi işində fəallıq göstərdiyinə, sağlam vətəndaş mövqeyinə, tədrisdə innovasiyalardan bacarıqla istifadə etdiyinə görə və anadan olmasının 50 illik yubileyi münasibətilə” Nəsrəddin Tusi Diplomu, 22.02.2017

21.Təşəkkürnamə. “Multiurok” layihəsi çərcivəsində”Şəxsi metodki kitabxanasını yaratdığına görə” 25.05.2017. BT№ 1005460

22. Təşəkkürnamə. “Multiurok layihəsində iştirak və fəaliyyətinə görə” 25.05.2017. BT№ 1005461

23. Tərifnamə. “Multiurok” layihəsi çərcivəsində “Yaradıcı axtarış və təşəbbüskarlığına, professional yaradıcılıqda yüksək naliyyətlərinə görə” 25.05.2017. BT№ 1005462

24. Tərifnamə. “Multiurok” layihəsi çərcivəsində “Öz işində müasir informasiya texnolofiyalarından bacarıqla istifadə etdiyinə görə” 25.05.2017. BT№ 1005463

25. Tərifnamə. “Multiurok” layihəsi çərcivəsində “Pedaqoji təcrübəsini bölüşdüyünə görə” 25.05.2017. BT№ 1005464

26. Tərifnamə. “Multiurok” layihəsi çərcivəsində “Yüksək professionallıq və öz metodiki işlərinin reallaşdırılmasına görə” 25.05.2017. BT№ 1005465

27. Tərifnamə. “Multiurok” layihəsi çərcivəsində “Təhsil keyfiyyətinin yüksəldilməsi üçün innovativ layihələr verdiyinə və aktiv fəaliyyətinə görə” 29.05.2017. BT№ 1009556

28.Azərbaycan Respublikası Təhsil nazirliyi, “Elektron təhsil” Respublika müsabiqəsi, “ Təhsildə ən yaxşı internet resusrsları” nomonasiyası üzrə Fərqlənmə Diplomu, 26.12.2017

29. “Təhsil Sahəsinin İnkişafı üzrə Dövlət Strategiyası”na “Dəstək Proqramı” Azərbaycan Təhsil Şurasının keçirdiyi”Qabaqcıl müəllimlərin İkinci Ümumrespublika Forumu”nda çıxış etmişdir. 28.04.2018

30. Azərbaycan Respublikasının Təhsil nazirinin 15 iyul 2019-ci il tarixli F-446 nömrəli Əmri ilə Respublika Pedaqoji Mühazirələrində fərqləndiyinə görə TƏRİFNAMƏ

31. Təhsildə inkişaf və innovasiyalar üzrə IV qrant müsabiqəsinin (2020) qalibi, “V-XI siniflərdə tarix fənninin tədrisi metodikası” adlı metodik vəsait müəllifi

32. Azərbaycan Respublikası Təhsil Şurası İctimai Birliyi səmərəli əməkdaşlığı, 30 ilik pedaqoji fəaliyyəti və 55 illik yubileyi münasibətilə Birliyin İdarə Heyətinin üzvü kimi “Fəxri Fərman”, 22.02 2022

2021-2022-ci tədris ili üçün özünütəhsil planı:

Özü -özünə təhsil planı tamamlandı.

İstifadə edilmiş ədəbiyyat və internet resurslar

1.«Самоанализ. Простая книга для помощи самому себе, содержащая тесты и методики, основанные на открытиях дианетики» Лафайет Рональд Хаббард. США.1951

2.https://www.psychol-ok.ru/lib/poppsy/2018/0212.html

3.https://nsportal.ru/shkola/materialy-k-attestatsii/library/2014/02/16/samoanaliz-uchitelya

4.https://ru.wikipedia.org/wiki/%D0%A1%D0%B0%D0%BC%D0%BE%D0%B0%D0%BD%D0%B0%D0%BB%D0%B8%D0%B7

5.https://mektebgushesi.az/2019/08/12/boyukaga-mikayilli-istedadli-usaqlarla-is-c%C9%99nubi-koreya-v%C9%99-cin-t%C9%99crub%C9%99si/

Əsədov Seyyub Əsəd oğlu - Şirvan şəhər T. Bağırov adına 11 №-li tam orta məktəbin tarix müəllimi, “Ən yaxşı müəllim” müsabiqəsinin (2015-ci il), Təhsildə inkişaf və innovasiyalar üzrə IV qrant müsabiqəsinin (2020) qalibi (“V-XI siniflərdə tarix fənninin tədrisi metodikası” adlı metodik vəsait müəllifi), Azərbaycan Respublikası “Təhsil Şurası” İB-nin İdarə Heyətinin üzvü

Linklərə daxil olub fəaliyytimlə tanış ola bilərsiniz:

https://www.facebook.com/seyyub.asadov

https://www.facebook.com/Seyyub1967

https://www.youtube.com/c/SeyyubAsadov

https://twitter.com/SeyyubAsadov

http://multiurok.ru/seyyubasadov2/

https://videouroki.net/tests/my/

https://sinxronfenler.blogspot.com/

https://www.facebook.com/groups/696764187121719/

https://www.facebook.com/groups/617455222276808/

https://www.facebook.com/groups/5014801915293951