Оҕо доруобуйатын көрүөҕүҥ !

Оҕо доруобуйатын көрүөҕүҥ.

Кэнники кэмҥэ, оҕо доруобуйатыгар буортулаах астары аһааһын сөпкө аһыыр культуратын билбэтиттэн араас ыарыылар элбээтилэр. Саамай оҕо сыыһа аһыыр астара утахтара кока кола эниэргиэтиктээх утахтар доширак чипсы буолаллар.Ол курдук анемия панкреатит (ноор ыарыыта) гастрит үрдүк давление буоллулар. Бу ыарыылар оскуола оҕотугар чаастатыйдылар. Онон оҕо аһын көрөр кэммит кэлбит бириэмэтигэр сөптөөх өйдөтүү үлэтин ыытыахтаахпыт.Оҕо аһылыгар кыһыҥҥы кэмҥэ итии эт миинэ, ууга буспут хааһылар, араас отонтон морстар, хортуопуйдаах соккуой, пюре, кыһыл, хара хаптаҕастан барыанньа, оҕурсуттан помидортан хаппыыстаттан салааттар, үрүҥ ас арааһа, күөрчэх, суорат,творог, үүт, балык, собо, сымыыт, фрукта оҕо аһыыр рационугар баар буолуохтаах. Маннык бэйэбит усулуобуйабытыгар сөп түбэһиннэрэн сөпкө аһатыахтаахпыт.Оччоҕо иҥэмтэлээх аьы оҕо аһаатаҕына доруобай буолар, үчүгэйдик үөрэнэр, этигэр-хааныгар сөптөөх битэмииннэр минераллар киирэллэр. Оҕо сөпкө сайдар улаатар.

Биир сүрүн болҕомтобутун оҕо таҥнар таҥаһыгар ууруохтаахпыт. Оҕо ис таҥаһа хлопоктан оҥоһуллубут, этэ тыынар буолуохтаах. Нэдиэлэҕэ 3-2 оҕо ис таҥаһын уларытыахтаах. Күн аайы оҕо школьнай формата ыраас. өтүүктээх буолуохтаах. Халтарыйбат удобнай атах таҥаһын кэтиэхтээх .Оскуолаҕа уларыттан кэтэр атах таҥаһа туспа буолар .Кыһыҥҥы таҥаһы төрөппүт эмиэ болҕойон көрүөхтээх. Оҕо ичигэс кыһыҥҥы таҥастаах буолуохтаах. Синтепон соннор чараас, сииктээх буолаллар.Синтетика рейтузалар эмиэ кыыс оҕо доруобуйатыгар тымныылар. Хаачыстыбата намыһах таҥастар оҕо доруобуйатыгар буортулаахтар.Киэһээ аайы оҕо атаҕын таҥаһын, сонун, курткатын бэргэһэтин куурдуллуохтаах.Кыһыҥҥы кэмҥэ оҕо ичигэс үтүлүктээх, атах таҥастаах, моонньугар шарфиктаах буолуохтаах.

Оҕо доруобай буоларыгар саамай сүрүнүнэн күннээҕи режими сөпкө тутуһуу, сөпкө туруу, утуйуу, Иҥэмтэлээх доруобай аһылык, эти хааны эрчийии, элбэхтик хамнаныы, өйдөөхтүк телефону туһаныы, айымнньылаах дьарык,чэбэрдик, ыраастыкбэйэни көрүнүү, суунуу-тарааныы, таҥныы, доруобай, чөл эйгэҕэ сылдьыы буолар. Онон оҕо доруобуйатын көрүөҕүҥ. “Оҕо- биһиги инники кэскилбит, биһиги баайбыт”- диэн мээнэҕэ этиллибэт