«Отбасы - тіршіліктің тірегі»

Тәрбие сағатының тақырыбы: «Отбасы тіршіліктің тірегі»

Тәрбие сағатының мақсаты:

І. Ұрпақ тәрбиесінде ата-бабамыздың ұстаған жолын, баланың отбасындағы орнының жоғары бағалағандығын паш ету, бала тәрбиесіне байланысты салт – дәстүр, мақал – мәтелдер, нақыл сөздерді пайдалана  отырып оқушыларды үлкендерді сыйлауға, кішіге көмектесуге баулу.

 ІІ. Өзара сыйластыққа, адамгершілікке, имандылыққа, инабаттылыққа тәрбиелеу.

Т/сағатының барысы.

І. Ұйымдастыру сәті.

1. Шаттық шеңбері.            

Қуанамын мен де,

Қуанасың сен де.

 Қуанайық достарым,

Арайлап атқан күнге?

ІІ. Негізгі бөлім .

Мұғалім:   Балалар, біздің бүгінгі т/с тақырыбы «Отбасы тіршілік тірегі »деп аталады. Сабақ барысында біз отбасы, адамға ең қымбат, ең жақын адамдар туралы, олардың мейірімділігі, сүйіспеншілігі туралы, имандылығы туралы сөз қозғаймыз.

    «Адамзаттың бәрін сүй бауырым деп » ұлы ақын атамыз Абай айтқан екен.Адамзат – бүкіл адам баласы деген сөз. Адамды сүю адам танудан басталады.Адам тану – адамзат арасындағы қарым – қатынас мейірімнен басталады.

   Ал адамға деген сүйіспеншілік , мейірімділік қайырымдылық – ең әуелі әркімнің отбасынан басталады. Әр үйдің ішіндегі адамдар сол отбасының мүшелері болып саналады.

Маған да, саған да,

Жақын туыс – бес адам.

Үш әріптен тұратын.

Оңға оқы, солға оқы.

Өзгермейді еш одан.

Бәрі де өз жұратың,

                                    Айтады, қане, кім атын? /апа,ата, ана, іні, аға./

-        Отбасы деген не?

-        Кім өз отбасы туралы айтып береді? /жауаптарын тыңдау/

        Сызба нұсқамен жұмыс.

-        Отбасы мүшелерін атап берейік.

   Енді балалар отбасының мүшелеріне жеке – жеке тоқталып өтейік.

  Ата , ана, әже, әке, бала, іні, қарындас, аға т б.

   Бала – адамның бауыр еті – дейді қазақ халқы.

   Ұрпақ – ғұмыр жалғасы, тіршілік көзі. Қай халық болсын, үмітін ең алдымен ұрпағынан күтеді. Жанған отын сөндірмей, түтінін түтетін ұрпақ қалдыруды көздейді. Халқымыз балалы болу бақытын байлыққа, мансапқа ауыстыра алмаған.

  «Бала - өмірдің жалғасы, көз қуанышы, шаңырақ иесі,»- деп ұрпақты болуға, оның тәрбиесіне қатты көңіл бөлген.

Қуанып жан жүрегі қақ жарылды,

Қасірет басындағы қалды арылып.

Ұл – қыз көріп дүбірлі той жасайды,

Атқан соң маңдайынан таң жарылып.

 -  Балалар, бізідің отбасымызда ең үлкен, ең ардақты, барлық тәттілерін сендерге арнап тығып қоятын кім?

 - Дұрыс, ол біздің ата - әжелеріміз. Кім өзінің ата - әжесіне арнап тақпақ айтып берем дейді.

                1-оқушы:                                                2-оқушы:

Аппақ күміс сақалды,                              Менің атам мықты адам,

Жақсы көрем атамды.                              Күштілерден ықпаған.

Шахматтан ол бүгін,                                Жас кезінің өзінде,

Менен тағы мат алған.                             Жігіті жоқ жықпаған.

-  Отбасының тірегі , қорғанышы  деп кімді айтамыз?   Ол әке.

      Келесі кезекті ең ардақты, ең сүйікті ол кім?

-        Әрине ол аналар.

Анаң деген ақылшың,

Анаң барда батырсың.

Ұясында кім болса да,

  Тек анаңа жақынсың – дегендей аналарға арнау.

Сонымен, сендер үшін ата, апа, ана, әке қандай адамдар?

-        Ең қымбат адамдар.

Құт береке атаң қымбат,

Мейірімді әжең қымбат,

Асқар тауың әкең қымбат,

Аймалайтын анаң қымбат.

     Сергіту сәті:      «Мені кім қалай жақсы көреді?!» (жылы сөздер )

Мақалдарды жалғастырыңдар.

  а)  Ауылдан асқан байлық,

         --------- қымбат қазына жоқ.  /кітап/

  ә) Талапсыз жас,

   Қанатсыз-----.      /құс/

 б)  ------- қылығымен көркем.    /қыз/

    в) Білім – теңіз,     ------   кеме.                /мектеп/

  г)  --------   көңілі балада.             /ананың/

  д) Сөз тапқанға - --------- .         /қолқа жоқ/

  е) Жақсы сөз - ------------  .        /жарым ырыс/

   ж)  Ине көзінен сынады --------- .     /шешен сөзінен сынады/

    з) Отан- --------  басталады.              /отбасынан/

«Жеті жұмбақ»

1-         Қабат- қабат қаттама,

Ақылың болса аттама.                             Кітап

2 – Қардай аппақ , балдай тәтті – ақ.             Қант.

3 – Ұрсаң жерде зулайды,

       Жерде қарғып тұрмайды.                         Доп

       Тиіп кетсе басына,

         Ешбір зиян тимейді.

5 – Жылт – жылт еткен, жырадан өткен.        Су

 6 - Әрі қызыл, әрі тәтті.

Татқан жанды таңырқатты.                              Алма

 Қорытынды сөз: Міне, балалар, бүгін біз өз отбасы мүшелерімен танысып, олардың жанұядағы орнымен және  оларды қалай сыйлау керек екенін  сөз еттік.