Открытый урок . Дополнение.

Темэр: Гущы1эухыгъэм ичлен гуадзэхэр. Дополнениер.

Мурадыр: Член гуадзэмэ афэгъэхьагъэу аш1эрэр зэфэхьысыжьынын;

къэзгъэнафэм фэгъэхьагъэу аш1эрэр зэфэхьысыжьыгъэныр;

Къэзгъэнафэм нахь игъэк1отыгъэу нэ1уасэ фэш1ыгъэнхэр.

Урокым ик1уак1

I. Урокым изэхэщэн

1. Мурадыр я1огъэныр

Непэ урокым едзыгъак1э зэдгъэш1энэу едгъэжьэщт. Ар гущы1эухыгъэм ичлен гуадзэхэр ары. Член гуадзэмэ ащыщэу дополнением игъэк1отыгъэу тытегущы1эщт.

III. Пэублэ бесед

1.Гущы1эухыгъэр зэхэтэфы.

Шак1омэ сакъэу бым ихьажьыгъэ тыгъужъыр къаухьэ.

1. Член шъхьа1эхэр къахыгъэщы. (шак1омэ къаухьэ)

2. Член гуадзэхэр къахагъэщы (сакъэу бым ихьажьыгъэ тыгъужъыр)

2. Дополнением пае сыда шъуш1эрэр?

Дополнениер гущы1эухыгъэм ичлен гуадзэу пкъыгъор къызэрык1ырэр ары. Глаголыр шъугу къэжъугъэк1ыжьи, сыдэущтэу дополнениер глаголым епхыгъа?

IV.Темак1эм икъэ1отэн.

Дополнениехэр купит1оу гощыгъэх. Пэблэгъэ ык1и едзэк1ыгъэ дополнениехэр.

1.сыда пэблэгъэ дополнение зыфа1орэр?

2. .сыда едзэк1ыгъэ дополнение зыфа1орэр?

3.дополнениер сыд фэдэ бзэ г1щы1эк1э къэ1уагъэу хъура?

4. Дополнениер пкъыгъоц1э мэхьанэ зи1э хъугъэ плъышъуац1эк1э, причастиек1э къэ1уагъэу хъун ылъэк1ыщт. Гущы1эм пае: отрядыр плъыжьымэ (хэтмэ?) ахэхьагъ. Ц1ыфхэркъатечъыгъэхэм (хэт?) бэрэ атегущы1агъэх.

5. Пчъэгъац1эрэ пкъыгъуац1эрэ зыхэт г1щы1эзэгъусэк1э къэ1уагъэу хъун ылъэк1ыщт. К1элэеджак1ом тхылъ пш1ык1утф къыщэфыгъ. Тхылъык1ит1умэ атегущы1агъэх.

V. Темэм изэфэхьысыжьын.

1. Тхылъым 1оф дэш1эгъэныр.

1оф.88 (жэры1ок1э дополнениер къыхагъэщы,бзэ гущы1эу къызэрэ1уагъэр къа1о)

1оф.89 (тыратхык1ы,дополнениемэ ак1агъэтхъы)

2. Текстыр агъэцак1э

1. Гущы1эухыгъэм ичлен гуадзэу пш1эхэрэр къэтхых.

2. Дополнение сыда зыфа1орэр?

А)гущы1эухыгъэм ичлен гуадзэу пкъыгъом ыш1эрэр къызэрык1ырэр ары.

Б) Гущы1эухыгъэм ичлен гуадзэу пкъыгъор къызэрык1ырэр ары.

В) Гущы1эухыгъэм ичлен гуадзэу пкъыгъом инэшанэ, зыфэдэр къызэрык1ырэр ары.

3. Дополнениехэр сыдэущтэу гощыгъэха? Къэтх.

Купит1оу гощыгъэх.:

__________________________________________________________________________________________________________________________________________________________

4. Дополнениехэр гущы1эухыгъэм сыдэущтэу къыхафэра?

А) пкъыгъуац1эк1э е ц1эпапк1эк1э

Б)пкъыгъуац1эк1э, ц1эпапк1эк1э, пчъэгъац1эрэ пкъыгъуац1эрэ зыхэт гущы1эзэгъусэк1э къэ1уагъэу мэхъу.

В) Пчъэгъац1эк1э,пплъышъуац1эк1э ык1и глаголк1э къэ1уагъэу мэхъу.

6. Урокым изэфэхьысыжьын.

Сыда урокым к1эу щызэжъугъэш1агъэр?

7.Оценкэмэ ягъэуцун.

8. Унэмк1э гъэцэк1эн.