Өз бақытың-өз қолыңда

“ Өз бақытың-өз қолыңда”

“ Бақытты адамның ұстанымдарынан” жаныңа жақынын таңдап ал да, түсіндіріп бер:

• Бақыт деген – адамдар үшін өмір сүру және оларды бақытты ету.
• Бақыт – бұл жаныңа жақын істі таңдап алу және шығармашылықпен жұмыстану.
• Бақыт – достарыңмен, жаныңа жақындарыңмен араласу.
• Бақыт – қызықты өмір сүру үшін барлық қажеттінің болуы.
• Бақыт - ертеңгі күнді ойламастан, бүгінгімен өмір сүру.
• Бақыт – денсаулығыңның мықты болуы және өзіңнің, айналаңдағылардың денсаулықтарына қамқорлық жасай білу.
• Бақыт – әр күннің нұрлы шуағын сезіну

Нағыз бақытты құраушылар:

Ел бақыты дегеніміз ұлтын сүйер, халқын демер, Отанын құрметтеп, ата-анасын ардақтап, елдің тірегі, халықтың жүрегі бола білетін, болашақтың діңгегін қолдарына ұстайтын патриот ұл--қыздары. Ер бақыты дегеніміз қиналғанда қол ұшын берер қаумалаған қалың елі, достары келгенде де, дұшпаны келгенде де ер атын ез атына айналдырмай сыйлай білетін адал жары, әке атын ертеңге адалдықпен, кәусарлықпен жеткізетін ұл-қыздары. Бала бақыты дегеніміз көз жасын төкпей, қайғы көрмей, жетімдіктің, жоқтықтың зарын тартпай өткізетін балғын балалық шағы, жел жағынан пана, жаңбыр жаусы таса, өмір-өзен қыспағында қалса, араша бола білетін асқар таудай әкесі мен мөлдір бұлақтай аяулы анасы. Ана бақыты дегеніміз тар құрсағын кеңітіп, тас емшегін жібіткен, жүрек жылуы, көз қуанышы, бауыр еті баласы, кейде досы, кейде жанашыры кей-кейде арқа сүйер панасы бола білетін сүйген ері. Міне, осы төрт ұғым тек қана ұғым болып қалмай, шынайылықпен жүзеге асса, онда бақыт шырағданы мәңгі өшпес өмір шырағданына айналар еді. Өмір көгінде нағыз бақыт қанат жайып, әлемді өз нұрына бөлер еді.

Ақын Күләш Ахметованың мына бір тамаша өлең жолдарынан бақыт туралы ойын байқауға болады:

Минут сайын сезінем бақыт дәмін, Қуанышқа толады уақыттарым. Айналаның бәрінен бақыт көрем, Арайланып тұрғанда атып таңым. Күні-түні шүкір деп шаттанамын Сәбидеймін, көңілім аппақ әлі! Көзім – шырақ, санам – сау, ғалам – ғажап, Бұдан артық бола ма бақ бағалы?

Асқан сұлулықтан аз ғана бақыт артық.

                                                 Әлішер Науаи

Бақытты болғың келсе, өмір туралы аз ойла.

                                                Томас Фуллер

Басқаға қуаныш сыйлай білген – ең бақытты жан.

                                               Дени Дидро

Бақыттың мәні – парасаттылықта, әркімнің өз алдына игілікті мақсат қоя білуінде…адамның өз мінез-құлқын, ісәрекетін ерікті түрде өзгертіп, игілікке бағыттап отыруында.

                                                 Әбу Насыр әл-Фараби

Бақыт – көктемгі бұлт сияқты. Ол – көрген түстей, ұшқан құстай өте шығады.

                                               Ахмед әл-Иүгінеки

“ Бақыт әні” М.Мақатаев

Бақыт жайлы менің мынау білгенім.

Бақыт деген – бірде шаттық, бірде мұң.

Бақытты сол – тәрік етіп түндерін,

Бақыт іздеп азаптанса, кімде-кім

Қ-сы

Бақыт деген – сенің бала күндерің

Бақытсыз-ақ бақытты боп жүргенің,

Бақытын да, басқасын да білмеуің

Бақытсыз-ақ ойнағаның-күлгенің.

Қ-сы

Бақыт деген – әркімдерде бір арман,

Сол арманның шыққан жері құмардан.

Ал сен үшін бақыт деген – дәл қазір

Бақыт жайлы жаза алмаған шығармаң