План по кабардинскому языку

Сентябрь. Япэ тхьэмахуэ

1.1.Гъэмахуэ зыгъэпсэхугъуэр зэрызгъэк1уар

Гъэмахуэ нэщэнэхэр ягу къэгъэк1ыжын, жегъэ1эн Псалъащхьэм щ1эту рассказ ц1ык1у зэхегъэлъхьэн; псалъэухар тэмэму яухуэфу ябзэм зегъэужьын.

1.2. Нало З.» Нанэ и псэ, дадэ и бзэ»

Усэр гук1э егъэщ1эн, псалъэ нэхъ гугъухэм елэжьын.

Макъ нэхъ къатехьэлъэхэр нэхъыбэрэ къегъэпсэлъын.

Сентябрь. Ет1уанэ тхьэмахуэ

2.1.Къэрмокъуэ Хь. «Дыгъужьым и к1уэдык1ар»

Таурыхъым едэ1уэфу, купщ1э нэхъыщхьэр къагъуэтыфу; упщ1э яхуэбгъэувым жэуап къратыфу, зэ жа1ам къытрамыгъэзэжу къа1уэтэжыфу егъэсэн.

Таурыхъым хэт персонажхэм жьэры1уатэу сурэт хуегъэщ1ын- я бзэм зегъэужьын

2.2.Бзэм и макъхэр къызэ рыхъум къытегъэзэжын

Макъзешэхэмрэ, макъ дэк1ашэхэмрэ зэрызэхагъэк1ыфыр къэхутын, егъэф1эк1уэн.

Сентябрь. Ещанэ тхьэмахуэ

3.1.«Хадэхэк1хэр кърахьэл1эж»

Сурэтым щалъагъухэр планым тету къа1уэтэжыфу егъэсэн. Хадэхэк1хэр къэпщытэжын, хущхъуэгъуэ хэлъхэр егъэщ1эн. Хадэхэк1хэм теухуа «кроссворд» гъэджэгун.

3.2.Бейрэмыкъуэ 1. «Бынэ – щхьэхынэ». Псалъэжь «Хуэмыху и 1уэху блэк1ыркъым»

Усэм къахуеджэн, упщ1эк1э зэпкърегъэхыжын. Псалъэ нэхъ гугъухэм елэжьын. Псалъэжь «Хуэмыху и 1уэху блэк1ыркъым» Псалъэжь «Хуэмыху и 1уэху блэк1ыркъым»

Сентябрь. Епл1анэ тхьэмахуэ

4.1.Джэш Р. «Рузанэ».

Рассказым къахуеджэн, псалъэ нэхъ гугъухэм елэжьын. Упщ1эк1э зэпкърахыфу, купщ1э нэхъыщхьэр къагъуэтыфу егъэсэн. Рассказым ехьэл1а псалъэжь егъэщ1эн.

4.2.Грамотэм хуэзыгъэхьэзыр дерс.

Бзэр псалъэурэ, псалъэр пычыгъуэурэ зэрызэхэтыр къагурыгъэ1уэн, егъэщ1эн. Ц1ык1ухэр «Псалъэрыджэгу» гъэджэгун

Октябрь. Япэ тхьэмахуэ

1.1. Щэджэнц1ык1у А. «Бжьыхьэ» рассказыр.

Рассказым къахуеджэн, бжьыхьэм къэхъу зэхъуэк1ыныгъэхэм к1элъыгъэплъын. «Пхъэщхьэмыщхьэхэр кърахьэл1эж» сурэтымк1э гъэлэжьэн: пхъэщхьэмыщхьэхэр къэпщытэжын. Псынщ1эрыпсалъэ егъэщ1эн.

1.2. Аф1эунэ Л. «Адыгэбзэ» усэр.

Усэр гук1э егъэщ1эн. Адыгэбзэм макъыу урысыбзэм техуэхэр зэхамыгъэзэрыхьу къапсэлъыфу, ягъэ1уфу егъсэн. Сабийхэм я псалъалъэм хагъэхъуэн папщ1э, «Псалъэрыджэгу» гъэджэгун.

Октябрь. Ет1уанэ тхьэмахуэ

2.1.Къармокъуэ Хь. «Чэнджэщ».

Таурыхъым къахуеджэн, едэ1уэфу, жа1эжыфу егъэсэн, псалъэ нэхъ гугъухэм елэжьын. Таурыхъым ехьэл1а псалэжь егъэщ1эн. Адыгэ художественнэ литературэр ф1ыуэ егъэлъэгъун.

2.2.Дерс блэк1ар къэпщытэжын (нэп.. 94-96)

«Гу-ку» макъхэр псалъэхэм тэмэму, зэхэщ1ык1ыгъуэу къыщапсэлъыфу (и пэм, и кум, и к1эм) егъэсэн. Макъхэм теухуа усэ ц1ык1ухэм иригъуэзэн. Зэхах макъым гулъытэ хуащ1у егъэсэн.

Октябрь. Ещанэ тхьэмахуэ

3.1. Къагъырмэс Б. «Мэзым» усэр.

«Бжьыхьэ» сурэтымк1э рассказ зэхегъэлъхьэн, я бзэм зегъэужьын. Усэм къахуеджэн, сурэтымрэ усэмрэ зэрапхыфу, абы яку дэлъ зэщхьыныгъэр къагъуэтыфу, къыжа1эфу егъэсэн.

3.2. Нало З. «Л1ыжьымрэ Хъумпэц1эджымрэ». хъыбарыр.

Хъыбарым щ1элъ купщ1э нэхъыщхьэр сабийхэм къагурыгъэ1уэн, хъыбарымрэ рассказымрэ зэхагъэк1ыфу егъэсэн. «Зыплъыхьак1уэ дыщык1уам» темэм теухуа хъыбар сабийхэм зэхегъэлъхьэн. «Дзыгъуэ-джэду» гъэджэгун.

Октябрь. Епл1анэ тхьэмахуэ

4.1.Дерс блэк1ар къэпщытэжын.

Псалъэухам мыхьэнэ пыухык1а зэри1эр къагурыгъэ1уэн, псалъэуха тэмэму зэхалъхьэфу, ар зэк1элъыхьауэ къагъуэтыжыфу егъэсэн; нэрылъагъу пособие къэгъэсэбэпын.

4.2. Бжьыхьэ.

Зыплъыхьак1уэ школ паркым шэн.

Дыкъэзыухъуреихь дунейм щыгъуазэ щ1ын.

Ноябрь. Япэ тхьэмахуэ

1.1.Бжьыхьэ.

Гъэм и зэман бжьыхьэм яхутепсэлъыхьын. Зэхъуэк1ыныгъэ ялъагъухэм тегъэпсэлъыхьын, я дзэм зегъэужьын, я псалъэхэм хэгъэхъуэн. Бжьыхьэ мазэхэр къегъэпщытэжын: сентябрь – фок1адэ, октябрь – жэпуэгъуэ, ноябрь – щак1уэгъуэ, мазэц1эхэр адыгэбзэк1э яже1эн.

1.2.Дерс блэк1ар къэпщы тэжын.

Дерс блэк1ар къэпщытэжын. Псалъэ, псалъэуха къэзыгъэлъагъуэ схемэхэм щыгъэгъуэзэн, ахэр къагъэсэбэпурэ псалъэ , псалъэуха къагупсысыфу егъэсэн.

Ноябрь. Ет1уанэ тхьэмахуэ

2.1. Ушинский Д.К. «Бжьыхьэ».

Зыплъыхьак1уэ щык1уам ялъэгъуахэм к1эщ1 дыдэу тегъэпсэлъыхьын. Рассказым къегъэджэн, упщ1эк1э зэпкърегъэхыжын, словарнэ лэжьыгъэ егъэк1уэк1ын. «Мы тхьэмпэр зыпыт жыгыр къафщ1эт?» джэгук1эмк1э гъэджэгун.

2.2.Макъ «Гъ – хъ»

Дерс блэк1ар къэпщытэжын. «гъ – хъ» макъхэр псалэхэм щызэхамыгъэзэрыхьу къыщапсэлъыфу егъэсэн, ахэр адыгэбзэ макъыу зэрыщытыр къагурыгъэ1уэн. Сабийхэм я дикцэм елэжьын: псалъэхэр, псальэ зэпыщ1ахэр зэхэщ1ык1ыгъуэу къапсэлъыфу егъэсэн; бзэр ф1ыуэ егъэлъэгъун, дегъэхьэхын.

Ноябрь. Ещанэ тхьэмахуэ

3.1.Къэрмокъуэ Хь. «Хьэрэмыжьрэ Хьэлэлыжьрэ» таурыхъыр.

Таурыхъыр яже1эжын, абы дегъэхьэхын, къазэрыгуры1уар упщ1эк1э къэпщытэжын, словарнэ лэжьыгъэ егъэк1уэк1ын, Таурыхъым ехьэл1а псалъэжь егъэщ1эн. Ягу ирихьа пычыгъуэм тегъэпсэлъыхьыжын, персонажхэм зыпегъэщ1ыжын, гъэджэгун.

3.2.Аф1эунэ Л. «Бжьыхьэ».

Усэр гук1э егъэщ1эн, упщ1эк1э зэпкърегъэхыжын; псалъэ нэхъ гугъухэм елэжьын, макъхэр къызэрапсэлъым к1элъыплъын. Садым къыщык1уэк1э ялъэгъуахэм к1эщ1 дыдэу тегъэпсэлъыхьыжын.

Ноябрь. Епл1анэ тхьэмахуэ

4.1.Дерс блэк1ар къэпщытэжын .

Псалъэухам мыхьэнэ пыухык1а зэри1эр къагурыгъэ1уэн, псалъэуха тэмэму зэхалъхьэфу, ар зэк1элъыхьауэ къагъуэтыжыфу егъэсэн; нэрылъагъу пособие къэгъэсэбэпын.

4.2. Хьэхъупащ1э А. «Умышынэ, дадэ» рассказыр.

Рассказым къахуеджэн, упщ1эк1э зэпкърегъэхыжын, купщ1э нэхъыщхьэр къыхахыфын, рассказыр я псалъэк1э жегъэ1эжын, абы дегъэхьэхын. Нэхъыжьымрэ нэхъыщ1эмрэ яку дэлъын хуей хабзэм яхутепсэлъыхьын. «Пы1экъуэдзэ» гъэджэгун.

Декабрь. Япэ тхьэмахуэ

1.1. Щ1ымахуэ.

Гъэм и зэман къихьам яхутепсэлъыхьын: щ1ымахуэ мазэхэр егъэщ1эн, нэрылъагъу пособие къэгъэсэбэпын. Щ1ымахуэм теухуа рассказ зэхегъэлъхьэн: сабийхэм я бзэм зиужьын папщ1э, нэхъыбэрэ гъэпсэлъэн, я псалъалъэм хэгъэхъуэн, я бзэмк1э хуиту псэлъэфу, псалъэхэм къарык1 мыхьэнэр къагуры1уэу егъэсэн. Щ1ымахуэм теухуа псалъэжь, къуажэхь егъэщ1эн.

1.2. К1эрашэ Т., Акъсырэ З. «Мыщэ и къуэ Батыр»

Сабийхэр таурыхъым щыгъуазэ щ1ын щ1эдзэн, таурыхъым и къежьап1эм теухуа псалъэмакъ сабийхэм ядегъэк1уэк1ын. Таурыхъым и япэ, ет1уанэ 1ыхьэхэм къахуеджэн. Къык1элъык1уэным хуэп1ащ1эу таурыхъым дегъэхьэхын.

Декабрь. Ет1уанэ тхьэмахуэ

2.1. Нало З. «Мамышэ и маршынэр» рассказыр.

Рассказым къахуеджэн, дегъэхьэхын, словарнэ лэжьыгъэ ядегъэк1уэк1ын. Гъэсэныгъэ мыхьэнэ зи1э 1ыхьэхэм къытегъэзэжын, сабийхэм упщ1эк1э захуэгъэзэн. Рассказым ехьэл1а псалъэжь егъэщ1эн, жегъэ1эн.

2.2. Дерс блэк1ам ящ1ар къытегъэзэжын.

Схемэм еплъурэ псалъэ къегъэгупсысын: псалъэхэр пычыгъуэурэ зэпегъэудын, ударенэ трегъэгъэувэн. «Псалъэрыджэгу» гъэджэгун.

Декабрь. Ещанэ тхьэмахуэ

3.1. Нало З. «Зазэрэ Зузэрэ» усэр.

Усэм гъэхуауэ къахуеджэн, усэр зытепсэлъыхьыр упщ1эк1э къэхутэн. Макъ нэхъ къехьэлъэк1хэр нэхъыбэрэ къегъэпсэлъын. «Псынщ1эрыпсалъэ» жегъэ1эн, егъэщ1эн: «Зазэ и зэзыр зэзэмызэ мэуз, Зазэ и зэзыр зэзэмызэ мэуз».

3.2.Дерс блэк1ар къэпщытэжын.

Пычыгъуэм щыгъуазэ щ1ын, псалъэр пычыгъуэурэ зэпаудыфу, ар къа1уатэжыфу, къагъуэтыжыфу, ягъэ1уфу егъэсэн. Псалъэ къэгъэлъэгъуар хэту псалъэуха къагупсысыфу егъэсэн; макъ зешэхэмрэ, макъ дэк1уашэхэмрэ къэпщытэжын, ахэр псалъэм къыщагъуэтыфу егъэсэн.

Декабрь. Епл1анэ тхьэмахуэ

4.1. Илъэсыщ1э.

Къэзан Ф. «Илъэсыщ1э» усэр зытепсэлъыхьыр жегъэ1эн, гук1э егъэщ1эн, словарнэ лэжьыгъэ егъэк1уэк1ын. Сабийхэр утренникым хуэгъэхьэзырын.

4.2. К1эрашэ Т., Акъсырэ З. «Мыщэ и къуэ Батыр».

«Мыщэ и къуэ Батыр» - таурыхъым хэзышэ псалъэмакъ егъэк1уэк1ын. Таурыхъым 1ыхьэ – 1ыхьэурэ къахуеджэн.

Январь. Япэ тхьэмахуэ

1.1. Къэзан Ф. «Къежэхып1э» усэр.

Усэм гъэхуауэ къахуеджэн, словарнэ лэжьыгъэ ядегъэк1уэк1ын, усэр зытеухуар къагурыгъэ1уэн. Макъхэр къызэрапсэлъым к1элъыплъын. Щ1ымахуэм теухуа къуажэхь сабийхэм егъэщ1эн, гъэджэгун.

1.2. К1эрашэ Т., Акъсырэ З. «Мыщэ и къуэ Батыр» таурыхъыр.

Таурыхъым и 1ыхьэ ещанэм къахуеджэн, словарнэ лэжьыгъэ егъэк1уэк1ын. Егъэлеиныгъэ таурыхъым дызыщрихьэл1эхэм къытеувы1эн, къагурыгъэ1уэн. Таурыхъым хэт персонажхэм сабийхэр тегъэпсэлъыхьын, зыпегъэщ1ыжын, гъэджэгун.

Январь. Ет1уанэ тхьэмахуэ

2.1. Нало З. «Нанэ и псэ, дадэ и бзэ» усэр.

Усэм гъэхуауэ, гуры1уэгъуэу, къахуеджэн, гук1э егъэщ1эн, словарнэ лэжьыгъэ егъэк1уэк1ын. Макъхэр къызэрапсэлъым к1элъыплъын. Усэр бзэ дахэк1э зэрытхам сабийхэм гу лъегъэтэн; тхак1уэм ар и гум, и псэм къызэрыбгъэдэк1ыр сабийхэм зыхегъэщ1эн; я анэбзэм пщ1э хуащ1у, иригушхуэу сабийхэр къэгъэтэджын.

2.2.Дерс блэк1ар къэпщытэжын.

Макъзешэхэмрэ макъ дэк1уашэхэмрэ зэрызэхагъэк1ын 1эмал егъэщ1эн: ааа — шэщ1ауэ къаупсэлъ мэхъу, уэрэд жып1э мэхъу, макъзешэщ (ооо, ууу, ыыы); б — шэщ1ауэ ккъыупсэлъыфкъым, уэрэд жып1э хъуркъым — макъ дэк1уашэщ. Пычыгъуэм щыгъэгъуэзэн.

Январь. Ещанэ тхьэмахуэ

3.1.«Пц1ащхъуэм и к1эр щ1эдыкъуакъуэр» хъыбарыр.

Хъыбарымрэ таурыхъымрэ зэщхьыныгъэ хэлъым сабийхэм гу лъегъэтэн; хъыбарым хэлъ егъэлеиныгъэр сабийхэм къегъэгъуэтын; хъыбарым ехьэл1а псалъэжь егъэщ1эн. «Зэкъуэт» джэгук1эмк1э гъэджэгун.

3.2. Нало З. «Ф1ыц1э ц1ык1у къыщыщ1ахэр» рассказыр.

Рассказым къахуеджэн, упщ1эк1э зэпкърегъэхыжын, словарнэ лэжьыгъэ егъэк1уэк1ын. Ф1ыц1э ц1ык1у и хьэл-щэнхэм сабийхэм гу лъегъэтэн. Гукъыдэж, гукъыдэмыжагъ къызэрык1 псалъэхэр сабийхэм егъэщ1эн, я бзэм къыщагъэсэбэпыфу егъэсэн. Сабийхэм Ф1ыц1э ц1ык1у зыпегъэщ1ыжын, гъэджэгун.

Январь. Епл1анэ тхьэмахуэ

4.1. Тхьэмахуэ зэхуакур.

Тхьэмахуэ зэхуакур зэрыхъур сабийхэм егъэщ1эн; пщ1ым нэс бжэфын, къебжыхыжыфын. Плъыфэхэм щыгъэгъуэзэн, я гупсысэм зегъэужьын.

4.2. К1эрашэ Т., Акъсырэ З. «Мыщэ и къуэ Батыр».

«Мыщэ и къуэ Батыр» - таурыхъым хэзышэ псалъэмакъ егъэк1уэк1ын. Таурыхъым 1ыхьэ – 1ыхьэурэ къахуеджэн тегъэпсэлъыхьыжын, персонажхэм оценкэ ирегъэтын

Февраль. Япэ тхьэмахуэ

1.1. Аф1эунэ Л. «Япэ уэс» усэр.

Усэм къахуеджэн, макъ нэхъ къамыпсэлъыфхэм елэжьын. «Псалъэрыджэгу» гъэджэгун.

1.2. Тхьэмахуэ зэхуакур зэрыхъур сабийхэм къегъэпщытэжын.

Тхьэмахуэ зэхуакур зэрыхъур сабийхэм егъэщ1эн: блыщхьэ, гъубж, бэрэжьей, махуэку, мэрем, щэбэт, тхьэмахуэ. «Ребус» къегъэщ1эн, я гупсысэм зегъэужьын.

Февраль. Ет1уанэ тхьэмахуэ

2.1. Хьэц1ык1у Хь. «Ныбжьэгъу пэж» усэр.

Ныбжьэгъугъэ къызэрык1 псалъэхэр сабийхэм егъэщ1эн (ныбжьэгъу пэж, гъэпэжын, пэжу хущытын, зэныбжьэгъу, н.), ахэр сабийхэм я бзэм къыщагъэсэбэпыфу егъэсэн. Усэр гук1э егъэщ1эн, макъхэр къызэрапсэлъым к1элъыплъын. Сабийхэм я гупсысэм зегъэужьын.

2.2. Дерс блэк1ар къэпщытэжын.

Макъ жь-р псалъэхэм щагъэ1уфу егъэсэн, псалъэхэм къыщегъэгъуэтын; макъым теухуа усэ ц1ык1ум иригъуэзэн. ЖЬ макъыр адыгэ макъыу зэрыщытыр яже1эн. «Псалъэрыджэгу гъэджэгун, нэрылъагъу пособие къэгъэсэбэпын.

Февраль. Ещанэ тхьэмахуэ

3.1. Пхыт1ык1 Ю. «Лъэтеувэ» усэр.

«Лъэтеувэ», «Гущэхэпхэ», «Кхъуейплъыжьк1эрыщ1э»: адыгэхэм сабийм к1элъызэрахьэ хабзэхэм тепсэлъыхьын. Усэм гъэхуауэ къахуеджэн, словарнэ лэжьыгъэ егъэк1уэк1ын. Дерс зэ1уха ек1уэк1ыным сабийхэр хуэгъэхьэзырын.

3.2.«Къулбацицэ» Журт Б.

Таурыхъым къахуеджэн, Псальэ нэхъ гугъухэм елэжьын; егъэлеиныгъэ хэльхэм къытеувы1эн, гу льегъэтэн. Къулбацицэ и хьэл - щэным тегъэпсэльыхьын Гъсэныгъэ пэж ябгъэдэльхьэн.

Февраль. Епл1анэ тхьэмахуэ

4.1.Дерс блэк1ам къытегъэзэжын.

Дерс блэк1ам къытегъэзэжын. псальэхэр пычыгъуэк1э зэпаудыфу, моделхэмк1э къагъэльэгъуэфу егъэсэн.

4.2.Геометрическэ фигурэхэр.

Геометрическэ фигурэхэр егъэц1ыхуным пыщэн: хъурей, зэбгъузэнат1э, щимэ, пл1имэ. Пльыфэхэр ягу къэгъэк1ыжын.

Март. Япэ тхьэмахуэ

1.1. Къанкъул Ф1. «Мамэ» усэр.

Мартым и 8-р Ц1ыхубзхэм я махуэшхуэщ: абы теухуа псалъэмакъ сабийхэм ядегъэк1уэк1ын. Усэр гук1э егъэщ1эн. Сабийхэр утренникым хуэгъэхьэзырын.

1.2. Хьэх С. «Щыхьым и жыг» рассказыр.

Рассказым къахуеджэн, упщ1эк1э зэпкърегъэхыжын, словарнэ лэжьыгъэ егъэк1уэк1ын. Рассказым щ1элъ купщ1э нэхъыщхьэр къагурыгъэ1уэн, абы теухуа псалъэмакъ ядегъэк1уэк1ын. Рассказым ехьэл1а псалъэжь егъэщ1эн.

Март. Ет1уанэ тхьэмахуэ

2.1. Жылэтеж С. «Гъатхэ» усэр.

Усэм къахуеджэн, словарнэ лэжьыгъэ егъэк1уэк1ын, гъэм и зэманымрэ усэр зытепсэлъыхьымрэ зэрапхыфын. Гъатхэ нэщэнэ сабийхэм егъэщ1эн. «Пы1эхуэжэ» гъэджэгун.

2.2. Дерс блэк1ам къытегъэзэжын.

Макъ Л1, Лъ-р псалъэхэм къыщегъэгъуэтын, щегъэгъэ1ун; макъым теухуа усэ ц1ык1ум иригъуэзэн, а макъыр хэту псалъэ къегъэгупсысын. «Псалъэрыджэгу» гъэджэгун.

Март. Ещанэ тхьэмахуэ

3.1.Къэрмокъуэ Хь. «Сосрыкъуэ маф1э къызэрихьар»

1уэры1уатэм къыхэщыж хъыбарым къызэрыгуэк1 дыдэу щыгъэгъуэзэн, псальэ нэхъ гугъухэм елэжъын; егъэлеиныгъэ хэльхэм къытеувы1эн, хъыбарыр иджырей гъащ1эм ирегъэгъэпщэн

3.2.Къэрмокъуэ Хь. «Бажэмрэ Хьэхэмрэ»

Таурыхъым едэ1уэфу, купщ1э нэхъыщэхэр къагъуэтыфу егъэсэн; 1еймрэф1ымрэ зэхагъэк1ыфу, таурыхъыр зэ жа1ам къытрамыгъэзэжу жа1эжыфу егъэсэн.

Март. Епл1анэ тхьэмахуэ

4.1.Гъэрэ щ1ырэ зэхок1.

Гъатхэпэ мазэм дунейм зызэрихъуэжым тегъэпсэлъыхьын, упщ1эк1э зэпкърегъэхыжын; Махуэмрэ жэщымрэ зэхуэдиз щыхъу гъатхэ махуэм тепсэлъыхын

4.2.Дерс блэк1ам къытегъэзэжын.

Макъ 1-р псалъэхэм къыщегъэгъуэтын, щегъэгъэ1ун. А макъыр урысыбзэм зэрыхэмытым сабийхэм гу лъегъэтэн. «Псалъэрыджэгу» гъэджэгун, я псалъалъэм хэгъэхъуэн.

Апрель. Япэ тхьэмахуэ

1.1. Щоджэнц1ык1у 1. «Си анэ» усэр.

Усэр гук1э егъэщ1эн. Анэм теухуа псалъэжь егъэщ1эн.

1.2.Къэрмокъуэ Хь. «Хьэщ1эмыгъашхэ» хъыбарыр.

Хъыбарыр яже1эжын, нэхъ гу зылъытапхъэхэм сабийхэм гу лъегъэтэн; хъыбарым хэт персонажхэм тегъэпсэлъыхьыжын, зыпегъэщ1ыжын. Хъыбарым ехьэл1а псалъэжь егъэщ1эн. «Чыбжьэ зэпекъу» гъэджэгун.

Апрель. Ет1уанэ тхьэмахуэ

2.1. Дадэ А. «Доныжь ц1ык1у и бжэнибгъур» таурыхъыр.

Таурыхъыр сабийхэм спектаклу егъэгъэувын, дерсыр къэмыс щ1ык1э, егъэджак1уэхэм сабийхэр таурыхъым нэ1уасэ хуищ1ын, ролхэр яхуигуэшын; спетаклым нэхъыщ1э гупхэр къегъэблэгъэн.

2.2. Дерс блэк1ар къэпщытэжын.

Нэхъ къытехьэлъэ темэхэм къытегъэзэжын. Макъ дз-р псалъэхэм къыщегъэгъуэтын, макъыр псынщ1эрыпсалъэм хэту къегъэпсэлъын, нэрылъагъу пособие къэгъэсэбэпын. «Псалъэрыджэгу» гъэджэгун.

Апрель. Ещанэ тхьэмахуэ

3.1. Къардэн Б. «Гъатхэ» рассказыр.

Рассказым къахуеджэн, словарнэ лэжьыгъэ егъэк1уэк1ын, купщ1э нэхъыщхьэр къегъэгъуэтын; езы сабийхэми упщ1э къуатыфу егъэсэн. Рассказым ехьэл1а псалъэжь жегъэ1эн.

3.2. Елберд Хь. «Пц1ащхъуэ ц1ык1у» усэр.

Усэм къахуеджэн, словарнэ лэжьыгъэ егъэк1уэк1ын. «Къру-къру» гъэджэгун.

Апрель. Епл1анэ тхьэмахуэ

3.3.Грамотэм хуэзыгъэхьэзыр дерс блэк1ахэр къэпщытэжын.

Тхылъым ит материалхэр къэгъэсэбэпын.

3.4.Гъэм и зэманхэр.

Гъэм и зэманхэр егъэц1ыхун: бжьыхьэ, щ1ымахуэ, гъатхэ, гъэмахуэ. Дунейм и дахагъэм щыгъуазэ щ1ын, ар зэрахъумэным хуэгъэсэн.

Май. Япэ тхьэмахуэ

1.1. Щоджэнц1ык1у А. «Май» усэр.

Майм и пэхэм къытпэплъэ махуэшхуэм теухуа псалъэмакъ сабийхэм ядегъэк1уэк1ын. Усэм гъэхуауэ гук1э къеджэфу егъэсэн; усэр зытепсэлъыхь гъэм и зэманыр жегъэ1эн.

1.2.Щоджэнц1ык1у 1. «Хэкум и бын»

Усэм къахуеджэн; усэр упщ1эк1э зэпкърегъэхыжын, бзэм зегъэужьын

Май. Ет1уанэ тхьэмахуэ

2.1.Къэрмокъуэ Хь «Сосрыкъуэ маф1э къызэрихьыжар»

Таурыхъым къахуеджэн; дерсыр къэмыс щ1ык1э сабийхэр таурыхъым нэ1уасэ хуэщ1ын. Псальэхэр пэжу къапсэльыфу егъэсэн, я бзэм зегъэужъын.

2.2. Фильм «Сосрыкъуэ маф1э къызэрихьыжар»

Таурыхъым егъэплъын, упщ1эк1э фильмыр зэпкърыхын.

Май. Ещнэ тхьэмахуэ

3.1.Си Налшык къалэ

Ди республикэм и къалащхьэр зэрыщытыр егъэц1ыхун; гербыр, флагыр егъэльэгъун. Къэбэрдей – Балькъэрым и президентыр егъэц1ыхун.

3.2.«Си Налшык къалэ» дерсым пыщэн

Налшык дэт театрхэм, музейхэм, фэепльхэм, щыгъуазэ щ1ын. Ди республикэм щыпсэу льэпкъхэр егъэц1ыхун: ахэр зэгуры1уэ - зэдэ1уэжхэу зэрыпсэум гу льегъэтэн.

Май. Епл1анэ тхьэмахуэ

4.1. Гъэ еджэгъуэм сабийхэм яджа псори къыдопщытэж.

Сабийхэр зыплъыхьак1уэ шэн: дыкъэзыухъуреихь дунейм хащ1ык1 псори къэхутэн, жегъэ1эн, удзхэм я ц1эхэр яже1эн, егъэщ1эн. Езы сабийхэм ящ1э, яф1эф1 джэгук1эхэмк1э гъэджэгун.

4.2. Сабийхэм я зэф1эк1ыр къэзыхутэ диагностикэ щ1ын.

Сабийхэр утренникым хуэгъэхьэзырын: «Сабий садыр къыщызухк1э» - уэрэд егъэщ1эн, жегъэ1эн.