Положение литературного ринга

“Утверждаю” директор

МБОУ “Кыллахская СОШ”

__________ /Макарова А.П./

Өлүөхүмэ оройуонун Кыыллаах орто оскуолатыгар

норуот педагогикатынан иитии чэрчитинэн

Саха өрөспүүбүлүкэтигэр уол оҕону иитиигэ болҕомто ууруу сытыырхайбытынан сибээстээн ыытыллар

«Ийэ тыл хоһууна» бөлөҕүнэн хоһоон ааҕыы күөн күрэһин балаһыанньата.

.

Сахалыы тыллаах хоһоону ааҕыы, төрөөбүт тыл хомуһуна, күүһэ, илбиһэ, уол оҕоҕо иҥэн, хойутун кини уус тыллаах, күүстээх санаалаах, дойдутугар бэриниилээх, тумус эр киһи буолан үүннэнэн-тэһииннэнэн тахсарыгар мэктиэлиэ. Ол инниттэн, уол оҕо, төрөөбүт тылынан суруллубут хоһоону үөрэтэн, дьоҥҥо тиэрдэрин, уус-уран айымньылары билэригэр ситиһэр сорук турар. Бу соругу ситиһэр сыалтан оскуола саастаах уолаттарга хоһоон ааҕыы күөн күрэстэрин тэрийэр тоҕоостоох.

Сыала:

1. Уол оҕо, төрөөбүт тылын баһылаан, өйүн-санаатын сааһылана үөрэниитэ, тобуллаҕас майгыланан олоххо суолун солонуута;

2. Өбүгэ үгэстэрин кэнчээри ыччакка уус-уран айымньы нөҥүө тиэрдии;

3.Саха суруйааччыларын, поэттарын уус-уран айымньыларын үөрэтэллэригэр болҕомтону тардыы.

Бырайыак ааптара: Кыыллаах орто оскуолатын иитии чааһыгар директоры солбуйааччы Лавернова Раиса Еремеевна.

Күөн күрэһи тэрийээччилэр:Кыыллаах орто оскуолата.

Кыттааччылар: 8, 9, 10, 11 кылаас уолаттарын бөлөҕө.

Ирдэбиллэр: Бөлөххө 9 уол киирэр, ол иһиттэн биир тумус киһилээх буолаллар. Салайааччы (саха тылын , литературатын учуутала, оскуола библиотекатын үлэһитэ) уонна дьүүллүүр сүбэҕэ үлэлэһэр эппиэттээх киһи баар буолар. Бөлөх ааттаах, девиз тыллаах, им бэлиэлээх уонна биир көстүүлээх таҥастаах кэлэр.

Күөн күрэс хаамыыта:

I түһүмэх – Тумус дьон күөн күрэстэрэ. Бөлөҕү билиһиннэрии, уос аһар тыл “Бу күнү көрдөрбүт күн күбэй ийэҕэ махтал...», сүрүн санааны этии. Бу түһүмэххэ ырыа, хоһоон, ох тыллар, уус тыл хото тутуллуохтаахтарын сөп.

II түһүмэх – Бөлөҕүнэн хоһоон күрэһэ. Хоһоонньуттар эрдэттэн үөрэтэн кэлбит хоһооннорун дорҕоонноохтук ааҕаллар.Темата: а) “Ийэҕэ – махтал”, б)“Төрөөбүт ийэ дойду”, в)“Ийэ тыл сүмэһинэ”. (Уһуна 5, 6 мүнүүтэ кэриҥэ)

III түһүмэх –  Талан ылбыт тиэмэҕэ тутатына бөлөҕүнэн хоһуйуу.

IV түһүмэх – Нуучча омук улуу поэттарын хоһооннорун бөлөҕүнэн тылбаастааһын. (салайааччылар бу түһүмэххэ тиэмэтигэр сөп түбэһэр үстүү хоһоону аҕалаллара ирдэнэр).

Буолар күнэ: Кулун тутар 4 күнэ 2017 с.

Буолар сирэ: Даппарай, Кыыллаах орто оскуолата

Программата: 15.00 - регистрация, итии чэйдээх сандалы

16ч.00 – күөн күрэһи үөрүүлээхтик аһыы, ыытыы.

19.00 – үөрүүлээхтик түмүктээһин. Талааннаах ыччат музыкальнай эҕэрдэлэрэ.

Кыайыылаахтары быһаарыы, наҕараадалааһын: Бастакы буолбут бөлөххө анал аат, дипломнар, туоһу суруктар. Биир уһулуччу уолаҥҥа “Тыл хоһууна” диэн аат иҥэриллэр.

Хас биирдии кыттааччы 150 солк. төлүүр.

Күөн күрэскэ кыттар сайаапкалары ыытар аадырыс: [email protected]

c. т: 89243697211 – Лавернова Р.Е.

89644253605 – Банчина Т.А.

89679143349 – Максимова П.Е.