Поурочное планирование по мордовской литературе в 7 классе

Пояснительнай запискась

Сисемце классонь покодемань программась кочкаф, нежедемок мокшэрзянь литературань программать лангс, конань аноклазь 5-11 классненди: А.М.Каторова, А.И.Брыжинский, Е.И.Азыркина. Сон кемокстаф Мордовия Республикань Образованиянь министерстваса и нолдаф Саранскяйса, Мордовскяй книжнай издательстваса 2010 кизоня.

Тонафнемань предметть вастоц учебнай планть эса

Учебнай планть эса литературать тонафнеманцты максф 34 ч. (1 част недяляти).

Тонафнемась вятеви родной литература 7 классонди учебнай пособиять коряс: Родной литература 7 кл/ Е.И.Азыркина. – Саранск: Мордовскяй книжнай издательствась, 2016.

Шабатненди эряви сатомс тяфтама результатт:

Личностнайхть:

-шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста;

-маштомс кочкаф содамошитнень и сатфкснень нолямс школань и эрь шинь эряфса;

-касфтомс маштомашитнень ялга и оцю мархта прянь вятема; шабрань ломаттнень мархта сотксонь кирдема;

- содамс иттненди народоньконь эряфста мокшетнень эряма койснон, унксснон.

Метапредметнайхть:

- маштомс мушендома разнай источникста информация;

- маштомс кулхцондома ялгать и вятемс диалог;

- максомс анализ и оценка тиф заданиятненди;

- маштомс корхтама мокшень кяльса.

Предметнайхть:

- содамс тонафнеф художественнай текстттнень содержанияснон;

- маштомс мушендома изобразительно – выразительнай средстватнень.

- содамс тяфтама понятиятнень: народнай ёфкс, содама ёфкс, лувомка, кяльяжамка, литературнай ёфкс, аллегория, басня, пьеса, пейзаж, литературнай герой, олицетворения, эпитет.

УЧЕБНАЙ КУРСОНЬ ТЕМАТНЕНЬ СОДЕРЖАНИЯСНА

Устнай народнай творчествань произведениятне. Мокшень и эрзянь народнай моротне Эпическяй моротне: «Мора Пугачёвонь колга», «Вирть ширеса», «Шаткинань паксясь» Эпическяй моротнень жанрань коряс явомасна. Историческяй моротне: «Мора Пугачёвонь колга» Пугачёвонь эряфста факттнень колга азондомась. Воляшить инкса козятнень каршес народть тюремац, видешить вешендемац. «Вирть ширеса» мороса мокшетнень и эрзятнень ногаень полонц сявомасна, полони повф ломаттнень эрямасна-ащемасна, прянь марямасна. «Шаткинань паксясь» - крепостной правать, мокшетнень и эрзятнень наругайснон каршес тюремаснон колга мора. Лирическяй моротне:»Умарина», «Луганяса келуня», «Дирювонь Федянясь» Лирическяй моро-тнень колга шарьхкодемась. Синь жанровай формасна: социально-бытовой,трудовой,пеетькшнемань и кштимань,идень, пиродать, солдатокс служамать колга морот. Лирическяй моротнень эса эряфонь койхнень, перьфпялень мазышить, кельгомать колга азондомась. Нолатнень, тевонь аф содайхнень пеетькшнемасна, покодихнень шнамасна.авань стака эряфть колга моротне. «Масторава», эпоссь (кочкайхне Г.Я.Меркушкин, В.В.Горбунов, А.Д.Шуляев, А.М.Шаронов) афкукс народонь произ-ведения. Эсонза сире пингонь народоньконь шачемац-касомац, коензон-иланзон тиендевомасна.

Устнай поэзиянь (фольклоронь) мотифнень коряс героическяй поэматне Героическяй поэматнень колга азондомась, конат сёрматфт устнай поэзиять коряс: Я.Я.Кулдуркаевонь «Эрьмезь»поэмась – ногаецнень каршес мокшэрзянь народть тюреманц колга. Поэмаса народоньконь героическяй историянц няфтемац. Ётай пингть колга арьсемась. Максим Бебанонь произведениянзон соткссна фольклорть мархта. «Ушмань Байкась» поэмаса монголо-татархнень мархта тюремась. Произведениять идейно-художественнай и историко-познава-тельнай питнец тяниень пингоня.

Минь писателеньке сядынгольдень эряфть колга Т.А.Раптанов –эрзянь содаф писатель. «Татю» повестьса мокшэрзятнень сядынгольдень эряфснон няфтемац, эрямань-ащемань койснон пажемасна. П.И.Левчаев «Кафонц кудат» повестьса мокшэрзянь велень сире койхнень няфтемасна. Писательть нежедемац народнай койхнень и устнай поэзиять лангс. Народть эряфоц 19-це векть песта - 20-це векть ушедомста.

Мокшень и эрзянь писательхне минь мастороньконь колга И.П.Кишняковонь эряфонь и творчествань киц. «Самолётсь повсь туцяс» азксть драматическяй сюжетоц. Геройхнень стака пингть аф фкя лаца прянь вятемась. Нароттнень ёткса кеме ялгаксшись. А.К.Мартынов «Монь лемозе - Россия» стихотворения. Поэтть творчестваса Великай Отечествен-най войнань темась. «Монь лемозе – Россия» сихотворениять патриотическяй содержанияц, нарот-тнень ёткса ялгаксшить, фронтть и тылть фкя тевонди покодемаснон няфтемасна. В.Н.Радин «Сембе минь ломаттяма » повесть. Произведенияса нравственностень прябалатне.Стака пингста ваймонь арушить ванфтомац. Лияньинкса пичедемань темась. А.С.Щеглов –эрзянь содаф прозаик. «Афкуксонь кельгома» повестьса разведчикнень тевснон няфтемасна и морально-этическяй пробле-матнень панжемасна. А.С.Малькин – мокшень содаф поэт – лирик. «Каркне тердихть куду» стихотворенияса шачема ширень и родной масторонь кельгомань мотифне. Лирическяй геройть пичедеманц-таколдоманц вельде поэтть нравственнай и эстетическяй мялензон-арьсеманзон няфтемасна. Ю.Ф.Кузнецовонь эряфонь и творчествань киц. «Коряй пайгонят» повестть вастоц. Эсонза лирическяй геройть лятфнеманза идькс пингонц, шачема ширенц, содаф ломанензон колга. Идень сельмоса перьфпяльть лангс ваномась. А.М.Осипов (Артур Моро) «Русь» стихотворения. Сонь лирико-публицистическяй кърхкашиц, эсонза Россиянь ломаттнень героизмаснон няфтемасна, Родинать и родной крайть колга седис токай кяль-валса кельгома ёжень кърхкаста ётафтомась. А.П.Тяпаев – идень содаф писатель. «Сусетт» повестть идейно-тематическяй содержанияц. Кепотьф прябалатне. Авторть пичефксоц велетнень юмамаснон колга. П.У.Поздяев (Гайни) «Таня» поэмац. Таня Бибинать крановщицать подвигонц колга азондомась. Лиянь инкса эряфонь аф ужяльдемась. С.Е.Вечканов – эрзянь содаф поэт. «Концерт» стихотворениясашачема ширть кельгоманц, сонь трудяй ломанензон и талантонзон няфтемасна. Эсонза патриотизмань кърхка ёжмаряматне. В.И.Мишанина «Пингонь ортат» повестть сюжетс ёфксонь сувафтомась. Мокшэрзянь велеть войнада мельдень эряфонц няфтемац. Эсонза народнай азкснень сувафтомасна. Синь вастсна повестть содержаниянц козякофтомаса.

ТЕМАТИЧЕСКЯЙ ПЛАНЦЬ