Поурочное планирование по мордовской литературе в 11 классе

Пояснительнай запискась

Тя программась ладяф:

- «Российскяй Федерациять образованиянь» закононц коряс

- «Республика Мордовиять образованиянь» закононц коряс;

-Мокшэрзянь литературань программат 5-11 классненди. Программась кемокстаф Мордовия Республикань Образованиянь министерстваса 2010 кизоня. Программать сёрмадыенза: А.М.Каторова, А.И.Брыжинский, Е.И.Азыркина.

11-це класса мокшень кялень тонафнеманди макссеви сембоц- 34 част.

Тонафнемась вятеви родной литература 11 классонди учебнай пособиять коряс:

Родной литература 11: учебнай пособия общеобразовательнай организациянь / Е.И.Азыркина. – Саранск: Мордовскяй книжнай издательствась, 2018

Шабатненди эряви сатомс тяфтама результатт:

Личностнайхть:

-шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста;

-маштомс кочкаф содамошитнень и сатфкснень нолямс школань и эрь шинь эряфса;

-касфтомс маштомашитнень ялга и оцю мархта прянь вятема; шабрань ломаттнень мархта сотксонь кирдема;

- содамс иттненди народоньконь эряфста мокшетнень эряма койснон, унксснон.

Метапредметнайхть:

- маштомс мушендома разнай источникста информация;

- маштомс кулхцондома ялгать и вятемс диалог;

- максомс анализ и оценка тиф заданиятненди;

- маштомс корхтама мокшень кяльса.

Предметнайхть:

- содамс тонафнеф художественнай текстттнень содержанияснон;

- маштомс мушендома изобразительно – выразительнай средстватнень.

- содамс тяфтама понятиятнень: романонь жанрась, драматическяй жанратне, очерксь, типизациянь спосопне, диалогиясь.

Учебнай курсонь тематнень содержаниясна

I. Тяниень пингонь мокшэрзянь литературась

Масторонь нароттнень литератураснон ёткса сяда тов кемокстамась. Минь литератураньконь, Рав ширень и Приуральянь региононь ялгань литературатнень мархта соткснень кърхкагодомасна. Тяниень пингонь литератураса прозать оцю вастоц. Литературоведениясь кода наука. Тяниень пингонь мокшэрзянь прозась.сонь жанранзон и стилензон сяда тов козякодомасна. Мокшэрзянь романть эпическяй башка ширенза, эсонза психологизмать кърхкалгофтомац и лиризмать вииямац. Тяниень пингонь кеподемасна: экологиянь, национальнай интеллигенциять касоманц колга и литяне. Тяниень пингонь мокшэрзянь литературать касомаса койхнень кемокстамасна. Поэзиясь. Жанрань и стилень ширде поэзиять козякодомац. Поэзияса од жанрань шачемась – сонетсь и балладась. Эряфса идейно-эстетическяй идеалхнень инкса тюремаса сатирать смузец. Драматургиясь. Тяниень пингонь драматургияса конфликттнень и обуцятнень башка ширесна. К.Абрамовонь, В.Мишанинать, А.Пудинонь, Н.Голенковонь и лиятнень пьесасна. Драматургиять тематиканц келишиц

Александр Константинович Мартынов «Галянь кельгомац» стихса повестсь

А.К.Мартынов Эряфонь и творческяй киц. Эряфти сембе одть ётафтомац –ся якстерь сюренясь, кона таргаф васенце сембе произведениянзон пачка. Великай Отечественнай войнать пингста масторонь лама нациянь народть героизманц няфтемац. 60-80-це кизотнень пингста А.Мартыновонь поэзияса философскяй ушеткснень вииямасна. Рузонь кяльс ётафтф книганза. «Галянь кельгомац» стихса повестть идейно-художественнай башка ширенза, кяль-валонь козяшись. Пейзажнай картинатнень смузьсна образонь няфтемста. Лия кяльста ётафтф стихонза.

Илья Максимович Девин «Нардише» роман

И.М.Девин – мокшень содавикс поэт и прозаик. Авторть творческяй кинц ушедомац ширенза. Илья Девинонь войнань пингонь лирикаса вятевикс мотифне. 40-це кизонь поэзиясонза патриотизмань и эряфонь апак ужялтть и васень пингонь лириканц башка Родинань ванфтома идеясь «Нардише» романць. Произведенияса трудонь койхнень, поколениятнень ёткса соткссь. Павазть и родной масторть колга ломаттнень кърхка арьсемасна. Романца фольклорть вастоц (морот, частушкат, легендат). Романть лиризмац и психологизмац. Ломанть и преьфпяльть ёткса сотксне. Девинонь сатирац кода перьфканк сембе кальдявть каршес тюремань вии оружия.

Кузьма Григорьевич Абрамов «Пургаз» роман

К.Г.Абрамовонь эрямань и творчествань киц. Творчествань художественнай формань вешендемаса эсь виензон варчсемасна. К.Абрамовонь стихонза, азксонза, драматургияц. Эпическяй келишись – творчестванц няевикс ширец. Минь народоньконь эряфонц колга трилогияц («Найман», «Ломаттне тиевстьмалацекс», «Качамонь пачк»). Народонь эстетикать художественнайста няфтемац «Эрзянь цёра» трилогияса. Эрьзянь колга трилогиясь – минь народоньконь эряфса од страница. «Пургаз» роман-сказаниясь. Романца мокшэрзянь народть эряфонц келиста няфтемац. Художественно-изобразительнай ширетне, кяль-валонь козяшись. Романца 12-це векть песта 13-це векть ушетксста мокшэрзянь народть эряфонц келиста няфтемац.роман-сказаниясь литературасонк од жанра. Национальнай и масторонь критикаса К.Абрамовонь произведениянзонды питнень максомась. Мокэрзянь культурать касомаса литераторть ролец и вастоц.

Пётр Васильевич Прохоров «Генералть колга повесть» повесть

П.В.Прохоров Эряфонь и творческяй киц. Великай Отечественнай войнать няфтемаса писательть творчествань новаторствац. «Генералть колга повесть» повестсь. Произведенияса документальнай материалть тевс нолдамац. Великай Отечественнай войнать васень пингть няфтемац.

Анатолий Прохорович Тяпаев «Тяште лангонь алашат» повесть

А.П.Тяпаевонь эряфонь и творческяй киц. Поэзияса васенце аськолксонза. Поэзиянь миронц козяшиц. Устнай народнай творчествань произведениятнень маштозь тевс нолдамасна. Прозаса серматф писательть произведениянза. Эсост тяниень пингонь велеть келиста, кърхкаста няфтемац. А.Тяпаевонь путфксоц фантастикань жанрать козякофтомаса. «Тяште лангонь алашат» повестьса тяниень и сай пингонь колга арьсематне. А.Тяпаевонь эсь лацонь шиц сёрмадомань тевса.

Павел Кириллович Любаев «Лихтибря» поэма

П.К.Любаев поэтть эряфонь и творческяй киц. Поэтть литератураса васенце аськолксонза. Эрзянь кяльс Т.Г.Шевченкань, А.С.Пушкинонь, М.Ю.Лермонтовонь, Н.А.Некрасовонь произведениснон ётафтомасна, эздост сёрмадомань тевти тонафнемась. «Лихтибря» поэма кяль-валонь козяшись.

Иван Алексеевич Калинкин «Ава и ляй» роман

И.А.Калинкин Поэтть эряфонь и творческяй киц. Мордовиянь заслуженнай писатель. Творчествасонза поэзиянь жанратнень келишисна, сонь стилень эсь лацонь ширенза. Поэзиясонза кърхка мялень-прявиень и оцю потмоёжень азомась. И.Калинкинонь стихонза, конат лемтьфт тяниень пингонь велень и ошень эряфть, мастороньконь ванфтыензон шнамаснонды. «Ава и ляй» романца художественнай башка ширетне. Войнань пингонь велеса стака эряфть няфтемац. Пейзажнай картинатнень вастсна.

Андрей Иванович Брыжинский «Кельгомать эсь тюсонза» роман

А.И.Брыжинский Поэтть эряфонь и творческяй киц. «Кельгомать эсь тюсонза» романць тяниень пингонь эряфть колга кели панорамань роман. Произведенияса няфтеви пингсь 20-це веконь 80-це кизоста сявомок, тячити молемс. Произведениянь геройхне – од ломатть, школань и вузонь тонафнихть. Произведенияса перестройкань ётафтомань кизотнень, эряфса полафткснень няфтемасна. Романть художественно- эстетическяй и историческяй питнишинц.

Григорий Ильич Пинясов «Пси киза» повесть

Г.И.Пинясов – тяниень пингонь писательхнень эзда фкясь. Васень пингонь творчествасонза ки лангонь заметканза, очерконза, азксонза. «Пси киза» повесть. Повестьса Великай Отечественнай войнань темать няфтемаса авторть новаторствац. Дезертиронь темась. Мокшэрзятнень кеме обуцяснон няфтемац. Велеса ладяф койхне. Рузонь кяльс ётафтф произведениянза.

Михаил Иванович Брыжинский «Шавомс пайкт» повесть

М.И.Брыжинскяень литературав самац. Прозань разнай жанраса писательть виензон варчсемасна. Эссень, триптихонь жанратнень тевс нолдамасна. «Шавомс пайкт» повесть- эрзятнень и мокшетнень эряфснон колга кърхкаста, художественнайста видешинь азондома. Рузонь и мокшэрзянь нароттнень марстонь тюремасна моноголо-татархнень каршес. Мокшэрзянь народть кунардрнь пингонь коензон видеста няфтемасна.

Александр Макарович Доронин «Пайгонь зойф» роман

А.М.Доронин – эрямань и творчествань киц. Поэзиянц эсь лацонь смузец, тюсонза. Стихонзон эса кърхка ёжмаряматне, ваймонь лямбошись, поэтическяй образонь арушись. А.Доронинонь путфксоц историческяй жанрань виияфтомаса («Кузьма Алексеев»). «Пайгонь зойф» романць. Романца патриах Никононь (Никита Миновонь) образоц.

С.В.Кинякин «Сизеф алашань вайгяль», «Вармать мархта корхнемат» стихотворениятне

С.В.Кинякин тяниень пингонь содаф поэт. Сонь эряфоц и творчествац. Поэзиясонза публицистическяй, философскяй и интимно-психологическяй ширетнень соткссна. Поэтть творчестваса вятевикс тематне: од ломанть виензон и духовнай козяшинц инкса кенярдемась, нароттнень ёткса ялгаксшить шнамац, мирть инкса тюремась, лия масторонь нароттнень воляшинкса тюремасна, природать мазышинц морамац, масторть кельгомац.

Александр Иванович Пудин «Шава кудса ломатть» пьеса

А.И.Пудин – эрямань и творческяй киц. Поэзиянь жанраса сатфксонза. Стихонзон коряс моронь ладямась. Драматургиянц эсь лацонь ширенза. Москувонь и лия масторонь сцена лангса пьесанзон путомасна. «Шава кудса ломатть» пьесась. Пьесас конфликттне и обуцятне, семьяса фкя-фкянь ёткса аф ладяматне.

Тяниень пингонь мокшэрзянь од писательхне

Тяниень пингонь поэзиять касомань кинза-янонза. Поэзиять ёмла и оцю жанратнень тематикаснон келишисна. В.Корчегановонь, В.Нестеровонь, П.Алёшинать, Л.Дергачёвть, В.Лобановонь, И.Носиковонь, Н.Ишуткинонь, А.Араповонь, В.Кригинонь, Р.Орловать, Р.Кемайкинать, Н.Циликинонь и лиятнень творчестваса традициятне и новаторствась. Мокшэрзянь од писательхнень эсь лацонь ванфсна эряфть лангс. Е.Терёшкинать, М.Моисеевонь, в.Лобановонь, Л.Седойкинонь, В.Алтышкинонь, А.Брыжинскяень, П Ключагинонь и лиятнень тематикасна, проблематикасна, синь прозаснон художественнай башка ширесна. Тяниень пингонь драматургиясь. А.Пудинонь, В.Мишанинать, Н.Голенковонь и лиятнень путфкссна родной кяльса драматургиять касомаса.

Мордовиянь рузонь кяльса тяниень пингонь сермады писательхне

Мордовияса литературать касомац. Рузонь кяльса тяниень пингонь сермады прозаикне и поэттне. И.Д.Пиняев, Т.Ф.Якушкин, М.Т.Петров, В.Ю.Юшкин, В.А.Гадаев. Рузкс, мокшекс и эрзякс сёрмады писательхнень произведениясост республикать эряфонц и ломанензон художественнайста няфтемасна. Мордовияса тяниень пингонь культурать ширенза.

Литературань критикась и литературоведениясь

Минь литератураньконь касомаса критикать, кода «моли эстетикать» (В.Г.Белинский) и литературоведениять кода наукать рольсна. Мокшэрзянь литературно-художественнай критикать шачемац. 20-30 це кизотнень литературнай критикать методологическяй юронза и литературать идейно-художественнай козякодоманцты сонь путфксоц. Тяниень пингонь критикась и литературоведениясь (В.М.Макушкин, Г.И.Горбунов, Е.И.Чернов, А.В.Алёшкин, М.Г.Имяреков, М.И.Малькина, А.И.Брыжинский, А.Д.Шуляев и др.).

В.В.Горбунов «Поэзиясь – народонь вайме» монографиясь. Критикть эряфонь 50-60-це кизотнень мокшэрзянь литературать касомань проблеманзон колга статьянза. Минь литератураньконь коряс учебниконза и национальнай литературать системас тиемаса сонь ролец. «Поэзиясь – народонь вайме» монографияса мокшэрзянь поэзиять колга сонь оцю исследованияц.

Н.И.Черапкин «Брадонь ялгаксшиса» монографиясь. Критикть литературно-критическяй деятельностец. Минь литератураньконь коряс «Очерк истории мордовской советской литературы», «История мордовской советской литературы» книгатнень, вузонь и школань учебникнень сёрмадомаснонды Н.Черапкинонь путфксоц.

Мокшэрзянь критикнень и литературоветтнень тонафнемасна рузонь учёнайхнень эзда.

Тематическяй планорованиясь