Поурочные разработки уроков родного (татарского) языка в 1 классе

61 нче дәрес Әлифба (татар теле)

Тема. Ёё хәрефлǝре. Ёё хәрефлǝрен язу.

Максат: 1) [йо] авазын дөрес әйтергә өйрәтү, схемасын күрсәтү;

2) [йо] авазы кергән сүзләрне дөрес әйтергә өйрәнеп, сүзлек запасын баету;

3) әхлак тәрбиясе.

Шәхес буларак УУГ: укучыларда мәктәпкә уңай караш формалаштыру, Әмир һәм Әминәгә карата дуслык хисләре һәм аларга булышу хисләре уяту.

Танып-белү УУГ: билге-символларны куллана белү, кирәкле информация туплау, нәтиҗәләр чыгару, танып-белү максатын билгеләү.

Көйләгеч УУГ: соңгы нәтиҗәләрне исәпкә алып, максатларның эзлеклелеген билгеләү.

Коммуникатив УУГ: укытучыны, иптәшеңне тыңлау, үзара диалогка керү, үз фикереңне тулы әйтә белү, иптәшеңнең эшчәнлеген бәяләү.

Җиһаз: дәреслек, презентация

Дәрес барышы

1.Оештыру моменты.

Исәнләшү.

Узган дәресләрдә нинди хәрефләр өйрәнгәнне искә төшерү.

2.Әлифбадагы рәсем буенча әңгәмә үткәрелә.

Җөмләләр төзелә. Балалар “Җәмилә җиләк җыя” җөмләсен төзиләр һәм җ хәрефе кергән сүзләр әйтәләр.

3. Уку мәсьәләсен кую, чишү.

1. Ёё хәрефләре белән таныштыру. Татар һәм рус телендә бу хәрефләрнең бертөрле укылышын искәртү.

Е хәрефенең сеңлесе,

Ләкин аның

өстендә бар

Ике төрткесе.

2. Схемадагы самолёт сүзенә басым куелып, дөрес итеп укыла. Балалар укытучы ярдәмендә самолёт сүзенең иҗек-аваз анализын ясыйлар.

3. Дәреслек битендә бирелгән рәсемнәрне әйтеп чыгу.

4. Презентация белән эш.

Физкультминут   “Җиләк җыям, как коям” уенын уйнау.

Җиләк җыям, как коям,

Дәү әнигә бүләккә.

Монда җиләк күп икән,

Аю- бүре юк икән.

(Бүре качып торган җирдән чыга.)

-У-у, хәзер кабып йотам. (Бүре балаларны куа, тотылган бала бүре ролен дәвам итә.)

6. Яңа теманы ныгыту.

1. Төп рәсем өстендә эшләү һәм җөмләләр төзү. Баганалап биргән   сүзләрне  иҗекләп уку.

монтёр шахтёр лётчик

шофёр вертолёт лифтёр

2. Сүзлек өстендә эшләү. 129 нчы бит.

3. Дәреслектән текст уку. 128 нче бит.

7. Ёё хәрефлǝрен язу.

1. Күмертау сүзе ни өчен баш хәрефе белән күрсәтелүен сорау, аңлату.

2. Шәhәр исемнәренең һәрвакыт баш хәрефтән язылганлыгын аңлату.

Балалар кисмә әлифбадан баш һәм юл  а, ә, и, у, ү, ы, л, т, н, с, к, р, е, ё  хәрефләрен алып күрсәтәләр һәм укыйлар.

5.  Дәреслектән текст уку. 129 нчы бит.

6.Үрнәк буенча баш һәм юл  хәрефләрен  аерым- аерым  һәм тоташ иҗек итеп берәр юл яздыру.

Баш һәм юл Ёё хәрефләрен язып күрсәтү.

8. Нәтиҗә.

• Балалар, бүгенге дәрестә без нинди хәрефләр белән таныштык? (Баш Ё хәрефе һәм юл ё хәрефе белән таныштык.)

• Ул хәрефләр ничә аваз бирә? (Ике аваз бирә)

• Әйдәгез кагыйдәне тагын бер кат әйтеп чыгыйк. (Сүз башында һәм иҗек башында Ё хәрефе ике аваз бирә.)