Проектная деятельность

Ажалша шуран, хүдэлмэриһөө сухаришагүй абари зантай, өөрынгөө жэшээтэ замаар хүн зоноо хойноо дахуулһан эхэнэр Шубина Тамара Ивановна болоно. Мянга юһэн зуун гушан юһэн оной августын зургаанда, Тамара Ивановна Шэмхэ тосхондо үгытэй таряашанай гэр бүлэдэ түрэһэн байна. Мянга юһэн зуун дүшэн табан ондо Шэмхын долоон жэлэй һургуулиин нэгэдэхи класста ошоһон намтартай. Тэрэнэй мянга юһэн зуун табин хоёр ондо түгэсхөөд, нютагайнгаа фермэдэ һаалишанаар хүдэлхэёо ороо бэлэй.

Энэ богони хугасаа соо Тамара Ивановна һаалишадай түрүүшүүлэй зэргэдэ оробо. Мянга юһэн зуун табин юһэн ондо ехэ сүү һааһанайнгаа түлөө ВДНХ ошохо путевкоор шагнагдаба. Хоёр мянга табан зуун литр сүү һаажа, мянга юһэн зуун табин долоон ондо хоёр мянга найман зуун литр сүү һаажа уридлаба. Тэрэнэйнгээ түлөө ВДНХ-да алтан часыгаар шагнагдаһан байна. Эрхимээр ажжалаһанайнгаа түлөө мянга юһэн зуун жаран юһэн оной май һарада Тамара Ивановна огородой ургамалай звено хүтэлбэрилхыень дурадхаһан байна. Тэрэ гэһээр Түнхэнэйнгөө аймаг алдар солоор суурхуулжа шадаһан юм.. Өөрөөшье үндэр амжалта туйлажа, түрүүшүүлэй зэргэдэ жэлһээ жэлдэ эрхимлэдэг болоһон юм. Мянга юһэн зуун далан таба-далан юһэн онуудта аймагайнгаа депутатаар һунгагдажа урдаа табигдаһан зорилгонуудаа хододоо дүүргэдэг, нютагайнгаа зоной урма унагаангүй ажаллажал ябаһан намтартай. Депутадай хүдэлмэри хэхынгээ хажуугаар ургамалайнгаа үндэр ургаса унагаангүй, үшөө улам хүсэ шадалтайгаар хүдэлдэг бэлэй. Тамара Ивановнада - аймагайнь огородоор һонирхожо байһан, мүн ажаллажа эхилһэн залуушуул туһа эршэжэ хандадаг болоо бэлэй. Тиихэдэшье зүрхэ алдангүйгөөр мэдэхэ мэдэсэеэ заажа, харуулжа, туһа хүргэдэг байгаа. Ёһотой наватор эхэнэр ябаһан байна. Арбан гектар газар дээрэһээ гурбан зуун найман центнер ургамал хуряажа, тэрэ үе сагайнгаа талаар найман мянган түхэриг гүрэндөө оруулжа байгаа. Тэрэмнай ехэ мүнгэн байгаа юм. Өөрынгөө дүй дүршэлөөрөө “Саяан” сониндо бэшэжэ ажалдаа туйлаһан баян дүршэлөөрөө хубаалдадаг һэн.

Республикынгаа Обком Партиин гэшүүн болоходоо огород дээрээ хүдэлхэ техникэ болон оньһожоруулга хэрэглэжэ ургасаяа үшөө үндэрөөр, һайн шанартайгаар хуряадаг болоһон байна. Энэ ехэ ажал хэһэнэйнгээ түлөө хүндэлэлэй грамотануудаар, баярай бэшэгүүдээр, аймагайнгаа болон республикынгаа талаһаа шагнагдаһан байна. Тиигээд Тамара Ивановнагай сээжэдэнь медаль “Ажалай ветеран”, “Ажалай хүндэлэлэй кавалериин” гурбадахи – хоёрдохи шатануудай хоёр ордендо хүртөө. Мянга юһэн зуун наян таба- ерэн онуудта нэгэ гектарһаа гурбан зуун наян табан центнер баян ургаса хуряаһанайнгаа түлөө ажалай нэгэдэхи шатын орденоор шагнагдаһан бэлэй.

Тамара Ивановна ажалаа хараад ябадаг бэшэ, харин “Калинушка” гэжэ дуу-хатарай ансамблиин гэшүүн гээшэ. Энэ жэл ансамбль Калинушка хорин жэлэйнгээ юбилей тэмэдэглэһэн байна. Мянга юһэн зуун ерэн дүрбэн ондо Республика дотороо үнгэргэгдэһэн “Играй гармонь, звени частушка” гэһэн мүрысөөндэ илажа, ерэн зургаан ондо арадай ансамбль гэһэн үндэр нэрэ зэргэдэ хүртэһэн байна. Хаана ямар найр наадан, мүрһсөөнүүд үнгэргэгдэнэб тэндэ Тамара Ивановнагай хонгёо хоолой зэдэлжэ, хүн зоной дура буляадаг һэн. Дуулаха, хатарха дуратай энэ эхэнэр сэдьхэлээрээ тон зулгы, шарай нюраараа урихан һайхан эхэнэр зандаа үлэнхэй. Наһанайнгаа амаралтада гараашьеһаа үшөө гурбан жэйлэй туршада, огородоо хүтэлбэрилжэ ябаһан намтартай. Энэ эхэнэртэ хоёр мянга долоон ондо “Түнхэнэй аймагай хүндэтэй эрхэтэн” гэһэн үндэр нэрэ зэрэгдэ хүртэһэн түүхэтэй. Бүхыдөө эды ехэ амжалтануудые туйлахадань наһанайнь нүхэр Владимир Федорович эм мүрөө табижа, нүхэртөө туһалһан эгээл дүтынь хүн болоно. Дүшэн табан жэл эбтэй ажаһуужа, дүрбэн үхибүүтэй, боложо, мүнөө арбан ашанартай, нэгэ гушатай элүүр энхэ, һайн һайхан ажаһуунал даа.