Рабочая программа по родному (эрзянскому) языку

МИНИСТЕРСТВО ПРОСВЕЩЕНИЯ РОССИЙСКОЙ ФЕДЕРАЦИИ

‌Министерство образования Республики Мордовия‌‌

‌Чамзинский муниципальный район Республики Мордовия‌​

Отрадненская основная общеобразовательная школа

‌

РАБОЧАЯ ПРОГРАММА

учебного предмета «Родной язык (эрзянский)»

для 3 класса начального общего образования

на 2023-2024 учебный год

Составитель:

Ямашкина Антонина Алексеевна,

учитель начальных классов

​с. Отрадное, ‌ 2023г.‌​

Толковамо вал

Важодемань  программась тонавтнема  предметэнть «Родной язык и литературное чтение на родном языке»  теезь  Федеральной государственной общеобразовательной стандартонь начальной общей образованиянь коряс,  Примерной робочей программа «Родной (мокшанский/эрзянский)язык» тонавтнемань предметэнь коряс 1-4 класстнэнень, «Эрзянь кель» 3-це класс,2 пелькссэ; С.МКИ,2022

Общей характеристикась тонавтнема  предметэнть.

1-4- це класстнэсэ эрзянь келенть тонавтомань лувонть целензэ:

а) кастомс эйкакштнень кортамонь ды сёрмадомань кель-валост ды превест-арсемаст;

б) явомс мель важодеманть вечкемантень, стакачитнень изнямонь тонавтомантень. Бути эйкакштне тонадыть превсэ важодеме, эсест мелест-арсемаст ды ёжомарямост валсо ёвтнеме, сынь вадрясто чарькодьсызь весе лия предметнэнь коряс материалонтькак.

Фонетикань, лексикань, грамматикань, орфографиянь ды кель-валонь кастомань коряс тонавтнемась сюлмазь покш класстнэсэ весе эрзянь келенть тонавтнеманзо марто. Тесэ эйкакштне теевить валонть гайтень составонзо марто, тонавтнить явомо валтнэнь пельксэнь пелькс, максови нурька содамочи малав весе кортамо пелькстнэде ды валрисьмеденть, содавтовить орфографиянь зярыя правила марто.Тонавтницятнень марто ветяви важодема валонть смустензэ лангсо; упражнениянь лангс нежедезь содавтовить ламо смустень валтнэнь, синонимтнень ды антонимтнень марто.

Неть чарькодематнень тонавтнемстэ эйкакштне кастсызь эсест превест-арсемаст: сынь тонадыть келень материалонть ванномо, сонзэ вейсэндямо, мукшномо лувонзо, кастомо литературань кортамо маштомачинть ды ёрокчинть, эрявикс валонь мукшномо.

1-4-це класстнэсэ эрзянь келенть тонавтнемстэ сех эрявикс улить истят пелькстнэ: «Гайтне ды букватне», «Валось», «Валрисьмесь», «Сюлмавозь кортамось», «Ваньксстэ сёрмадомась».

«Гайтне ды букватне» теманть коряс важодемась лезды кастомс эйкакштнень кортамонь культураст: сынь тонадыть гайтнень ды валтнэнь ваньксстэ ды видестэ ёвтамо, паролгавтсызь дикцияст.

«Валонть» лангсо важодемась моли весе ниле иетнень перть. Ламо мель явови сонзэ лексикань смустензэ чарькодемантень ды видестэ сёрмадомантень.

Эйкакштне тонавтнить кочксеме эрявикс валт эсест арсемаст ёвтнемстэ. Аламонь-аламонь сюпалгады сынст валксост.

«Валрисьмесь» Классто класс домкалгавтови простой валрисьменть ванномась. Эряви явомс покш мель эрьва кодамо типень предложениятнень лангсо важодемантень. Эрьва уроксо эйкакштне тонавтнить башка валрисьмень арсеме ды сёрмадомо, вишка ёвтнеминень тееме.

1-4-це класстнэсэ тонавтницянтень кирдема мельсэ: келень весе чарькодематне максовить эйкакштненень ансяк сень кис, штобу тонавтомс сынст эсест мелест, превест, ёжомарямост чарькодевиксстэ, мазыйстэ ёвтнеме ды, бути эряви, неть ёвтнематнень ильведькстэме сёрмадомо.

«Сюлмавозь кортамось» Сюлмавозь кортамонтень тонавтомань упражнениятне ютавтовить ловномань ды келень уроктнесэ (кортазь эли сёрмадозь).

Программань коряс келень уроктнесэ седее ламо ютавтневить сёрмадомань упражненият (изложеният, эрьва кодамо видэнь сочиненият).

1-4-це класстнэсэ изложениятне ды сочинениятне тонавтыцят.

«Ваньксстэ сёрмадомась» Ваньксстэ сёрмадомо тонавтомань упражнениякс лововить каллиграфиянь коряс ильведевкстнэнь витемась, букватнень аволь вейкетьстэ теезь наклонось, сынст покшолмась, сточкастонть лисемась ды седее тов.

Эрзянь келень программанть вешематне

Программанть вешематне истят:

• ушодомс эйкакштнень весеме ёндонь кастоманть;

• адомо, вадрясто ловомо, парсте кортамо, эсест мелест-превест ды ёжомарямост кортазь ды сёрмадозь ёвтнеме;

• тонавтомс эйкакштнень важодеманть вечкеме; школань эрьва предметэнть вельде тонавтомс тиринь масторонть, ломантнень вечкеме, кастомс покш мель эсь народонть келензэ ды оймень питней чинзэ содамо;

• масоме нурька, чарькодевиця содамочить лия национальностень ломантнеде, сынст культурадост;

• тонавтомс эйкакштнень эсь прянь ветямо, тонавтнема тевенть вечкеме;

• лездамс эйкакштненень панжомс ды келейгавтомс сынст превень ды кедьёнксонь маштомачист.

УЧЕБНОЙ ПЛАНСО ПРЕДМЕТЭНТЬ ТАРКАЗО

"Эрзянь кель" предметэсь кандови «Филология» тонавтнема ёнксонтень. МБОУ «Отрадной велень ООШ» учебной планонь коряс сонзэ тонавтомантень 3- це классо явовить 34 част (1 час недлязонзо).

ЛИЧНОСТНЫЕ, МЕТАПРЕДМЕТНЫЕ И ПРЕДМЕТНЫЕ

РЕЗУЛЬТАТЫ ОСВОЕНИЯ УЧЕБНОГО КУРСА

Личностной результаттнэ.

Школасо тонавтнезь эрзянь келентень эйкакштнэ тонадыть вадрясто ды педе пес чарькодеме весе ломантнень ( тонавтыцянть, эсест ялгаст ды седее тов) кортамост. Сынь тонавтнить кортамо весе классонть икеле: отвечить тонавтыцянть кевкстеманзо лангс, теить ёвтнемат ловнозденть, неезденть,ванозь кинофильмадо, эйкакшонь книгадо, артовксонь коряс, ушодыть сынсь кевкстемань максомо.

Касыть-кепетить эйкакштнэнь ловномань ёроксчист, кемекставить ды домкалгавтовить текст ды книга марто важодемань маштомачитне, келейгавтови кельвалонь кастомаст, сэрейгавтови кортамонь культураст.

Фольклорось ды художественной литературась мазылгавтыть ды сюпалгавтыть кортамонь келест, валксост.

Эрзянь келесь тетянь-авань кель. Сон тонавты улемс алкуксонь ломанекс, кона зярдояк а кадсы келензэ, а стувтсы эсь тиринь ёнксонзо, тиринь кудонзо, тетянзо-аванзо, тонавты улемс лездыцякс, чевте седей ломанекс.

Эряви ванстомс ды келейгавтомс тиринь келенть!

Регулятивной УУД:

- кель-валонь кастомась;

- содасы эсензэ келензэ, бажи ильведькстеме кортамо, эсензэ мелензэ-превензэ ды ёжомарямонзо кортазь ды сёрмадозь ёвтнеме.

Познавательной УУД:

Содасы, мекс ды мезень кисэ тонавтни.

Пурны эрьва кодат материалт ды информацият. Мордовской литературасто (словарьстэ, справочникстэ, энциклопедиясто, эрьва кодамо книгасто) вешни информация, машты важодеме сынст коряс, кемексты эсензэ превензэ. Мельспаросо кунсолы ды ванны телепередачат. Интернет – сайтстэ машты муеме эрявикс информации, япечаты компьютерсэ исследовательской роботат.

Коммуникативной  УУД

Карадо – каршо кортамонь(диалогонь) ветямо маштомась, эсеть ялгань кунсоломась, сонзэ ёвтнеманзо поладомо эли домкалгавтомо маштомась. Кортамс апак капша, мелень путозь. Кортамось молезэ аволь диалектэнь, но ванькс литературань кельсэ, сонзэ грамматикань ды орфоэпиянь норматнень лангс нежедезь.

Ловны эрьва кодамо темань коряс книгат, газетат, журналт; кунсолы музыка, эрзянь морот(тиринь мастордо, ояксчиде ды седее тов).

Вечкезь, паро мельсэ, чарькодезь кортни тиринь ломантнень марто.

Машты важодеме коллективсэ.

Машты парсте кортамо, лиянь кунсоломо.

Предметной  результаттнэ.

1)эряви явомс ламо мель минек масторсо эрьва национальностень эрицятнень культураст ютксо сюлмавксонь кастомантень, сюпалгавтомантень;

2)чарькодсызь тонавтницятне, што эрзянь келесь национальной культурань явления ды эсь келенть тонавтнезь чарькодевить ломантень эрямосо вастневиця ёнксонзо, коензэ-кирданзо, мелензэ-арсеманзо;

3)тонавтовить эйкакштнэ эрязасто, чарькодезь, мазыйстэ ловномо, ильведькстэме сёрмадомо, парсте кортамо, эсест мелест-превест ды ёжомарямост кортазь ды сёрмадозь ёвтнеме;

4)чарькодьсызь, мезекс эряви сыненст ловномась;

5)тонадыть самостоятельна вешнеме эрявикс литература, штобу чарькодемс ды содамс дополнительной  информациянть.

Тонавтомань-тематической планось

СОДЕРЖАНИЕ УЧЕБНОГО ПРЕДМЕТА

МЭЙСТЭ АШТИ ПРЕДМЕТЭСЬ

Гайтне ды букватне. Гласной ды согласной гайтне, сынст буквасо невтемасть. Слогось. Валтнэнь вейке строчкасто омбоцес кандомась. Валонтень слогонь, гайтень ды буквань коряс анализэнь темемась, сонзэ смустензэ сёрмадомань ёрокчитнень кастомасо толковамось.

Валонть куншкасо ды валонть песэ согласнойтнень чевтечист гласной буквасо ды чевте знаксо(ь) невтемась. Кавонзазь согласнойтне.

Валонь юрсонть гайтев ды гайттеме согласнойтнень сёр мадомась.

Предложениясь. Предложениянть лувозо.

Валлонь пелькстнэде вейсэнь чарькодемась: валонь юрось, суффиксэсь, песь.

Раськень валтнэ. Валонь юрось. Валонь юрсонть гайтев, гайттеме ды амарявиця согласнойтне. Валонь песь.

Суффиксэсь. Шожда валсто марто раськень валонь муеме тонавтнемась.

Упражненият орфографиянь валксонть марто.

Кортамо пелькстнэде вейсэнь чарькодемась: числительноесь, существитель-ноесь, прилагательноесь, глаголось, валмельгаксось.

Существительноесь.

Существительнойденть чарькодемась. Существительноенть числава полавтнемазо (вейкень ды ламонь числатне). Существительноень собственной ды нарицательной лемтне. «Ойме марто» ды «оймевтеме» предметэнь неевтиця лемть.

Прилагательноесь.

Прилагательноенть смустезэ ды сонзэ кевкстеманзо. Прилагательноесь а полавтневиця кортамо пелькс. Кортамосо ды текстсэ прилагательнойтнень ролест.

Глаголось.

Глаголонть смустезэ ды сонзэ кевкстеманзо. Глаголонть шкава полавтнемазо (неень шкась, ютазь шкась, сыця шкась).

- синонимтнень, антонимтнень ды ламо смусть марто

- валтнэнь текстстэ мукшномо ды тевс нолдамо;

- валкстнэнь марто важодеме;

Валмельгакстнэнь смустест. Мельга, трокс, пачк, марто, лангсо, кувалт, пельде ды лия истят валтнэ валмельгакст. Предложениясо валтнэнь валмельгакстнэнь вельде сюдмавлмась.

Вал марто упражненият. Эрьва кодамо кортамо пельксэс кандовиця валтнэнень раськень валонь мукшномась. Валт, конат малавикст смустень коряс. Карадо-каршо смусть марто валт.

Валрисьмесь. Валрисьмесэ валтнэнь сюлмавомась.

Валонь сюлмавкстнэ. Кевкстемань коряс сюлмавксонть лувонь ды кандовиця валтнэнь явомась.

Кортамонь целень ды вайгелень коряс предложениятнень явомась.

Валрисьменть лувозо. Валрисьмень прявт ды аволь прявт пелькстнэ.

Тонавтозь кортамо пелькстнэнь марто валрисьмень арсемась. Валрисьмес второстепенной члентнэнь совавтомо маштомась.

Сюлмавозь кортамось.

Кортамось ды сонзэ смутезэ эрямосонть. Художественной произведениянь келесь ды уроксо кортамось, сынст башкачист.

Кортамось ды сонзэ смустезэ эрямосонть. Художественной произведениянь келесь ды уроксо кортамось, сынст башкачист.

Текстэсь. Текстэнть пельксэнь-пелькс явомась, пелькстнэнь лемдямось. Тонавтыцянть лезксэнзэ вельде планонь теемась. Текстэнь пелькстнэнь сюлмамось.

Текстэнть лувонь арсеманзо муемась. Текстэнть теемань ёрокчитне (ушодксось, куншкась, песь).

Анок максозь планонь коряс изложениянь сёрмадомась. Вейке эли зярыя сюжетной артовксонь коряс сочинениянь теемась (кортазь эли сёрмадозь). Налксемадо, перть пелькстэнть, эйкакштнень эрямодост ды тевдест сочинениянь сёрмадомась. Аламонь-аламонь описания ды рассуждения марто предложениянь сочинениякс совавтома тонадомась.

Кортамонь этикась. Инжекс тердема, поздоровонь ёвтамо. Валтнэ, конат сайневить энялдомсто.

Текстэсь ды валрисьмесь. Ёвтнемань, кевкстемань ды кармавтомань. Сергедемань валрисьметне.

Валонть песэ ды куншкасо чевтне тешксэнть(ь) сёрмадомась.

Кортамо пелькстнэ: существительноесь, прилагательноесь, глаголось.

Тонавтницятненень эряви содамс:

- кортамо пелькстнэнь ды сынст грамматикань признакост;

- валонь сёрмадомань правилатнень;

Тонавтницятненень эряви маштомс:

- сёрмадомс ловныця мельга ютазь правилатнень мельсэ кирдезь;

- валрисьмень тееме ды сонзэ ильведьксстэме сёрмадомо;

- явомо синонимтнень ды антонимтнень;

Календарно-тематической планированиясь эрзянь келень коряс 3 класс (34 ч.)