Рабочая программа по родному (эрзянскому) языку в 1 классе

Рабочая программа

учебных предметов

«Литературное чтение на родном языке

и родной язык »

1 класс

Составитель:

учитель начальных классов, первой

квалификационной категории

Ямашкина Антонина Алексеевна

с. Отрадное, 2021г

Толковамо вал

Важодемань программась МБОУ «Отрадной велень ООШ» 1-це классонь " Литературное чтение на родном языке ды родной язык " тонавтнемань предметтнэнь коряс теезь:

• Федеральной государственной образовательной стандарт начальной общей образованиянь, кона кемекстазь Министерства образованиянь ды Российской Федерациянь наукань приказсо саезь 06.10.2009иень №373, приказонь редакциясо Россиянь Минобрнаукань, саезь 11.12.2020иень, №712.

• Муниципальной бюджетной общеобразовательной учреждениянь «Отрадной велень основной общеобразовательной школась» основной образовательной программа основной общей образованиянь, кона кемекстазь приказсо № 80, 31.08.2021 иестэ саезь

• Муниципальной бюджетной общеобразовательной учреждениянь «Отрадной велень основной общеобразовательной школань» базисной учебной планонь коряс.

• Россиянь Минпросвещениянь приказсо саезь панжиковонь 20-це 2020 иень № 254 «Об утверждении федерального перечня учебников, допущенных к использованию при реализации имеющих государственную аккредитацию образовательных программ начального общего, основного общего, среднего общего образования организациями, осуществляющими образовательную деятельность» (с изменениями, приказ Минпросвещения России от 23 декабря 2020 г. № 766);

• 1-4 класстнэнень эрзянь келень ды ловномань программатнень лангс нежедезь (авторось Л.П.Водясова)

- Эрзянь букварь,1класс,Общеобразовательной организациятненень учебной пособия; Сёрмадыцясь-пурныцясь Н.А.Буянова.,Саранск: МКИ.

УЧЕБНОЙ ПЛАНСО ПРЕДМЕТЭНТЬ ТАРКАЗО

"Литературное чтение на родном языке ды родной язык" предметтнэ кандовить «Филология» тонавтнема ёнксонтень. МБОУ «Отрадной велень ООШ» учебной планонь коряс сынст тонавтомантень 1- це классо явовить 33 част -1 час недлязонзо, (33 тонавтнемань недлят).

Эрзянь келень программанть вещематне

Программанть вешематне истят:

• ушодомс эйкакштнень весеме ёндонь кастоманть;

• тонавтомс эйкакштнень эрязасто, чарькодезь, мазыйстэ ловномо, ильведькстэме сёрмадомо, вадрясто ловомо, парсте кортамо, эсест мелест-превест ды ёжомарямост кортазь ды сёрмадозь ёвтнеме;

• тонавтомс эйкакштнень важодеманть вечкеме;

• школань эрьва предметэнть вельде тонавтомс тиринь масторонть, ломантнень вечкеме, кастомс покш мель эсь народонть келензэ ды оймень питней чинзэ содамо;

• масоме нурька, чарькодевиця содамочить лия национальностень ломантнеде, сынст культурадост;

• тонавтомс эйкакштнень эсь прянь ветямо, тонавтнема тевенть вечкеме;

• лездамс эйкакштненень панжомс ды келейгавтомс сынст превень ды кедьёнксонь маштомачист.

Неть тевтнень топавтомсто сехте покш тарка масови тиринь келентень. Вишка эйкакшонтень эсь арсеманзо, мелензэ-превензэ ды ёжомарямонзо видестэ ёвтавить ансяк сонзэ лувсо.

Учебной предметэнть коряс башка вал

Неть тевтнень топавтомсто сехте покш тарка масови тиринь келентень. Вишка эйкакшонтень эсь арсеманзо, мелензэ-превензэ ды ёжомарямонзо видестэ ёвтавить ансяк сонзэ лувсо. Сон сови весе лия предметнэнь юрскак ды сюлми эйсэст».

1-це классо тиринь валонь программась ашти колмо пельксстэ:

1. Ловномо ды сёрмадомо тонавтома, авольклассо ловнома ды кельвалонь кастома.

2. Ловнома (классо ды аволь классо) ды кельвалонь кастома.

3. Фонетика, лексика, грамматика, видестэ сёрмадома (орфография) ды кель валонь кастома.

Весе неть пелькстнэ кеместэ сюлмазь эсь ютковаст, ды целесткак вейке:

Тонавтомс эйкакштнэнь вадрясто ловномо ды кортамо; максомс васенце чарькодемат келенть эйстэ, литературадонть; сюпалгавтомс эйкакштнэнь кортамост; тонавтомс книгатнень вечкеме. Тонавтоманть лувсо ашти превень ды кель-валонь кастомась.

Тонавтома результаттнэ тонавтнема предметэнть.

Личностной результаттнэ.

Школасо тонавтнезь эрзянь келентень эйкакштнэ тонадыть вадрясто ды педе пес чарькодеме весе ломантнень ( тонавтыцянть, эсест ялгаст ды седее тов) кортамост. Сынь тонавтнить кортамо весе классонть икеле: отвечить тонавтыцянть кевкстеманзо лангс, теить ёвтнемат ловнозденть, неезденть,ванозь кинофильмадо, эйкакшонь книгадо, артовксонь коряс, ушодыть сынсь кевкстемань максомо.

Касыть-кепетить эйкакштнэнь ловномань ёроксчист, кемекставить ды домкалгавтовить текст ды книга марто важодемань маштомачитне, келейгавтови кельвалонь кастомаст, сэрейгавтови кортамонь культураст.

Фольклорось ды художественной литературась мазылгавтыть ды сюпалгавтыть кортамонь келест, валксост.

Эрзянь келесь тетянь-авань кель. Сон тонавты улемс алкуксонь ломанекс, кона зярдояк а кадсы келензэ, а стувтсы эсь тиринь ёнксонзо, тиринь кудонзо, тетянзо-аванзо, тонавты улемс лездыцякс, чевте седей ломанекс.

- кель-валонь кастомась;

- содасы эсензэ келензэ, бажи ильведькстеме кортамо, эсензэ мелензэ-превензэ ды ёжомарямонзо кортазь ды сёрмадозь ёвтнеме.

Познавательной УУД:

Содасы, мекс ды мезень кисэ тонавтни.

Пурны эрьва кодат материалт ды информацият. Мордовской литературасто (словарьстэ, справочникстэ, энциклопедиясто, эрьва кодамо книгасто) вешни информация, машты важодеме сынст коряс, кемексты эсензэ превензэ. Мельспаросо кунсолы ды ванны телепередачат. Интернет – сайтстэ машты муеме эрявикс информации, япечаты компьютерсэ исследовательской роботат.

Коммуникативной УУД

Карадо – каршо кортамонь(диалогонь) ветямо маштомась, эсеть ялгань кунсоломась, сонзэ ёвтнеманзо поладомо эли домкалгавтомо маштомась. Кортамс апак капша, мелень путозь. Кортамось молезэ аволь диалектэнь, но ванькс литературань кельсэ, сонзэ грамматикань ды орфоэпиянь норматнень лангс нежедезь.

Ловны эрьва кодамо темань коряс книгат, газетат, журналт; кунсолы музыка, эрзянь морот(тиринь мастордо, ояксчиде ды седее тов).

Вечкезь, паро мельсэ, чарькодезь кортни тиринь ломантнень марто.

Машты важодеме коллективсэ.

Предметной результаттнэ.

1)эряви явомс ламо мель минек масторсо эрьва национальностень эрицятнень культураст ютксо сюлмавксонь кастомантень, сюпалгавтомантень;

2)чарькодсызь тонавтницятне, што эрзянь келесь национальной культурань явления ды эсь келенть тонавтнезь чарькодевить ломантень эрямосо вастневиця ёнксонзо, коензэ-кирданзо, мелензэ-арсеманзо;

3)тонавтовить эйкакштнэ эрязасто, чарькодезь, мазыйстэ ловномо, ильведькстэме сёрмадомо, парсте кортамо, эсест мелест-превест ды ёжомарямост кортазь ды сёрмадозь ёвтнеме;

4)чарькодьсызь, мезекс эряви сыненст ловномась;

УЧЕБНО - ТЕМАТИЧЕСКИЙ ПЛАН

( Литературное чтение на родном языке ды родной язык предметтнэнь коряс

учебно- тематической планось)

СОДЕРЖАНИЕ УЧЕБНОГО ПРЕДМЕТА

( МЭЙСТЭ АШТИ ПРЕДМЕТЭСЬ)

Лувонь (азбукань)шкась -27 ч.

Азбукань шкастонть тонавтневить весе гласной ды

согласной гайтне ды сеть букватне, конатнень вельде сынь невтевить.

Эйкакштне тонавтовить:

гласной гайтнень (а, о, у, ы, и, э) буквасо невтеме;

гласной гайтнень валсто муеме, валонтень гайтень коряс анализэнь тееме;

согласной гайтнень буквасо невтеме;

слогонь-сюлмавксонь ловномо;

предложениянь ды текстэнь ловномо;

кочкамо валт максозь гайтнень марто, арсеме валт максозь схематнень коряс;

содамо букватнень, сынст башка ёнксост, видестэ ёвтамо гайтнень ды буквасо сынст сёрмадомо, содамо, кода невтеви согласнойтнень калгодо- ды чевтечист;

керсезь азбукань буквасто ды слогсто кочксеме эрьва кода­мо слогонь валт, конат сёрмадовить истя, кода марявить;

е, ё, ю, я гласной букватнень марто валтнэнь ловномо;

керсезь азбукань буквасто тееме ды ловномо валт, конатнесэ улить ламо согласнойть, ь, ъ ды й марто слогт;

азбукасо иллюстрациятнень коряс келень сюпалгавтомо;

тонавтыцянть марто вейсэ стихотворениянь видестэ, мазыйстэ ловномо;

валонь, нурька предложениянь, аволь покш текстэнь слогонь-слог ловномо (комсешка вал минутазонзо);

эрявикс вайгель марто ловномо кевкстемань, серьгедемань, кармавтомань ды однородной член марто предло-жениятнень.

Эйкакштнень ловномо тонавтомсто, свал мельсэ кир-демат гигиенань правилатне.

Предложениянть ды сюлмавозь кортамонть мар­то важодемась.

Кортамонь маштомачитнень кастомась:

тонавтомс эйкакштнень артовксонь коряс аволь покш ёвтнемань арсеме;

тонавтомс прядомо ушодозь ёвтнема;

тонавтомс ёвтнеме седе, мезть несть экскурсиясо.

Эйкакштненень эряви маштомс:

максомо лем ловнозь текстэнтень;

толковамо содамоёвкстнэнь смустест;

ёвтнеме ловнозь текстэнть содержаниянзо, отвечамо кевкстема лангс, муеме текстстэнть эрявикс валт ды предложеният;

карадо-каршонь кортамонь (диалогонь) ловномо;

стихотворениянь ловномо ды мазыйстэ, седеймарязь сынст ёвтнеме;

а содавикс текстстэ минутас 20—25 валонь ловномо.

Азбукадо мейлень шкась- 6 ч.

Минек масторонь эйкакштнеде, важодемадонть, перть пелькстэнть, ракшатнеде аволь покш ёвксонь, ёвтнемань ловномась. Стихотворения марто важодемась.

Ловномань уроктне ётавтовить тонавтнема иенть прядомань меельце кавто ковтнень перть (апрель — май). Те шкастонть эйкакштне ловныть сюлмавозь текстт, вадрялгавтыть ловномань, сёрмадомань ды кортамонь ёрокчист. Сынь ловныть минутазонзо 25—30 вал, тонавтнить вейке валонть явомо лиятнестэ. Поладови гайтень культуранть, валонть, предложениянть ды сюлмавозь кортамонть ланг­со важодемась, кона ульнесь ушодозь «Азбуканть» тонавтнемань шкастонть.

Календарно-тематической план 1-це классо ловномань ды сёрмадомань коряс-33 част