Салауатты өмір салты

Сабақтың мақсаты: адам өміріндегі салауатты өмір салтын ұстанудың мәнін түсіндіру. Салауатты өмір салтын ұстануға тәрбиелеу.

Міндеттері:

• салауатты өмір салтының мәнін түсіндіру;
• зиянды затттарды қолданудың алдын алу;
• салауатты өмір салтын ұстануға тәрбиелеу.

Сабақ барысы:

1. Ұйымдастыру  кезеңi. Сәлемдесу,  түгендеу, құрал –жабдық,

5Т әдісі.

                          Тыныштық сәтi.

              Орманға ойша  серуен

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз,  қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына  көңіл бөліңіз. (Осы жерде мұғалім 1-2 минут үзіліс жасауына болады).

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта  оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз

Ресурстар:(құралдар, мәлiметтер)

1. Үй тапсырмасын тексеру.

В.Ягодинскийдің зиянды заттардың адам өміріне тигізетін

залалдары туралы мәтінінің мазмұнын талдау.

• Мәтіннен қандай ой түйдіңіз?
• Мәтіндегі зиянды әрекеттердің салдарын түсіндіру үшін зиянды заттардың  адам ағзасына тигізетін әсері туралы қосымша мәліметтер жинаңыз.

Сабақ барысын талқылау:

     3.  Әңгiмелеу (сұхбат).

Ұ.Есдәулетовтің «Қара пима» поэмасынан берілген үзіндіні оқу.

• Шығарманы оқығанда қандай сезімде болдыңыздар?
• Ішімдіктің зияны?

1. Дәйек сөз.

Ауырып ем іздегенше,

      Ауырмаудың жолын ізде!

                                                                              Мақал

1. Шығармашылық жұмыс, топтық жұмыс.

Төмендегі пікірлерді қарап шығып, онымен қаншалықты келісетіндіктеріңізді білдіріңіздер.

 Жасөспірімдер неліктен темекі шегеді деп ойлайсыз?

• Әуесқойлықтан;
• Ертерек есейсем деген тілектен;
• «Мамасының баласы» немесе «қызы» деген сөзді естімеу үшін;
• Кино мен әдебиет қаһармандарына еліктеушіліктен;
• Бұл- жас жігіттер мен қыздардың қарым- қатынасындағы немқұрайдылық, даңғойлық  көрінісі болып табылатын қазіргі заман белгісі.

1. Топпен ән айту.

Бақыт деген.

Бақыт жайлы менің мынау білгенім.

Бақыт деген бірде шаттық бірде мұң,

                 Бақытты сол –тәрік етіп түндерін

                 Бақыт іздеп азаптанса кімде –кім.

                Бақыт деген сенің бала күндерің

                Бақытсыз –ақ бақытты боп жүргенің

                Бақытын да басқасында да білмеуің

                Бақытсыз –ақ ойнап күлгенің

               Бақыт деген әркімдерде бір арман

               Сол арманның шыққан жері құмардан

               Ал мен үшін ең бақытты күндерім

               Бұл өмірде бақыт іздеп жүргенім

                Бақыт деген сенің бала күндерің

                Бақытсыз –ақ бақытты боп жүргенің

                Бақытын да басқасында да білмеуің

                Бақытсыз –ақ ойнап күлгенің

         7.Үй тапсырмасы.

     Оқулықта берілген жаңа ақпаратты оқып келу.

           8. Бағалау.

Сабаққа белсенді қатысқан оқушыларды мадақтау.