Сөз және оның құрамы

Амангелді жалпы білім беретін орта мектебі

Cабақтың тақырыбы: «Сөз және оның құрамы»
Өткізген:Нұрғазина Ә.Б
Сыныбы:3 «А»

2017-2018 оқу жылы

Сабақтың тақырыбы: « Сөз және оның құрамы».
Сабақ мақсаты: а)оқушылардың   сөз құрамы туралы білетіндерін еске түсіру , қосымшаларды сөздерге  дұрыс   жалғай  білуге үйрету ; сөйлеу мәдениетін жетілдіру, топпен жұмыс істеуге дағдыландыру.
ә)ауызша, жазбаша жаттығулар   жүргізе отырып оқушылардың   сауаттылығын ,  тілін  дамыту, логикалық ойлау   және сөздік  қорын  молайту.  
 б) сыни тұрғыдан талдауға өз көзқарастарын білдіре алуын,сөйлеу мәдениетін,ой түюге баулу қабілеттерін шыңдау, адамдық асыл қасиеттерге тәрбиелеу.
Сабақтың түрі: жаңа сабақ
Сабақтың әдіс-тәсілі: СТО технологиясы, ойын әдісі, шығармашылық жұмыс
Сабақтың көрнекілігі:  сызбалар, топшамалар, бағалау парақтары.
Сабақ барысы: І.Ұйымдастыру кезеңі:

- Әрбір адам? - Туысым, досым, жұрағат.
- Әрбір сабақ? - Үйрену, ұғу, ұлағат.
- Әрбір ісім? - Тірлік,тірек, адамдық.
- Әрбір сөзім? - Шындық, бірлік, адалды

ІІ.Үй тапсырмасын тексеріп, пысықтау.
Жұппен жұмыс. Қатар отырған екі білім алушы бір-біріне сұрақ қойып, жауап береді.
ІІІ.Жаңа сабақ: Сөз құрамы.
Түбір дегеніміз – сөздің  бөлшектеуге келмейтін ең түпкі мағыналы бөлігі. Ал, қосымша дегеніміз түбірге жалғанатын бөлшектер. Мысалы: жолдастық, сауыншылар, мектептердің, көрінген деген сөздердің түбірлері – жол, сау, мектеп, көр. Себебі бұлар қосымшасыз тұрып та белгілі бір мағынаны білдіреді. Осы түбірлерге жалғанған –дас,  - тық, - ын, - шы, - тер, дің – бөлшектері қосымша деп аталады. Қосымша жеке тұрғанда ешбір мағына білдіре алмайды .Қосымша екіге бөлінеді:жұрнақ,жалғау .
ІҮ. «Ой шақыру» стратегиясы. Білім алушылар өз ойларын ортаға салады.
1-топ.
-Сөздің одан әрі бөлінбейтін мағыналы бөлігін ата.
-Мына сөздердесөздің қандай бөліктері қарамен берілгенін анықта.
Дәурен-нің,күй-ші,кітап-хана,арыстан-дар.
2-топ.
-Түбірлес сөздерді топтастыр.
Ойыншы,ойын,басқар,бастық,ойна,ойыншық,басшы.

3-топ.
Ү.Дәптермен жұмыс.

3-жаттығу.Берілген сөздердің түбірімен қосымшасын ажырат.Әр топқа.
Өздерің қалағанекі-үш сөзбен сөйлем құрастырып жаз.

ҮІ.Сәйкестендіру.4-жаттығу.Сөздерге тұсындағы жұрнақтардың қайсысын жалғауға болады?
-Түбір сөздердің мағыналары жұрнақ жалғанғанда қалай өзгереді?
-Жұрнақ жалғанған сөздерді қатыстырып,бірнеше сөйлем құрап жаз.
VIІ. Үй тапсырмасы:5-жаттығу. Ережені қайталау.
VIІІ.Білімді бағалау:  Үш топ бірін-бірі бағалайды.   Бағалау парағы
Кері байланыс.Бүгінгі сабаққа түсіндім дегендерің алма ағашына сары алма,ал бүгінгі сабаққа түсінгеніме сенімсізбін дегендерің қызыл алма жабыстырасыңдар

Бағалау парағы
(Бір топтағы екі оқушы бір-бірін бағалайды әр кезеңге 0-5 ұпайға дейін беру

5 – 15 ұпай «3»-тік баға;
15 – 25 ұпай «4»-тік баға;
25 – 30 ұпай «5»-тік баға;