Стихотворение "Друзьям"

Къурдаш къызларыма.

Алысларда отав къургъан ,Азиям,

Кёстек юртлу, сюйкюмлю Айханымым,

Ботаюртлу сабур сёзлю,Купиям,

Тамазатёбели, ала гёзлю Айбийкем.

Эрпелини гюл чечеги, Забиям,

Къарабудахгентли, сынчы Написат,

Башлыгентли, къуймур гёзлю Барият,

Янгыгентли Патимат ва Раисат.

Сагъынч гьислер яллыкъ бермей оьзюме,

Тюшлеримде гьаман сизин гёремен.

Сагъынчлыгъым къалар йимик басылып,

Сизин бирче къучакълама сюемен.

Къастларыгъыз янгур йимик себелеп,

Женнет бавгъа дёндюрежек хумлукъну.

Яш наслугъа терен билим береген

Инг насипли къызларысыз Къумукъну.

Йылларыгъыз гетсин сизин шатлыкъда,

Сыйлы болгъан байрам булан къутлайман.

Оьтемишли тезги къурдаш къызыгъыз

Сизге битмес яхшылыкълар ёрайман!

Эльмира Исаева

Курслардагъы къурдаш къызларыма.

Не уллу байлыкъдыр къумукъ тилибизни

Янагъан юлдузлар – асил сёзлери.

Тилибизни биз аявлап сакъласакъ,

Яшнап къалыр къумугъумну тюзлери.

Къарангылыкъ халкъым мени гёрмесин,

Кёкдеги юлдузлардай янайым.

Тилибизни жавгьар ташлы сёзлерин

Бойнугъузгъа минчакълардай тагъайым.

Сизин булан ана тилде къатнашдым,

Къаркъарама дарман болду, бал болду.

Гьасиретден толгъан мени юрегим

Сизин булан сёйлеп, эпсиз ял болдум.

Насип, талай болсун сизге дюньяда,

Сизин инг де ювукълардан санайман.

Юрегимден сююп къойдум мен сизин

Бир де битмес яхшылакълар ёрайман.

Къумугъумну айдай юзлю къызлары,

Сизин булан чечдим юрек сырларым.

Гьис этерсиз ана тилни байлыгъын,

Гьакъ юрекден ушатсагъыз йырымны.

Эльмира Исаева фераль,2017 й.

Круглый стол, Махачкала 2016 г.