Просмотр содержимого документа
«Стихотворение "В добрый путь, родной район"»
22.12.2016 й.
«Къаягент району адамы» ( »Человек года Каякентского района – 2016» номинация «Лучший работник образования» )
Алгъышлы ёл сагъа, районум мени.
Каспий денгиз, тюзлюклеринг, тавларынг,
Бал татыгъан сени юзюм бавларынг.
Гьар тюрлю миллетден сени халкъларынг,
Алгъышлы ёл сагъа, районум мени.
Халкъларынг бирлешип, дослукъда яшай,
Сююнчден толгъан ожакъгъа ошай.
Терин тёгюп, гьалал ашларын ашай,
Алгъышлы ёл сагъа, районум мени.
Биринчи ерде эдинг алдагъы заман,
Халкъларынг иш уьстде, алда гьар заман.
Дагъы да оьрленгир, гёзюнг ач, таман,
Алгъышлы ёл сагъа, районум мени.
Макътавгъа лайыкълы уланынг, къызынг,
Тарихлени ёлунда къоялар гьызын.
Къонакъланы сююндюре, гелтире гьазын,
Алгъышлы ёл сагъа, районум мени.
Гьар-бир ишинг уьлгю болсун кёплеге,
Яхшы ишинг аян болсун кёклеге.
Янгы йылда насип болсун оьрленме,
Алгъышлы ёл сагъа, районум мени!
Эльмира Исаева, Оьтемиш, 2016 й.