«Мезунлар акъшамы» байрамы 4-б сыныф
- Селям алейкум азиз мусафирлер, урьметли оджалар, ана-бабалар, ве севимли талебелер. Мезунлар байрамына хош кельдинъиз! Келинъиз, бизим мезунларны къаршылап алайыкъ!
(Нариман Балич ве DG Bebek «Яшлар авасы»)
- Дерт йыл эвельси бизим мектепке сиз, бизим сайгъылы ана-бабалар, балаларынъызны кетирдинъиз! Дёрт йыл тез кечти, чокъ шейни балалар огрендилер, ве даа чокъ шей огренеджеклер!
Бугунь бизде «Мезунлар акъшамы» байрамы.
- Келинъиз агъыр ава хайтармадан башлайыкъ!
- Энди «Аиле» йырыны иджра этейик!
Шиирлер
Уфачыкъ бала эдик
Биз мектепке кельгенде
Арадан дерт йыл кечти
Бакъынъ, буюдик энди!
Башлангъыч мектепте
Шенъ яшадыкъ
Йырладыкъ, эм ойнадыкъ
Ресим яптыкъ,талим алдыкъ
Чечеклер де асрадыкъ!
Мейдан мектеп азбарында
Келинъ балалар, ойнайыкъ
Бу бахытлы яш-чагъында
Ойнап-кулип тояйыкъ.
Мына кельди майыснынъ сонъу
Пек бекледик эпимиз оны
Биз де энди мезун олдыкъ
Бир адым огге аттыкъ!
Мында осьтик, буюк олдыкъ
Ич де биз корьмедик хорлыкъ
Бир кунь корьмесек сагъындыкъ
Мында куванч, мында шохлыкъ!
Не де гузель мектебимиз
О экинджи эвимиз
Достларым, мен пек ялварам
Оны даим севинъиз.
Энди буюк мектеп бизни беклей
Окъуйджакъмыз илимлер
Якъшы окъуп, бильги алып
Оладжакъмыз алимлер!
Сагълыкънен къал, башлангъыч сыныфымыз
Эвимиздай эдинъ сен
Сагълыкънен къал оджамыз
Бизге ана эдинъ сен!
Биз бахтияр балалар
Илим алып осемиз
Чечек киби Ватанымны
Джан - юректен севемиз!
Сагъ олунъыз, Алие оджа
Сизге бинъ бир тешеккюр
Сиз эр шейни унутып
Эльчигимизден тутып
Керек олгъанда тюртип,
Бильги бердинъиз бизге.
Кимерде чал олдыкъ, дерс къачырдыкъ
Келишмеген лаф къаттыкъ
Лякин биз пешман этемиз
Айсель оджамыз
Биз сизни пек севемиз!
Беден тербиеси, Эльвина оджамыз
Сагъ олунъыз, сизге айтамыз
Меракълы дерслер ичюн.
Эбет, базан шохлыкъ яптыкъ
Джанынъызны агъырттыкъ
Багъышланъыз, ялварамыз
Бизим урьметли Зарема оджамыз.
Сагъ олунъыз, бинъ яшанъыз
Бизим Ленура оджамыз
Сагъ олунъыз, бинъ яшанъыз
Сизни ич унутмамыз.
Фериде оджа бизим мудиримиз
Биз сизни урьмет этемиз
Биз ичюн чокъ раатсыз оласыз
Сагъ олунъыз сизге айтамыз!
- Энди «Сагъ ол оджам» йырыны иджра этейик!
- Шимди исе сёз мектеп мудири, Фериде Ибраимовнагъа бериле!
Алтын анахтар ве Буратино масалы
1 сценка
- Джузеппе: Ярамай шей дегиль экен, ондан масагъа гузель бир аякъ ясамакъ мумкюн.
- Сана артында Буратино: Лютфен, яваш олунъыз, къытыкъламанъыз, ой, ой, ой…
- Джузеппе: О, недир, бу, гъалиба, манъа корюнди! Не олды я, кимсе екъ, ёкъса къулагъымда бу сес пейда олды?
- Карло баба: Селям алейкум къомшу, сен не къыдырасынъ?
- Джузеппе: Боргъочну джойдым, я сен насылсынъ?
- Карло баба: Ярамай, бир тилим отьмекке пара тапамайым!
- Джузеппе: Ондан енгиль шей екъ, мына менден аз агъачны ал. Сен бу агъачтан бир къокъла яса да, сонъ оны йырламагъа ве ойнамагъа огрет, корерсинъ отмекке де пара къазанырсынъ.
- Карло баба: Гузель бир фикир, айды, ойле олса, бер бу агъачны манъа.
- Джузеппе: Ёкъ-ёкъ, озюнь алса, къоркъма!
- Карло баба: Чокъ сагъ ол, къомшум, сагълыкънен къал!
- Джузеппе: Яхшы да къутулдым!
2 сценка
- Карло баба: Мына шай, ах сени, бурнунъ узун олды. Эгер оны эр ерге тыкъмасанъ, яхшы олур. Адынъны не къояйым экен? А, таптым Бу-ра-ти-но!
Мен сени сатмайджам, сен менде яшайджакъсынъ, ве мектепке бараджакъсынъ! Мектепни битирген сонъ не япсанъ, яп!
- Буратино: Мен мектепке бармагъа истемейим!
- Карло баба: Буратино, олмайджакъ сезлерни айтма! Мен тезден къайтаджам, сен мен айткъан сёзлериме къулакъ ас!
- Буратино: Вай, насыл зевкълы шей. Ресимде оджакъ ве от бар. Пек аджайип шей!
(Карло баба къайтып келе)
- Буратино: Сенинъ пычкъынъ къайда?
- Карло баба: Зарары ёкъ, зарары ёкъ! Мен оны саттым. Санъа янъы элифбе алдым, мектепке бараджанъ!
- Карло баба: Айды чап, тез – тез, кеч къалырсынъ!
- Буратино: Селям алейкум синьор, мераба синьора! Мектеп къайсы тарафта?
- Буратино: Къайда барайым экен, театрге я да мектепке! Э, мектепке сонъ барырым, башта театрге барып бакъайым.
- Буратино: Достум, санъа элифбе керекми?
- Огълан бала: Керек, ма, санъа дерт капик, ал билетни!
- Буратино: Манъа театрге билет берсенъиз! Лютфен, биринджи сырадан бир билет беринъиз!
(Балалар йырлайлар «Тебессюм»)
3 сценка
- Карабас барабас: Къаны бир де биринъиз, анавы агъачтан япылгъан тембель Буратиноны манъа кетиринъиз! Мен оны атешке ташлайджам, ашым тез пишер! Къаны достум, оджакъкъа кирсе!
- Буратино: Ёкъ, синьор, мен оны япмагъа оламайджам!
- Карабас барабас: Не ичюн экен?
- Буратино: Бир заманда ойле япмагъа истедим, амма тек зарар кетирдим, тешик яптым?
- Карабас барабас: Ялан, ялан! Оджакъта тешик япамазсынъ!
- Буратино: Не ичюн япамазсынъ? Мумкюн, эгер оджакъ ресим олса!
- Карабас барабас: Ресим олса… Ах, меним гузель Буратинам! Сен къайда ойле ресим корьдинъ?
- Буратино: Меним Карло бабамнынъ эвинде!
- Карабас барабас: Демек, къарт Карлонынъ эвинде сакъланылгъан…
- Буратино: Не сакъланылгъан?
- Карабас барабас: Ёкъ, ёкъ бир шей дегиль! Яхшы, мен санъа омюр багъышлайым, ондан да гъайры беш алтын капик. Буларны Карлогъа берерсинъ. Ве айт онъа, бир ерге кочьмесин
- Буратино: Чокъ сагъ олунъыз, синьор Карабас барабас, бу паралар энъ ишанчлы къолларгъа тюшти. Сагълыкънен къалынъыз!
4 сценка
- Кёр пардош: Манъа ярдым этинъиз! Кёр пардошкъа ярдым этинъиз!
- Тильки Алиса: Тынч ол, мында бириси келе. Токъта Буратино, сен къайда ашыкъасынъ?
- Буратино: Мен Карло бабама ашыкъам.
- Тильки Алиса: Вай, анавы фукъаре Карлогъа ашыкъасынъмы?
- Буратино: Мына корьдинъизми! Мен бабама пычакъ аладжам! Озюме исе элифбе!
- Тильки Алиса: Элифбе? (куле). О сени яхшылыкъкъа алып бармаз!
- Кёр пардош: Элифбе? (куле). Мен «Ша» буквагъа кельгенде, козюм кёр олды!
-Тильки Алиса: Пардош, агъызынъны къапат.
- Тильки Алиса: Ах, меним акъыллы Буратинам, сен бу параларны он кере арткъаныны истейсинъми?
- Буратино: Я бу насыл япыла?
- Тильки Алиса: Сен мени яхшы динъле. Мен санъа анълатырым… Делилер мемлекети бар, бу мемлекетте муджизе тарласы бар. Бу тарлада чукъур къаз да, параларны къой, учь кере «Крекс, пекс, фекс» деп айт! Ве юкъламагъа кет, саба исе корерсинъ, чукъур ерине терек осер, онынъ устюнде япракълар ерине алтын капиклер асылгъан оладжакъ!
- Буратино: Бу ялан!
- Тильки Алиса: Биз ялан яйтмаймыз! Инанмасанъ, биз кеттик!
- Буратино: Ёкъ, токътанъыз! Бу делилер мемлекети къайда, манъа косьтеринъиз! Лютфен!
- Тильки Алиса: Анавы орманнынъ артында!
(Буратино чапып кете. Тильки ве Кёр пардош кулелер, сонъ олар айдутлар олып. Буратино олардан къача ве Мальвинанен Артемоннынъ ёлуна тюше, ярамай ола)
5 сценка
- Мальвина: Артемон, тез экимни барып чагъыр, Буратиногъа ярдым керек!
- 1 эким: Гомеопат, хирургия профессоры, мияв къуш!
- 2 эким: Академик илимлернинъ азасы, эбаналь бакъа!
- 3 эким: Мен исе Богомол! Дипломым олмаса да, олардан чокъ шей билем!
- Артемон: Тез олунъыз, сизинъ ярдымынъыз керек!
- 1 эким: Хаста олюге ошай!
- 2 эким: Ёкъ, хаста олюге ошамай! Экиден бириси, я да олю, я да ёкъ!
- Мальвина: Насыл онъа ярдым этейик?
- 1 эким: Онъа касторка бермеге керек!
- Буратино: Ёкъ, керекмей манъа касторка (озюне келе)
- Мальвина: Эгер сиз энди яхшы олсанъыз, мен сизни тербиелемеге башлайджам!
- Буратино: Амма да огърадым!
- Мальвина: Арифметиканы огренейик! Сизинъ джёбинъизде эки алма бар! Бириси сизден бир алманы алды, къач алма сизде къалды?
- Буратино: Эки дане!
- Мальвина: Не ичюн эки дане?
- Буратино: Я мен бир кимсеге алма бермем, талашсалар да!
- Мальвина: Ой, арифметикадан бир шей бильмейсинъиз экен. Ойле олса, диктант язайыкъ.
(Буратино киятны кирлете)
- Мальвина: Ах, сизни ярамаз! Артемон, Буратиноны къара арангъа алып кетинъиз.
- Буратино: Бармайджам, бармайджам… (агълай)
- Мальвина: Огъланлар ойле тербиесиз экен деп, бир вакъыт тюшюнмедим.
6 сценка
-Тильки Алиса: Буратино, Буратино биз сени къутараджакъмыз, юр бизнен, тез - тез чап. Делилер мемлекетинде сакъланайыкъ.
- Тильки Алиса: Буратино, бар тез-тез параларынъны ком, саба якъынлаша!
- Буратино: Ёкъ, мен сизинъ янынъызда япмайджам.
- Тильки Алиса: Аллах сакъласын…
- Буратино: Гъалиба, бир кимсе корьмей. «Рекс, пекс, фекс»… Вай, бугунь пек болдурдым, пек узун кунь эди (юкълап къала)
- Тильки Алиса: Мына бизим парачыкълар… (къуваналар)
- Буратино: Вай, мени алдаттылар, менден дели яптылар. Вай меним Карло бабачыгъым (агълай)
Бабалар ана-бабаларына бахшышлар берелер.
7 сценка
- Къаплы бакъа Тартило: Буратино, сен агълама. Мен санъа ярдым этерим. Мени дикъкъатнен динъле! Бир заманда сакъаллы бир инсан, бу алтын анахтарны сувгъа тюшюрди. Бир шей дуймай, елуны девам этти. Бу алтын анахтар пек адий анахтардыр. Энди о сенинъ анахтарынъдыр. Сен бу аджайип къапуны тап, ондан сонъ сенинъ къорантанъ бахтлы оладжакъ!
- Буратино: Насыл къапуны?
- Къаплы бакъа Тартило: Оны, о сакъаллы адам биле!
- Буратино: Сагъ ол, Тартило!
- Карабас барабас: Тартило, Тартило мен билем, алтын анахтар сенде! Бер оны манъа, тез ол!
- Къаплы бакъа Тартило: Ёкъ, менде анахтар ёкъ. Мен оны Буратиногъа бердим, о пек агълап юре эди.
- Карабас барабас: Ах сени Буратино! Мен сени тутарым! Тек элиме тюш!
(Буратинонен талашалар, Буратино сакъалыны терекке багълай)
- Буратино: Айт манъа, Карабас барабас, къапы къайда?
- Карабас барабас: Насыл къапы, бильмейим!
- Буратино: Сен айтмасанъ, мен достларымны ярдымгъа чагъырам. Сен оларнынъ чокъ джанларыны агъырттынъ!
- Карабас барабас: Яхшы, айтырым! Шу къапу Карлонынъ эвинде! Оджакъ ресимининъ ардында!
- Буратино: Карло бабам, достларым, келинъиз бу алтын анахтарнен къапуны ачайыкъ! Къапуны артында аджайип бир мемлекет бар!!! Орта мектеп!!! Юрунъыз, анда ойнайыкъ, йырлайыкъ, окъуйыкъ!!!
(Балалар йырлайлар «Бирлик олса»)
10
1 666
42 002 
