"Таным белестері"

“ Алтынтөбе” жалпы орта мектебінің өзін өзі тану мұғалімі Жетпісова Қалима

Сабақтың тақырыбын ашу үшін оқулықтағы «Ойланайық, пікірлесейік» атты айдармен берілген мына сұрақтар төңірегінде әңгіме жүргізіледі:

• Жазғы демалысты қалай өткіздіңіздер?
• Демалыс кезінде қандай пайдалы іс жасадыңыздар?
• Өзін тану үшін адам не істеу керек деп ойлайсыздар?

Адам әлемді қаншалықты таныса, соншалық өзін де тани түседі.Өзін-өзі қалай тануға болады? Борышыңды өтей бастаған сәттен бастап-ақ, өзіңді тани аласың.

Иоганн Гете

• Төменде берілген ой-тұжырымды жалғастырыңыздар:

- Біздің танымымыз артқан сайын орындайтын міндетіміз де көбейе береді;

• Шығармашылық жұмысты орындауда оқушылар өмірлік ұстаным, өмірлік мұрат, өмірлік бағыт туралы өз пікірлерін жазады.

Өзін жолым бар,сонан соң өз үнім бар

Б.Үсенов

Өзін жолым бар,сонан соң өз үнім бар,

Тағдырым бар сыр тұнған сезімде әр.

Ұмтыламын мен саған,ұмтыламын,

Құпиямен сен менің төзімді ал.

Болса-дағы мұратым шалғай тарап,

Қоясың сен қандай сын,қандай талап?

Құлатсаң да құзыңнан тұрғызбастай,

Осы әнімді айтамын сан қайталап.

Не тілейсің ақыннан жиырма жасар,

Жастамын мен қамықпай шыңға басар.

Ез емеспін тау түгіл,қырда адасар,

Мен-қазақпын домбыра,жыр жарасар.

Өз арнамнан әйтеуір,аспай бақтым,

Бір арманға жасымнан тастай қаттым.

Күнді бетке ап тартып бара жатқан бір,

Жыр көшіне ілескен жас тайлақпын.

• Б.Әлжақсыұлының «Тоғыз жауың тағы бар...» өлеңін жаттап келу.

Сабаққа белсенді қатысқан оқушыларды мадақтау.