Темӕ: Мивдисӕг.

Темӕ: Мивдисӕг.

Хорз ӕмбал зын сахат сбӕрӕг вӕййы.

Урочы нысан: Бамбарын кӕнын ног ӕрмӕг.

Алыхуызон фӕлтӕрӕнты руаджы бафидар кӕнын мивдисӕджы тыххӕй зонындзинӕдтӕ.

Рӕзын кӕнын ӕмӕ фидар кӕнын хӕлардзинад,уарзондзинад, патриотизмы ӕнкъарӕнтӕ.

Универсалон ахуырадон архӕйдтытӕ:

Метопредметон:

Регулятивон – сахуыр кӕнын сабиты ӕвӕрын сӕ размӕ конкретон ахуырадон хӕс.

Зонындзинӕдтӕ райсыныл архайд – хъуамӕ сахуыр уой чиныджы ӕнӕкъуылымпыйӕ хъӕугӕ ӕрмӕг ахуыр кӕнын.

Комманикативон – хъуамӕ сахуыр уой раст фехъусын ӕмӕ раст дзуаппытӕ дӕттын фӕрстытӕн.

Предметон - хъуамӕ сахуыр уой пайда кӕнын иууон ӕмӕ бирӕон нымӕцы мивдисджытӕй. Раст пайда кӕной мивдисджытӕй хъуыдыйады мидӕг.

Урочы цыд:

i.Бацӕттӕгӕнӕн рӕстӕг.

2.Фонетикон фӕлтӕрӕнтӕ.

Фӕйнӕгыл:

а).Раст кӕс:

ӕ)Бакӕсын уӕнгтӔ дывӕр дамгъӕтимӕ.

б) Бакӕсын тагъддзуринаг.

Зары Зарӕ зарӕг

Зӕлы ,зӕлы зард.

Зарӕг у йӕ дарӕг

Зарӕг у йӕ цард.

3.Хӕдзармӕ куыст сбӕрӕг кӕнын.

РӔФК

-Цы хонӕм миногон?

-Цы вдисы предметӕн?

-Цавӕр фӕрстытӕ домы?

-Фарст цыхуызӕн цӕмӕ дӕттӕм?

II.Ахуыргӕнӕджы разныхас

1.Ног ӕрмӕг.

2.Хъазт «Уӕлдай дзырд».

Хӕс:1. Дзырдтӕ баххӕст кӕнын хъуӕгӕ дамгъӕтӕй.

2.Алы рӕхъы дӕр ссарын уӕлдай дзырд.

1 –ӕм слайд

Гӕ.куыри, тӕр.ус, хъри.упп, тӕхы.

Бе.ырбух, Дзӕу.ыхъӕу, Мӕ.дӕг , зарӕм.

Ма.инӕ, Ната.ӕ, .урнал, цӕуын.

2 –ӕм слайд (сбӕрӕг кӕнын уӕлдай дзырдтӕ)

ТӔХЫ, ЗАРӔМ, ЦӔУЫН.

-Цы вдисынц ацы дзырдтӕ? (ми, архайд)

3 – ӕv слайд (бакусын дзырды арӕзтыл)

МИ + ӔВДИСӔГ = МИВДИСӔГ

-Цавӕр фӕрстытӕн дзуапп дӕттынц?

-Куыд ис рахонӕн ацы дзырдтӕн? ( мивдисджытӕ)

-Цы у уӕ бон зӕгъын мивдисӕджы тыххӕй?

-Уӕдӕ абон мах ц ӕуыл дзурдзыстӕм нӕ урочы?

-Куыд хуыйны нӕ ног темӕ?

-Мах хъуамӕ базонӕм цӕмӕн хъӕуынц мивдисджытӕ нӕ ныхасы.

(Цӕмӕй ӕвдисой предметы архайд, кӕной нын не взаг хъӕздыгдӕр ,рӕсугъддӕр).

-Хъуыдыйады уӕнгтӕм гӕсгӕ цы вӕййы мивдисӕг? (зӕгъинаг)

-Куыд ивы мивдисӕг? (афонтӕм гӕсгӕ)

-Цӕмӕй бӕстондӕр бамбарӕм ног ныхасы хай , уый тыххӕй хъӕуы ӕмдзӕвгӕтӕй ист рӕнхъытӕ баххӕст кӕнын цухгонд дзырдтӕй ӕмӕ саразын кроссворд.

2. 4 –ӕм слайд

1).Иу гӕды нӕм ис

Хъарм фӕлмӕн кӕрц …(дары)

2).Цӕй раджы фестыс

Цӕй хъӕрӕй…(зарыс)

3).Раджы хохы цъуппӕй …(касти)

Иу ӕрра фыййау.

4).Иу, дыууӕ, ӕртӕ стыр къусы

…сысджы.(бахордтой)

5).Уый ныззилы, уый …(ныззары)

Сабитыл йӕ тых ӕвзары.

6).Ис ӕртӕ цӕсты мӕнӕн

… радыгай тӕмӕн.(калынц)

3. Фӕйнӕгыл:

Сывӕллӕттӕ радыгай цӕуынц фӕйнӕгмӕ ӕмӕ фыссынц хъӕугӕ дзырдтӕ.

-Ӕкӕсут – ма дзырдтӕм, цавӕр фӕрстытӕн дзуапп дӕттынц?

-Куыд хуыйнынц ацы дзырдтӕ?

5 –ӕм ,6 –ӕм слайд (архайд ӕвдисӕг нывтӕ – удджын предметтӕ)

Хӕс: Саразын дзырдбӕстытӕ, раттын фӕрстытӕ.

7 –ӕм слайд

- Афтид удджын предметтӕ не вдисынц архайд, фӕлӕ ӕнӕуд предметтӕ дӕр.(ӕрдзы нывтӕ)

4. Физминуткӕ.(Къаппа – къоппа)

5.Чиныгимӕ куыст.

1.Ф – с68, 234 – ӕм фӕлтӕрӕн.

Бакӕсын раиртӕст, скӕнын хатдзӕгтӕ.

2. Беседӕ. Хатдзӕгтӕ.

-Цавӕр ныхасы хай ӕвдисы предметӕн йӕ архайд?

-Цы у мивдисӕг?

-Цавӕр фӕрстытӕ домы?

Ныхасы рӕзтыл куыст.

3.Сфӕлдыстадон хай.

1) -Мӕн фӕнды бакӕсын иу аргъау ӕмӕ йӕм лӕмбынӕг байхъусут.

- Цардысты ӕмӕ уыдысты номдартӕ. Ӕдзух ӕнкъард кодтой: нӕ дзургӕ, нӕ заргӕ, нӕ кафгӕ, нӕ худгӕ.

Иу бон сӕм уазӕгуаты фӕзындысты хъал мивдисджытӕ. Тынг уарзтой мивдисджытӕ сабыр бынӕттӕй змӕст бынӕттӕ аразын. Сӕрӕн уыдысты , уӕдӕ!

Мивдисджытӕ цӕстыфӕныкъуылдмӕ уӕздан номдарты базмӕлынтӕ кодтой. Ӕмӕ мӕнӕ бӕстӕ дзолгъ – молгъо сси : чи худгӕ кӕны, чи заргӕ, чи кафгӕ.

Ты - ынг балымӕн сты уӕздан номдартӕ ӕмӕ сӕрӕн мивдисджытӕ.Уымӕн сты хъуыдыйады мидӕг кӕрӕдзийӕн уарзон хӕстӕджытӕ.

2) Беседӕ.

-Йӕ сӕйраг хъуыды цӕй мидӕг у ацы аргъауӕн?

-Куыдӕй цӕрынц номдартӕ ӕмӕ мивдисджытӕ?

-Сымах та ис лымӕнтӕ?

- Куыд хъуыды кӕнут, цӕмӕн хъӕуы царды ӕмбал?

3) Изюминкӕ.

Байхъусын «Ӕмбалы зарӕг» -мӕ.

Фӕйнӕгыл:

Хорз ӕмбал не скӕндзӕн маст,

Нӕ асайдзӕн никуы йӕ ард.

-Куыд ӕмбарут ацы ныхӕстӕ?

4) Къордтӕй куыст.

-Уӕдӕ лымӕнӕй , зӕрдӕрухсӕй бакӕнӕм къордтӕй куыст.

1-аг рӕнхъ – 1 – аг къорд

2 – аг рӕнхъ - 2 –аг къорд

3 –аг рӕнхъ – 3 – аг къорд

Хӕс: Алы къордӕн дӕр раттын карточкӕ. Карточкӕйы фыст ӕмдзӕвгӕйы скъуыддзаг. Ссарын мивдисджытӕ ӕмӕ раттын фарст.

Рӕстӕг ма куы баззайа ,уӕд:

Хӕс:Саразын дзырдбӕстытӕ.

5) 7 – ӕм слайд

Ӕрмӕг фидар кӕнын.

Цъиу зары

Бӕх лӕууы

Чызг тӕхы

Къӕвда бады

Хӕдзар ног

Хӕс: Саразын нывтӕм гӕсгӕ хъуыдыйӕдтӕ.

III. Хӕдзармӕ куыст.

1) Сахуыр кӕнын раиртӕст.

2) Сныв кӕнын ӕмбалы ныв ӕмӕ йыл радзурын.

IV. Хатдзӕгтӕ.

-Цӕуыл дзырдтам абон?

-Цы у мивдисӕг?

-Цы вдисы предметӕн?

-Цавӕр фӕрстытӕ домы мивдисӕг?

-Куыд ивы мивдисӕг?

-Хъуыдыйады уӕнгтӕм гӕсгӕ цы вӕййы мивдисӕг?

- Цӕмӕн хъӕуынц мивдисджытӕ?

Кӕронбӕттӕн.

2) Сӕвӕрын бӕрӕггӕнӕнтӕ.

3) Рефлекси.

Ӕз базыдтон…..

Ӕз сахуыр дӕн…..

Мӕ бон суыдзӕн…..

Мӕ зӕрдӕмӕ фӕцыд….

Нӕ бамбӕрстон……

-Стыр бузныг алкӕмӕн дӕр ,тынг хорз бакуыстат урочы.

Фембӕлдмӕ!