Zahmet 3nji synp

Dersi: Çeperçilik zähmeti. Synpy: III ,, ” Senesi:

Sapagyň temasy: Garjagaz.

Sapagyň maksady. 1.Bilim berijilik maksady: Okuwçylara garjagazyň şekilini ýasamagy öwretmek. Olaryň el hünärine bolan ukyplaryny ösdürmek.

2.Terbiýeçilik maksady. Okuwçylara garjagazyň şekilini ýasatmak arkaly zähmetsöýerlik terbiýesini bermek. Olary watançylyk, beýik adamkärçilik ruhunda terbiýelemek.

Sapagyň görnüşi: Täze maglumatlary öwretmek sapagy

Sapakda ulanylýan okuw-görkezme esbaplar, sanly serişdeler, paýlama maglumatlar: Reňkli kagyzlar, degişli esbaplar, suratlar.

Sapagyň gidişi:

1. Sapagyň guramaçylyk döwri:

Okuwçylaryň sapaga gatnaşygyny barlamak, olaryñ kitap depderlerini barlamak, synpyñ arassaçylygyna seretmek.

2. Öý işiniň ýerine ýetirilişini barlamak:

Arçajyk ýasamak.

3. Geçilen temany jemlemek:

Geçilen temany jemlemek we täze temany düşündirmäge girişmek.

4. Täze temany düşündirmek:

Temany düşündirmegiň meýilnamasy:

1. Okuwçylara garjagaz şekilini epinli kagyzdan ýasamagy öwretmek.

2. Hojalyk-durmuş zähmetiniň öwredýän ugurlary.

3. Reňkli kagyzdan şekil ýasamak.

Garjagaz

Matal

Ýaganda sany bolmaz,

Gün çyksa, jany bolmaz.

(Gar)

Kagyz adamyň durmuşynda iň gerekli zatlaryň biri hasaplanýar. Sebäbi biziň gündeki ulanýan kitapdyr depderlerimiz, surat depderlerimiz – bularyň hemmesi kagyzdan taýýarlanylýar. Kagyzlar dürli hilli bolýar: ýukajyk, galyň, kesilmesi has kyn kagyzlar, epinli kagyzlar we ş.m.

Ak ýa-da kümüş reňkli epinli kagyz, gaty kagyz, ýelim, gaýçy, inçejik çotgajyk, galam, çyg süpürgiç.

Işiň ýerine ýetirilişi

1. Gaty kagyza garjagazyň ülňüsini çekmeli we gyrkyp almaly.

2. Birnäçe dörtburç ak kagyzy kesip almaly.

3. Çotgajygyň ujuny dörtburç kagyzyň ortasynda goýup, kagyzy çotganyň daşyna oramaly. Soňra ony gaty kagyza ýelmäp, usullyk bilen çotgany çykarmaly. Galan kagyzlaram şu usul boýunça taýýarlap, garjagazyň ülňüsiniň üstüne bir-birine degrip ýelmemeli. Şeýlelikde, ak garjagazyň şekili taýýar.

Taýýar önümiň görnüşi:

Temany öwrenmek bilen okuwçylar bilmeli:

- Özbaşdak şekil ýasap

- Tabşyrylan ýumuşy doly we dogry ýerine ýetirip

- Kompýuterde şekil ýasap

Temany öwrenmek bilen okuwçylar başarmaly:

- Seresaplylyk düzgünlerini berjaý etmegi

- Zähmete degişli nakyllary, atalar sözlerini ýatdan aýtmagy

- Sapakda öwrenilen zähmet işlerini durmuşda ulanmagy

5. Täze temany berkitmek.

Garjagaz şekilini epinli kagyzdan ýasamak.

6. Öý işini tabşyrmak:

Reňkli kagyzdan garjagaz şekilini ýasamak.

7. Sapagy jemlemek we okuwçylaryň bilimlerini bahalandyrmak.

Okuwçylaryň ýasan işlerini barlamak, işiň ýerine ýetirilişini delillendirip bahalandyrmak. Bahalary synp žurnalyna, gündeliklere goýmak.

Ýazan mugallym: ___________________________

Bellik:________________________________________________________________

Barlan: Müdiriň okuw işleri baradaky orunbasary ________________