Жаратылыстану 3-сынып

Пән: жаратылыстану

Күні: 06.02.20

Сынып: 3 «Ә»

Мұғалім: Орымбекова Мадина

Қатысқандар саны:22

Қатыспағандар саны:

Ұзақ мерзімді жоспар бөлімі

Жер және ғарыш

Сабақ тақырыбы

Ғарыш қалай игерілді?

Осы сабақта қол жеткізілетін оқу мақсаттары (оқу бағдарламасына сілтеме)

3.4.2.1 Ғарышты игерудің кейбір айтулы оқиғалары туралы әңгімелеу.

3.4.2.2 Адамзат дамуындағы ғарыштың маңызын түсіндіру.

3.1.1.1 Өте маңызды ғылыми жаңалықтар мен олардың адамның күнделікті өміріне әсері туралы әңгімелеу.

Сабақ мақсаттары

 Ғарышты игерудің кейбір айтулы оқиғалары туралы әңгімелейді. Адамзат дамуындағы ғарыштың маңызын түсіндіреді.

Бағалау

критерийлері

Білім алушы:

Ғарышты игеру кезендерін біледі;

Ғарыш жаңалықтарының маңызын түсінеді.

Тілдік мақсат

- Тірек сөздерді пайдалана отырып, адамзат дамуындағы ғарыштың маңызын түсіндіре алады.

Пәнге тән лексика және терминология :

• серік

• зымыран

• орбиталық стансы

Диалогке/жазуға арналған сөз тіркестері:

Талқылауға арналған сұрақтар:

-Күн мен түннің қандай айырмашылығы бар?

- Күндізгі уақытта адам аспаннан нені көреді?

- Ал түнгі уақытта ше? Ойыңды дәлелдей түс.

- Күн адамға не береді?

- Түнгі уақытта аспанда қандай ерекшеліктерді байқауға болады?

- Күн жүйесі дегенді қалай түсінеміз? Есімізге түсірейік.

- Жердің серігі болады ма?

Құндылықтарды дарыту

Оқушыларды өзара құрмет көрсетуге, бір-біріне түсіністікпен қарауға, топтық, жұптық жұмыс жасауда ынтымақтастыққа баулу.

Пәнаралық байланыстар

Қазақ тілі, математика.

Алдыңғы білім

Жер қабықтарын ажыратады, атауларын біледі.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5 мин

Оқушылардың көңіл күйін сабаққа аудару мақсатында «Шаттық шеңберінде» бір-біріне тілек айтқызу. Олар бір-біріне үш сын есім айтады.

Жедел жауап. «Мен журналистпін» ойыны арқылы сабақта қарастыратын тақырыпты анықтау. Оқушыларға микрофон арқылы сұрақ қою. Сұрақтар:

-Күн мен түннің қандай айырмашылығы бар?

- Күндізгі уақытта адам аспаннан нені көреді?

- Ал түнгі уақытта ше? Ойыңды дәлелдей түс.

- Күн адамға не береді?

- Түнгі уақытта аспанда қандай ерекшеліктерді байқауға болады?

- Күн жүйесі дегенді қалай түсінеміз? Есімізге түсірейік.

- Жердің серігі болады ма?

Тапсырманы орындау барысында оқушылар Күн жүйесі туралы және ғарыш туралы не білетіндерін еске түсіреді.

ҚБ (ауызша қалыптастырушы бағалау).

Көңілді әуен қосып қою.

Слайд №1,2

Сабақтың ортасы

30 мин

Зерттеу жұмысы.

Мақсаты: Ақпарат көздерін пайдалана отырып, ғарыш туралы мәліметтермен танысу.

Топтарға біріктіру. Күн жүйесінің атауларына сәйкес топтарға біріктіру. Мысалы, Ай – жер серігі.

Ресурстарды тарату. Жұлдызды аспан бейнеленген суреттер, ғарышқа ұшу, Қызылжұлдызға ұшу жоспары туралы бейнеролик пен ғарыш туралы энциклопе­диялар, А5 көлемді үлестірмелі парақшалар жиын­тығы мен жасанды серіктің, ғарышкер иттердің, Юрий Гагариннің, Ай бетінде зерттеу жасап жүр­ген ғарышкердің, орбиталық стансының фотосу­реттерін топ санына қарай тарату қажет.

Зерттеу сұрағы:

• Ғарышқа алғаш рет қай дене ұшты?

• Ең алғашқы ғарышкер кім?

• Орбиталық стансының маңызы неде?

Зерттеудің жоспары:

-Инфографикада берілген ақпаратпен танысу.

-Жоспар бойынша сұрақтарға жауап беру.

-Постер жасау.

Оқушылар оқулықта, қосымша әдебиеттерді, газет-журналдарда берілген ақпараттармен танысады. Сұраққа жауап іздеп, бір-бірімен пікір алмасады. Ойларын дәлелдейді.

Саралау: Ынтасы жоғары оқушыға интернет желісі арқылы ғарышты зерттеуде қандай жаңалықтар болғанын анықтауды тапсыру.

Зерттеу жұмысын қорытындылау, дайындаған плакаттарын ілу.

ҚБ. «Галереяны шарлау» әдісі арқылы қалыптастырушы бағалау.

Сен білесің бе? Оқушылар ғарышқа ұшу кезіндегі зымыранның маңызын және отын шығынының мөлшері мен зымыранның алатын жылдамдығына байланысты екендігін түсінеді. Ғарыштық жылдамдықты біледі.

Ғарыш зерттеулері бізге не береді?

Оқушылар ғарыш зерттеулерінің пайдасын түсінеді. Тапсырманы орындау барысында оқушыларды заттарға жаңа қырынан қарауға, олардың пайда болуына, тарихына, алғашқыда неге арналғанын білуге мүмкіндік береді.

Ғарышкерлердің тағамдарын сипаттайды, киетін скафандрларын сипаттап, өз ойларын айтады.

Ғарышты зерттеуде адамдар қандай мүмкіндіктерге ие болғаны туралы ойларымен бөліседі.

Жетекші сұрақтар:

-Теледидардан келген бейнесюжеттер не арқылы бізге беріледі? Қалай ойлайсың?

- Жасанды серік пен табиғи серік туралы не білесіңдер?

- Ғарышкерлер қандай зерттеулермен айналысады? Ойыңмен бөліс.

- Неліктен ғарышкерлер скафандр киеді?

- Жер мен ғарышты байланыстыратын орындар қалай аталады?

Ойлан. Оқушыларға ғарыш туралы бейнероликтер көрсету арқылы төмендегі сұрақтарға жауап алу. Сұрақтар:

- Ғарышкерлер туралы не айта аласың?

-Ғарышкерлер Жерге қонған кезде неге өз беттерімен жүре алмайды?

- Ғарышкерлер ұзақ сапарда жүргенде қандай қиындықтар болуы мүмкін?

ҚБ. (ауызша қалыптастырушы бағалау).

Сергіту сәті. Дене жаттуғуларын бейнероликке қарап орындау.

Жеке жұмысқа дәптермен жұмыс ұсынылады.

13-жұмыс парағы. «Ғарыш қалай игерілді?», 15-б.

Ғарышты игеру кезеңдері. Бұл тапсырмада оқушылар оқиғаны оның мерзімімен салыстырады.

Бағалау. Дескриптор:

Оқушылар:

-Оқиғаны ақпарат бойынша ажыратады;

-Оқиға мен оның уақытын сәйкестендіреді.

14-жұмыс парағы. «Ғарышты игеру», 16-б.

«Ғарыш» сөзжұмбағы. Бұл тапсырма оқушылар­дың сабақта меңгерген білімдерін нығайтады. Оқушылар сабақ тақырыбына қатысты негізгі түсініктерді пайдалана отырып, сөзжұмбақты шешеді.

Бағалау. Дескриптор:

Оқушылар:

-Ғарышқа ұшырылған иттің лақап атын біледі;

-Жердің серігін біледі;

-Зымырандарды ұшыратын орынды біледі.

ҚБ. (жазбаша қалыптастырушы бағалау).

Жұлдызды аспан бейнеленген суреттер, ғарышқа ұшу, Қызылжұлдызға ұшу жоспары туралы бейнеролик пен ғарыш туралы парақшалар жиын­тығы мен жасанды серіктің, ғарышкер иттердің, Юрий Гагариннің, Ай бетінде зерттеу жасап жүр­ген ғарышкердің, орбиталық стансының фотосу­реттері

Оқулықпен жұмыс

Слайд№9

https://www.youtube.com/watch?v=n-khlCFOpzQ

https://www.youtube.com/watch?v=9mnM6j4i46s

Дәптермен жұмыс

Сабақтың соңы

5 мин

Кері байланыс.

«Екі жұлдыз, бір тілек» әдісі бойынша сабақтан алған әсерлерін стикерге жазады.

Слайд №10

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

• Топтау бойынша саралау:

- Ынтасы жоғары оқушыға интернет желісі арқылы ғарышты зерттеуде қандай жаңалықтар болғанын анықтауды тапсыру.

-Ынтасы жоғары оқушылар тобы (жұбы немесе жеке оқушы) алынған мәліметті диаграммаға орналастыра алады.

• Тапсырмалар бойынша саралау:

-Материалдарды игеру деңгейлерінде оқушылардың қызығушылығын арттыру мақсатында ақпаратты қабылдаудың әр түрін ескеру.

-Оқушылардың ақпаратты қабылдауына байланысты тапсырмалар ұйымдастыру.

Қалыптастырушы бағалау құралдары:

-мұғалімнің ауызша кері байланысы (мадақтау, қолдау сөздер айту);

- өзара бағалау: «Постер» бойынша бағалау

- мұғалімнің жазбаша кері байланысы

-оқушылардың жауаптарын, іс-әрекеттеріне бақылау жүргізіп, түртіп алу арқылы бағалау;

-«Жетістік баспалдағы»

Партада дұрыс отыру.

Оқулық пен дәптерді парта үстіне дұрыс орналастыру.

Қалам, қарындашты қолға дұрыс ұстау.

Сергіту жаттығуын орындау.

Әрекеттерді жиі ауыстыру.

Қауіпсіздік ережелерін сақтау.

Сабақ бойынша рефлексия