Жазғы демалыс туралы ата-ана мақаласы

Жаз жайнатып, күн күлдіріп, біз лагерьге барамыз, - деп 6шілде күні Астананың 20 жылдық мерей тойынан бастау алған «Елім-ай» жазғы лагерінде Н.Баймұратов орта мектебінің 18 оқушысы 10 күндік қуаныш пен шаттыққа толы демалыстарын өткізіп келді. Лагерьде балалардың сапалы тамақтанулары ескеріліп, арнайы бекітілген ас мәзірі бойынша балаларға 4 мезгіл тамақ берілген. «Бала күлкіге тоймас» дегендей балалар көңілді демалып, жанын әнге, сылдыр күлкіге тойдыру мақсатында әртүрлі іс-шаралар мен спорттық ойындар да ұйымдастырылған. Осылайша лагерьдің әр күнін мәнді де сәнді өткізіп келген 18 оқушылардың қатарындағы менің балаларым да бар. Балалардың демалыс күндерін қызықты өткізуге үлес қосқан Аудандық Білім Бөліміне, Н.Баймұратов орта мектебінің әкімшілігіне және де «Елім-ай» демалыс орталығының директоры С.Н.Оспановаға ата-ана ретінде айтар алғысым шексіз.

Ата-анаға көз қуаныш,

Алдына алған еркесі.

Көңіліне көп жұбаныш,

Гүлденіп ой-өлкесі –

деп ұлы Абай атамыз жырлағандай адамның бауыр еті бала үшін қызмет жасап жүрген барша қауымға еңбектеріңіз жемісті, отбасыларыңыз аман –есен болсын дегім келеді.

Ақынғалиевтардың анасы Көшерова Гүлнұр

Қарағайлы ауылы