Жумуру курттар тиби

Тема:Жумуру курттар тиби

Нематоддор классы

Жумуру курттар тиби

Киши аскаридасы

Жумуру курттар  ( лат.  Nematoda) – алгачкы көңдөйлүү курттардын классы. Алгачкы карбон мезгилинен белгилүү. Денеси ар кандай узундукта (0,5 мм-8 м), сегменттерге бөлүнбөйт, туурасынан кескенде тегерек, жумуру. Денеси тери булчуң кабы менен капталган. Азык сиңирүү системасы үч бөлүктөн турган ичеги түтүкчөсү арткы тешик менен аяктайт. Бөлүп чыгаруу системасы протонефридий же түрүн өзгөрткөн тер бездери түрүндө болот. Айрым жыныстуу. Эркеги ургаачысынан кичирээк жана денесинин арткы бөлүгү ийилип турат. Денесинин алдыңкы бөлүгүнөн орун алган нерв түйүндөрү жана алардан узатасынан кеткен нерв талчалары бар. Дем алуу жана кан айлануу системалары жок.

Сезүү органдары начар өрчүгөн. Ургаачысынын жыныс системасы жуп түтүк сымал жумуртка безинен, жумуртка өткөрүүчү түтүк жана жатындан; эркегинин жыныс системасы бир урук бези, урук чыгаруучу түтүк жана урук чачуучу каналдан турат. Жумуртка таштайт, айрымдары тирүү тууйт. Эркин жашоочулары туздуу, тузсуз сууда жана көлмөдө, топуракта кездешет. Бактерия, балырлар, детриттер менен азыктанат. 20 миңге жакын түрү белгилүү. Мите түрлөрү жаныбарлар менен өсүмдүктө, адам организминде мителик кылат .

Киши аскаридасы ичке ичегиде кездешет, өзү жоонураак шоонага окшоп,ѳнү кызгылт агыш келет.Ошондуктан аны кээде кишинин кызыл курту деп да коюшат.Узундугу 1мм ден 1м жетет.Кашалотто кезигүүчү мите жумуру курттун узундугу 9м жакын.

Киши аскаридасынын денеси дайыма тырсыйып турат,бирок узарып чоюулууга,жыйрылууга ж өндѳмсүз.Денесинде түктөрү болбойт.

Уруктанган аскарида ар куну 200 минге чейин жумуртка тууйт .

Аскаридоз

Аскарида ѳт жолуна кирсе ириндүү холецистит,боордун абсцесси,перитонит;уйку безинин түтүгүнө өтсө-Катуу карманган панкреатит;ичегини бутөп калса ичеги өткөөлсүздүгү п.б.

Аскаридалардан сактануунун жолу тазалыкты сактоо болуп саналат.