Визитка.

Мин, Зөһрә кыз, күккә аштым,

Һәм Аема чаптым.

Җиде кат күкләрнең

Ишекләрен ачтым.

Иң беренче катта

Балачагым ишеге.

Болытларга эленеп

Калды шунда  бишегем.

Кечкенә генә йомгак

Һаман уйнаклады.

Йөгерә, көлә, сикерә-

Берни уйламады.

Ә икенче катта

Мәктәп дигән ишек.

Ачтым. Яптым. Еллар

Тиз үттеләр ничек.

Гомер йомгагымның

Җеп очларын алып.

Киттем атлап алга

Әнием калды озатып.

Өченче катында

Яшьлек иде бугай.

Күренеп кенә калды

Чәчәкле бер тугай.

Йомгаккаем ашыгып

Тәгәрәде җиргә.

Куа киттем аны

Карамый бернигә.

Дүртенчегә менгәч,

 Сөю ишеген кактым.

Шунда гаиләмне

Улларымны таптым.

Йомгак алга чаба,

Инде хәйран саллы.

Гомер йөге шулай

Иңнәремә ятты.

Ә бишенче катта

Каршылады урман.

Үз юлымны эзләп,

Киттем әнә шуннан.

Алтынчыны ачкач,

Тирән диңгез күрдем.

Белем диңгезенә

Күмелгәнче кердем.

Мәктәп корабында

Каршы ала мине.

Тукай һәм Җәлилле

Данлы татар теле.

Йомгак әнә шулай

Армый дөнья гизә.

Җавап эзлим һаман

Яшәү яме нидә?

Таптым, таптым!

Яшәү яме –миндә!

Эштә, илдә, көндә,

Укуда һәм өйдә-

Йомгак җебен тотып,

Ялгышмый йөрүдә!

Инде ишекнең мин

Иң олысын кактым!

Шушы биеклектән

Төшәргә юк хакым!

Высшее, Казанский Государственный университет; квалификация по диплому «филолог; преподаватель татарского языка, литературы и истории» по специальности «Татарский язык и литература1994,»-1994