Ախպերջան-Ավանդապատում

Ախպերջան գյուղը գտնվում է Լեռնային Ղարաբաղի Մարտակերտի շրջանում:Փոքրիկ բնակավայր է,բայց հին պատմություն ունի:Ասում են,որ շատ հնում միմյանց ջերմագին սիրող քույր ու եղբայր են լինում:Մի անգամ թշնամին հարձակվում է Արցախի վրա,ու եղբայրը զենք է առնում ու գնում թշնամուն ընդառաջ:Այդ գնալն էր,որ գնում է:Քաջի պես ընկնում է մարտում,ու քրոջ աչքը մնում է ճանապարհին:Աղջիկը նստում է գյուղ բերող ճանապարհի եզրին,լաց լինում՛ մշտապես կրկնելով«Ախպեր ջան,ախպեր ջան» բառերը: Քրոջ այդ ողբը այնքան է ազդում մարդկանց վրա,որ նրանք իրենց գյուղն անվանում են Ախպերջան: