Ангемелер "Апа"

Балдарга арналган чакан ангемелер топтому. Апасына болгон кусалык, сагынуу. Азыркы тапта миграция куч алууда. балдарын чон эне, таенелерге таштап кетип жаткан жаш ата-энелерге арналат. Балдардын кыялы, сагыныч тууралуу чакан чыгарма. Автор Мукамбетова Асель Абдылисовна

Узундудон: Түн. Айыл ичинде бактардын шуудураганы угулуп, акырын соккон сыдырым жел согуп, караңгылык каптап кээде иттин үргөндөрү гана угулуп турду. Терезеде отурган Азиза эртеңки күндү чыдамсыздык менен күтүп отурган. Жүрөгү алып учуп, уйку качып, мына эртең апам келет аны мен кыса-кыса кучактап, бетинен аймап өпкүм келет, кулагына «апа мен сизди ушунчалык сагындым, ушуну сиз сезесизби» – деп апасына сөз даярдап отурду. Аркы бөлмөдөн Азизанын чоң энеси «Кызым, жат, кеч кирди, эртең сабакка барасың!» – деп үн катты. Ал болсо терезеден көзүн албай качан таң атат, батыраак эле таң атса экен, апам келет деп ичи тим эле уйгу-туйгу болуп алып учуп турду. Акырында уйкусу келип төшөгүнө апасы алып берген мамалагын кучактап таттуу уйкуга кетти.