Чөл олоҕу оскуолаттан

Төрүт хамсаныыны сатыыр киһини кыахтаах киһи дииллэр. Саха этэ-сиинэ эрчийэр үгэһэ бэргэн этиинэн этиллэр. Ол аата төрүт хамсаныынан дьарыктанар киһи этэ-сиинэ эрэ буолбакка, өйө эмиэ сайдар.

Үүнэр көлүөнэ ыччаты, оскуола оҕотун эт-хаан сайдыытыгар иитии сүрүн сыала-соруга диэн оҕо чэгиэн-чэбдик, доруобай, таһаарыылаах үлэни кыайар, дойдутун харыстыырга бэлэм, өй-санаа, күүс-уох өттүнэн эрчийии сайдыылаах буола үүнэрин ситиһии буолар.

Үлэ тоҕоостооҕо. Саха омук этин-сиинин эрчийиитэ былыр-былыргыттан баар, ону өрө тутар, билэр буоллаҕына саха омук быһыытынан эстибэт дьылҕаланар. Эдэр ыччат бу хамсаныылары бэргэн этиилэринэн билэрэ саха культуратын сайдыытыгар биир төһүү күүс буолуо. Онон саха тылын, литературатын уруоктарыгар физкультминуткаҕа өс хоһооннорунан сахалыы хамсаныылары киллэрии үөрэнээччилэр эттэрэ-сииннэрэ, өйдөрө-санаалара сайдарыгар, уруокка интэриэстэрэ улаатарыгар олус наадалаах.

Үлэбит сыала. Сахалыы бэргэн этиилэринэн физкультминутканы саха тылын, литературатын уруоктарыгар киллэрэн үөрэнээччилэр үөрэххэ тардыһыыларын күүһүрдүү.

Сыалбытын ситиһээри маннык соруктары туруоруннубут:

• Үөрэнээччилэргэ анкетирование оҥоруу;
• Саха төрүт хамсаныыларын кинигэлэртэн булан үөрэтии;
• Сахалыы бэргэн этиилэри наардааһын;
• Физкультминуткаҕа туттуллар төрүт хамсаныылары бэргэн этиилэри кытта тэҥнээһин.

Предмет (барамай). Төрүт хамсаныы, саха өһүн хоһоонноро

Үлэбит сонуна: Федеральнай Государственнай Үөрэх Стандартын (ФГОС) уруоктарыгар физкультминутка ирдэнэрин, оҕо үөрэххэ тардыһыыта бу ньыма көмөтүнэн күүһүрэр кыахтааҕын иһин биһиги үлэбит сонун дии саныыбыт.