Сынып жетекшісінің тəрбие жұмысы.

Сыныптағы тəрбие жұмысын барлық мұғалімдер жүргізіледі. Бұл жұмыстың негізгі ұйымдастырушысы- сынып жетекшісі. Ол оқушылар ұжымын ұйымдастырады, басқа мұғалімдердің тəрбиелік күш жігерін біріктіреді, ата-аналармен жұмыстар жүргізеді.

Сынып жетекші жұмысының негізгі мақсаты- мектеп оқушыларын қоғамның белсенді жəне саналы азаматтары етіп тəрбиелеуге барынша ықпал жасау.

Тəрбие барысын зерттеуші педагогика саласы - тəрбие теориясы деп аталады. Егер оқу үдерісінің субъекттері мұғалім мен оқушы есептелетін болса, тəрбие үдерісінің қатысушылары - тəрбиеші мен тəрбиеленуші. Бастауыш мектепте оқуды да, тəрбиені де жүргізетін бір тұлға- маман педагог. Білім беру технологиясында негізгі объект жəне субъек баланың жеке басы. Жеке бас құрылымдық деңгейлері:

• Темпарменттік деңгей.

• Психикалық ерекшелік деңгей.

• Жеке басына бағытталған деңгей.

Мектептегі тəрбие жұмысын ұйымдастыруда сынып жетекшісінің рөлі:

1) Сыныптағы оқушылардың талап тілектері мен мүдделерін жəне олардың жеке басының ерекшеліктерін жан- жақты зерттеу.

2) Сыныптаүы оқушылардың не нəрсеге бейімделгенін анықтап, оларды ынтымағы жарасқан белсенді, саналы ұжымға ұйымдастыру.

3) Тəрбие үдерісінде мектептің, отбасы мен жұртшылықтың тыүыз қарым- қатынасын қамтамасыз ету.

4) Оқушыларды тəрбиелеуде сынып жəне мектептен тыс түрлі бағытта тəрбие жұмыстарын ұйымдастыру.

5) Тəрбие мен өзін-өзі тəрбиелеудің бірлігін қамтамасыз ету.

Тəрбие жоспары- сынып жетекшісінің шығармашылық зертханасы.