Геолокация

Акыркы жылдары биздин жашообузга биз мурда укпаган түшүнүктөр пайда болду, алардын бири – геолокация. Бул сөздү мурда айрм бир кесип ээлери гана колдонушкан-аскерлер, моряктар, учкучтар ж.б. Бүгүн болсо бул түшүнүк күнүмдүк жашоого кеңири орун алды, көңүл ачууда, интернет баарлашууда. «Геолокация» сөзү эки сөздөн куралган – грек тилинен «гео», жердин үстүңкү бети, англис тилинен «location» — жайгашуу, орун алуу, позиция дегенди түшүндүрөт. Бул сөз менен объекттин кайда экенин андан келген радиосигналдын жардамы менен аныктоону аташат.

Биз кайда жүргөнүбүз туурасындагы маалымат менен бөлүшкөндө жана интернетке сүрөт чыгарганда, биз көп учурда кырдаал көзөмөлдөн чыгып баратканын байкабай калабыз –геолоакцияга аяр эмес мамиле кылуу коркунучу мына ушунда. Тармакка киргизилген ар бир маалымат биз үчүн олуттуу маселенин себеби болушу мүмкүн.

Жогоруда айтылгандай, кайда кантип убакыт өткөүп жүргөнүңөр туурасындагы маалымат кылмышкер үчүн силердин хоббиңер, кызыкчылыктар жөнүндө кабар берет жана ал муну өз максаттарына колдонушу ыктымал. Бул туурасында биз алдын ала ойлонбогондуктан, мындай кырдаал биз үчүн күтүлбөстүктөй туюлат. Мына ушул үчүн жашооңуз туурасында кеңири маалыматты интернетке жайгаштыраардан мурда ойлонуу керек.

Геолокациянын оң жактары: геолокация турмушта кеңири пайдаланылат. Геолокациякесибинин өзгөчөлүгүнө жараша кайсы бир аймакта багыт табуу зарыл болгон адамдарга чоң пайда алып келет.

Анын жардамы кайсы учурда тиет:

- тааныш эмес жерден өзүңдүн кайда экениңди билиш үчүн, керектүү жерге эң ыңгайлуу маршрут табуу үчүн;

- чоочун шаарда багыт алууга, керектүү уюм, магазин, кафе, ресторан, музей, парк, коомдук транспорттун аялдамалары ж.б. оңой табууга;

- унааңдын кайда жүргөнүнө байкоо жүргүзүү, айрыкча унааны уурдап кеткен учурларда өтө пайдалуу;

- жоголгон же уурдалган электрондук гаджеттерди табууга – телефон, планшет, гаджеттер ж.б.;

- жөнөткөн аманаттарды, жүктөрдүн кыймылына көз салуу.