Հրաշքներով լի քիմիան

Քիմիան գիտություն է,որի ուսումնասիրության առարկան նյութն է և նրա հետ կատարվող փոփոխությունները:Այն ամենը, ինչը մեզ շրջապատում է,նյութական է:

Մենք ապրում ենք քիմիական նյութերով շրջապատված:Երեխան հենց,որ ծնվում է, ընկնում է քիմիական նյութերի աշխարհ:Նա շնչում է օդ,որը թթվածին,ազոտ,արգոն և այլ գազերի խառնուրդ է: Մարդկությունն օգտագործում է քիմիայի ձեռքբերումները կյանքի պայմանների բարելավման,բնության պահպանության համար:Մեր ժամանակներում ոչ մի մարդ չի կարող գոյատևել առանց այդ գիտության շնորհիվ ստեղծված նյութերի: Քիմիան սիրով բացում է իր գաղտնիքները բոլորի առաջ,ովքեր հետաքրքրվում են նրանով,և ձգտում է հասկանալ,թե ինչ է նյութը,ինչպես և ինչու է փոխարկվում մյուսի:Այդ գիտությունն ունի իր օրենքները,տրամաբանությունը և լեզուն: