Юбілей народнага паэта. У Беларусі адзначаюць 135 гадоў з дня нараджэння Янкі Купалы

Юбілей народнага паэта. У Беларусі адзначаюць 135 гадоў з дня нараджэння Янкі Купалы Успамінаць беларускага класіка будуць у краінах, звязаных з яго біяграфіяй і творчасцю, - Расіі, Украіне, Грузіі, Польшчы, Славакіі, Францыі. А цэнтрам урачыстасцяў стане Мінск. Да помніка песняру ўскладуць кветкі, а затым адбудзецца літаратурны мітынг. З вуснаў музыкаў, артыстаў і проста знатакоў прагучыць «Адвечная песня» Купалы і іншыя хрэстаматыйныя творы. Акрамя таго ў сталічным музеі паэта можна ўбачыць яго унікальныя рукапісы, спецыяльна дастаўленыя з Вільнюса. Заўтра святкавання працягнуцца на малой радзіме Купалы ў фальварку Вязынка пад Маладзечна.