Қош келдің, жаңа жыл!

1.Тәрбиеші: Сәлеметсіздер ме,Аяз ата мен ақшақар қош келдіңіздер!

Біздің балалар сіздерге өз өнерлерін көрсетеді.

Асыл Махмұт:

Аппақ тонға оранып,

Базарлықты мол алып,

Келді алыс сапардан,

Аяз ата оралып.

Ерназ:

Сақалы аппақ күмістей,

Тістері аппақ күріштей.

Қызыл ала шапаны,

Сағындым аяз атаны.

Бейбарыс:

Ақ қырауға малынған,

Сақалы да,мұрты да,

Аяз ата сағынған,

Сәлем берді жұртына.

Нұрсұлтан:

Аяз ата келіп тұр,

Бізге сәлем беріп тұр.

Сақалының ұзыны-ай,

Кесіп алсам шіркін-ай!

2.Тәрбиеші: Аяз ата біздің балалар сізге ән салып береміз дейді.

Ән: Аяз ата.

Таң ата келді ата,

Ақ тоқаш берді ата.

Әй-әй ата,әй ата.

Ақ тоқашын берді ата.

Күн бата келді ата,

Ойыншық берді ата.

Әй-әй ата,әй ата.

Ойыншығын берді ата.

Ақжол:

Тақпақ,өлең жаттадық,

Би үйрендік көрсін деп.

Аяз ата шаттанып,

Бізге риза болсын деп.

Аделя:

Мұздай моншақ тағынған,

Күміс қырау жамылған.

Ортада тұр ақшақар,

Көптен күтіп сағынған.

Би: «Ақшақарлар биі»

1. Қолдарында ұлпақарлар таяқшасын ұстап айналу.

2. Шыршаға жақындау.

3. Қолдарын жоғары көтеріп,тербеліп айналу.

4.Бастарын ию.

Алихан:

Оралдың өлкеме,

Жаңа жыл армысың.

Оранды ақ көрпеге,

Асқар тау,қарлы шың.

Диляра:

Аспан жерге төгеді,

Ақ күмісін уыстап.

Жаңа жыл да келеді,

Бізге қарай жылыстап.

Жібек:

Жаңа жылмен шаттанып,

Жаңарады бар дала,

Шырша тойын тойлайды,

Дөңгеленіп бар бала.

Ойын: «Қарды кім тез жинайды?»

Шарты: Жерде шашылып жатқан мақтадан жасалған қарларды,ән әуенімен тезірек жинап қорапқа салу керек.

Айтолқын:

Шыршаға бардық,

Әсем ән салдық.

Аяз атадан

Сыйлықтар алдық.

Әли:

Мұз өрнектің бәрі асыл,

Оюларды аңғарам.

Қарағайдың жап-жасыл,

Күйіне мен таңғалам.

Аяла:

Далада қар борайды,

Ақ мамыққа орайды.

Мұз болады қатады,

Жып-жылтыр болып жатады.

Кә усар:

Жапалақтап ақшақар,

Жауды күнде қайталап,

Қырға шықты балалар,

Шаңғыларын арқалап.

Айша:

Жаңа жыл,жаңа жыл,

Жаңа жылда жаңа жыр.

Жасыл шырша жанында,

Жадырап бар бала жүр.

Ақшақар: Аяз ата!бағанадан бері балалар өз өнерлерін аямай-ақ көрсетіп жатыр.Сіз сыйлық беруді ұмытып кеткен жоқсыз ба?

Аяз ата: Дұрыс айтасын қызым,ұмытып кете жаздаппын.Сыйлығымыз қайда?

Осы кезде әсемделген шана сүйретіп,қоян жанына баласын ертіп келеді.

Қоян: Сәлеметсіздер ме Аяз ата мен Ақшақар!Сәлеметсіңдер ме кішкентай бүлдіршіндер.Біз баламыз екеуміз жолда келе жатып,мына әдемі шананы тауып алдық.

Аяз ата: Бұл шана менікі,мен балаларға әкеле жатқан сыйлығымды жоғалтып алдым.Сенің тауып алғаның қандай жақсы болды.