Конспект 10-синф

” Қиз ноласи”

Ирода ота-онасининг ёлғиз,эрка қизи эди.Мактабни ортиқчалик гувоҳномаси билан,исталган олий ўқув юртига бепул йўлланма билан,чексиз қувончлар билан тамомлаган Иродани уйда бошқача муҳит кутиб турарди.Отаси уни номига табриклаган бўлди-да, кейинги ой тўй деди. Кутилмаган бу янгиликдан она ва қиз довдираб қолишди. Мен ўқимоқчиман,ахир,деган гапга отаси” Қиз бола бировнинг хасми,ўқишга бало борми ?”-деб қарсиллатиб эшик ёпиб Чиқиб кетди.Она-бола зор-зор йиғлаб қолаверишди.

Бир ҳафтадан сўнг совчилар келишди. Онасининг қизимиз ҳали ёш эди, ўқитмоқчи эдик деган сўзларига,қуда хола “ Бу ёғига менинг мактабимда ўқийди “,-деб кетди.

Ироданинг кўз ёшларига қарамай,бир ойдан сўнг ота истагандай тўй бўлди. Янги оилага аста-секинлик билан кўника бошлаган Ирода қайнсинглисининг эркаликларига,тантиқликларига зўрға чидарди.Ахир ўзи ҳам эрка қиз эди.Бир неча бор уйларига йиғлаб борганда,онаси:” Ҳаёт шундай бўлади,аста-секин кўникиб кетасан”-деб яна қайтариб юборарди.

Оилада Ироданинг ёшлиги, тажрибасизлиги анча панд берди.Овқатни тузини гоҳида шўр,гоҳида паст қилиб қўярди.Кўйлак дазмолласа куйдириб қўярди. Овқатни таг олдириб қўярди. Эрталаб ҳовли супуришга барвақт уйғона олмасди.

Чой дамласа,қайноқ чой тўла чойнак қўлидан тушиб кетиб синарди.Овқатланиб ўтиришганда пиёлани тушириб юборарди.Эрка қайнсингил ортиқ чидаб туролмай,жанг бошларди.Ироданинг турмуш ўртоғи Лондонда ўқиб келган.Уйда деярли кам бўларди.Ирода бундай вақтларда ким билан суҳбатлашишни, дардлашишни билмасди.Ҳеч ким йуқ вақтда ўз уйига кириб,телефонда ойиси билан дардлашиб,йиғлаб оларди.

Шу зайлда бир йил ҳам ўтиб кетди.Бир куни ошхонада овқат қилаётганда боши айланиб,кўнгли айниб,қандай йиқилиб тушганини билмади.Кўзини очса,ўзини шифохонада кўрди.Шифокор кўригидан ўтказишаётган эди. Минг афсуски,унда энг оғир,юқумли СПИД касали юққанлиги аниқланди.

Текширув натижалари шуни кўрсатди-ки, куёв бўлмиш Сардор чет элда ўқиб юрганида бу касалликни юқтириб олган экан.Ироданинг ота-онаси уни шифохонадан тўғри уйларига олиб келишди. Уйларида даволана бошлади. Қадрдон қудалар, ўқимишли куёв бир ой мобайнида атиги бир марта хабар олишмади. Отаси ўз қилмишидан пушаймон бўлиб, қизнии ажратиб олди. 18 ёшга тўлмаган Ирода ва онаси қон йиғлаб қолишди.Сизнингча,Ироданинг хазон бўлган умрига ким сабабчи?