Кычкылтектин лабораторияда алынышы:

Лабораторияда кычкылтектин алынышы

Керектелүүчү идиштер:стакан,пробирка,пробирка кармагыч,тыгыны бар газ өткөрүүчү түтүкчө,спирт шамы,ширеңке ж.б

Керектелүүчү заттар:калий перманганаты(марганцовка),чала күйгөн чычала

Кычкылтек сууда аз эригендиктен аны сууну сүрүп чыгаруу жана абадан оор (аба=29; О₂=32) болгондуктан абаны сүрүп чыгаруу жолу менен да чогултуп алууга болот. Идишке кычкылтектин толгондугун чычаланын от алып күйүп кетишинен билүүгѳ болот, анткени кычкылтек күйүүгѳ жардам берүүчү газ.

1.Кычкылтекти алуу жана жыйноо

Лабораторияда кычкылтекти алуу үчүн кычкылтекке бай заттар колдонулат. Бул заттар суутектин ѳтѳ оксиди,калийдин пеманганаты.

Пробиркага анын кѳлѳмүнүн болжол менен тѳрттөн бир бѳлүгүндѳй калий перманганатын себелеп салып пробирканын оозунун тегерегине кебезди кѳпшѳгүрѳѳк кылып коёбуз. Пробирканы газ чыгуучу түтүгү бар тыгын менен тыгындап штативди кыпчыткычына бекитебиз. Мында газ чыгуучу түтүктүн учу кычкылтек жыйналуучу стакандын түбүнѳ дээрлик жетип тургандай кылуу керек.

Стакандын кычкылтек менен толгондугун чычала аркылуу текшеребиз. Идишке кычкылтек толоор замат аны картон же айнек пластик менен жабабыз.

Жазаган тажырыйбаны мүнѳздѳп жазгыла.Калийдин перманганатынын ажыроо реакциясын жазгыла.Тажырыйба учурунда кычкылтектин физикалык жана химиялык касиеттерине күбѳ болгонуңарды кѳрсѳткүлѳ.

2KMnO₄ → K₂MnO₄ + MnO₂ + O₂