Кымбаттуу окуучулар!

Силер математиканы окууну улантып жатасынар.Алдыда көп жаңы жана кызыктуу көнүгүүлөргө туш болосунар.Бул китеп силерге пайдалуу жана кызыктуу,сабактарда жана өз алдыңарча иштөөгө ыңгайлуу болушуна аракеттендик.Турмушта кезиккен ар кандай маселелерди чечүү үчүн, математиканы колдонууну үйрөнүш үчүн бул китепте көп түрдүү тексттик маселелер берилди.Ар бир жаңы жагдай өзүнчө пунктта жазылып, тиешелүү маселелер берилип,анын чыгарылышы да көрсөтүлдү.Маселеден кийин,ошол сыяктуу чыгарыла турган көнүгүүлөр берилди.Ар бир параграф жыйынтыктоочу тапшырмалар менен аяктайт.Анда параграфтын бардык материалдарын камтыды.Балдар, силер көнүгүүлөрдү өз алдыңарча иштегенге аракеттенген.Өзүңөр чыгарган тапшырмалар эсиңерге жакшы сакталат жана өтө пайдалуу болот.Улуу ойчул Конфуций:"Ойлонбой окууган адам убакытын текке кетирет",-деген.Бул китеп силерди ой жүгүртүүгө,талдоого,туура чечимдерди кабыл алууга үйрөтөт.