Лэпбук "Юумэнэй нэрэ"

Һүүлэй үедэ багшанууд ажалдаа «Лэпбук» гэжэ ном шэнги суглуулбари үргэнөөр хэрэглэдэг болоо. Лэбпук англи хэлэhээ ород хэлэн дээрэ книга на коленках гээд оршуулагдана. Буряадаар хэлээ hаа үбдэг дээрэ ном болоно. «Лэпбук» соо заахан номхонууд, хармаанууд, сонхонууд, хуудаhанууд гэхэ мэтэ элдэб зүйлнүүд үгтэжэ болохо. Би «Юумэнэй нэрэ» гэжэ лэпбук зохёогооб. Энэ хэрэгсэл 1-хи ангиhаа 4-хи анги хүрэтэр хэрэглэжэ болохо. Гол зорилгонь хадаа hурагшадай юумэнэй нэрэ тухай олйлгоhон дүршэл ба шадабари элирүүлжэ дабтаха, аман ба бэшэмэл хүдэлмэридөө зүбөөр хэрэглэжэ hураха дадал бэхижүүлхэ болоно. Лэпбук соо юумэнэй нэрэ тухай бүхы мэдэсэ үгтэнэ.

Һурагшад юумэнэй нэрэ үзэхэдөө юумэнэй нэрэ юумэ тэмдэглэжэ, хэн? юун? гэhэн асуудалнуудта харюусадаг хэлэлгын хуби гээшэ гэжэ ойлгоно. Тиихэдээ энэ лэпбук соо иимэ түхэреэн соо элдэб зурагууд үгтэнэ. Эрюулээд үхибүүд хаража hонирхоно. Юумэнэй нэрэнүүд удхаараа хүниие болон хүнһөө бэшэ амитай болон амигүй юумые тэмдэглэһэн байдаг гэжэ баhа эндэ ойлгожо абана. Энээнһээ гадуур юумэнэй нэрэнүүд удхаараа тусхайта болон юрын гээд илгардаг гэжэ ойлгуулхын тула hурагшадтаа энэ кроссворд таалгахада болоно. Харюуунуудыень иигээд үгтэнхэй. Юумэнэй нэрэнүүд түхэлөөрөө нэгэнэй болон олоной тоогой гэжэ илгаралые иимэ зурагуудаар харуулагдана. Эндэ падежнүүдые үзэхэдөө, багша падежэй нэрэнүүдые, хажуудань асуудалнудыень харуулна, доронь ямар залгалтануудые абанаб гэжэ харуулна, үшөө доронь жэшээнүүдые уншуулна.

Эндэ ямар бэ даа сэдэб гаража байхадаа, даабаринууд гэhэн хармаан соо даабаринуудые hурагшадтаа хубаажа үгэхэ, дахин хэшээлдэ даабаринуудые андалдаад хэжэ болоно.

Лэпбук соо элдэб нааданууд бии: таабаринууд, оньhон үгэнүүд, ребусүүд, пазлнууд, шэрдэлгэнүүд.

Наадан гээшэ эхин ангиин үхибүүдэй hуралсалда ба хүгжэлтэдэ ехэ туhатай, hонирхолтой байдаг. Ородой агууехэ педагог Антон Семенович Макаренко γхибγγдэй нааданай удха шанар тухай иигэжэ хэлэhэн: «Һайн наадан hайн ажалтай адли, муу наадан муу ажалтай адли. Наадан бγхэндэ ажалай амин ба ухаан бодол байлсадаг».

Түрэл хэлэеэ хүгжөөхэ, ёhо заншалаа уһанда хаянгүй, хүгжөөн һалбаруулха үүргэтэйбди. Буряад хэлэтэй, буряад сэдьхэлтэй, үндэһэн арадаа хүндэлдэгөөр үхибүүдээ хүмүүжүүлэел даа!