Ուսուցչի առաքելությունը

Ուսուցիչը ոչ միայն մասնագիտություն է, այլ նաև առաքելություն, որովհետև միայն մասնագիտական հմտություններով, անգամ գերազանց գիտելիքներով հնարավոր չէ աշխատել որպես լավ ուսուցիչ և դառնալ լավ մանկավարժ, որովհետև մանկավարժի առաքելությունն է` «այրվել, որպեսզի լուսավորվի այլոց ճանապարհը»: Եվ պատահական չէ, որ կրթության և պաշտպանության ոլորտները դիտվում են որպես ազգային անվտանգության երկու` ներքին և արտաքին հենասյուներ: Իրականում մեր հասարակության մեջ ուսուցիչը պետք է հանդիսանա որպես մեծ արժեք: Ուսուցիչ, ով աշակերտին տալիս է ոչ միայն գիտելիք, այլ վառում է նրա մեջ այն ջահը, որը պետք է լուսավորի ողջ կյանքի ընթացքում և կարևոր է, թե ում ձեռքերում է այն բանալին, որով պետք է բացվի մեր երեխաների ապագայի ճանապարհը»: