«Рахмет саған, әліппем!»

Жақында «Алтынсарин орта мектебінде»

1 «А» сыныбында «Рахмет саған Әліппем»

атты қоштасу кеші өтті.

Әсем безендірілген акт залында ұстаздар мен ата – аналар жиналды. Оқушылар әріпті танып, сөз бен сөйлемді қосып оқуды, есеп шығаруды, дауыссыз бен дауысты дыбыстарды ажыратуды,буынға бөлуді үйреніпті. Сонымен қатар тақпақ пен ән айтып, көрініс те көрсетуді меңгерген. Кішкентай бүлдіршіндер «Рахмет саған,әліппем!» әнін хормен нақышына келтіре орындады. Басқа бүлдіршіндерге қарағанда Иржанова Жансауле өнерімен,білімімен көзге түсті. Бастауыш сынып мұғалімі Гүлмира Нұртазинаның еңбегі сіңді деп айтуға болады.

Мектеп директоры Александр Плотцев бүлдіршіндерді өз атынан құттықтады, және де мектеп кітапханашысы Сәуле Өрікбайқызы да өз құттықтауын айтып, бүлдіршіндерді кітапханаға келуге, кітап оқуға шақырды. Ата – аналардан С.Ержанова, С.Ахметбекова құттықтау сөз сөйледі. Олардың бәрі де балаларға білім нәрін берген,үйреткен Гүлмира Аманжолқызына жүрекжарды ізгі тілектерін білдірді. Ата – аналар балаларына естелік ретінде ертегі кітаптар таратты. Бүлдіршіндердің жетер жетістіктері әлі де алда деп ойлаймын.