3 "Б" сынып Сынып жетекшісі: Натикулова А.Н

Тақырыбы: Ана – біздің гүліміз! Мақсаты: Балаларға халықаралық әйелдер күні туралы мағлұмат беру; Ананы құрметтеуге, ана еңбегін ақтайтын азамат болуға тәрбиелеу; Имандылық, инабаттылық, ізеттілік қасиеттерін қалыптастыру. Мейрам өтетін жер тақырыпқа сай жабдықталады. Сахна әдемі гүлдермен, ұлағатты сөздермен безендіріледі. Мұғалім: Құрметті ата-аналар, оқушылар, ұлағатты ұстаздар! Жылдың ең тамаша мезгілі – көптен күткен көктем келді. Жер бетін шуаққа толтырған көңілді көктемде ақ жаулықты әжелеріміз бен аяулы аналарымыздың халықаралық мейрамы тойлатыны баршамызға мәлім. Ақ жүректі аналар мерекелеріңізбен! 8-наурыз мейрамы құтты болсын! Қымбатты ата-аналар, оқушылар, ұлағатты ұстаздар сіздердің назарларыңызға сыныбымыздың дайындаған «Ана – біздің гүліміз» атты ертеңгілігімізді ұсынамыз. Залға музыка әуенімен балалар кіреді. 1-жүргізуші: Ардақты аналар, қадірлі ұстаздар, қызғалдақ қыздар! Асыға күткен көктем келгенде, қар астынан көктем хабаршысы бәйшешек көрінеді. 2-жүргізуші: Бәйшешек нәзіктігіне қарамастан, қар астына бүршік жарады. Біздің асыл аналарымыз да өмірдегі барлық қиындыққа шыдап, сол бәйшешектей күнге қарап күлімдейді. 1-жүргізуші: Аналар, көктем күніндей көңілді мерекелеріңіз құтты болсын! 2-жүргізуші: Бізді ыстық құшағына аялап, мейіріммен, ақылмен, төзіммен тәрбиелеген асыл жандар – әжелер, аналар, бүгін біздің барлық ән-күйіміз бен әсем биіміз сіздерге арналады. 1-Жүргізуші: Қош келіпсіз, құрметті қонақтар, Жүздеріңнен мейіріммен нұр тамар. Алдарыңда жауқазындай құлпыраған. Балғын шақты біз бақытты балалар! - деп ертеңгілігімізді ашып беру үшін, сөз кезегін мектебіміздің директоры Махметова Жанат Сейденовнаға береміз. 2-жүргізуші: «Ана» дейміз бәріміз де аңқылдап, «Ана» дейді жас сәби де жарқылдап. «Ана» деген – бәйтерегі өмірдің, «Ана» деген алтын қазық, алтын бақ! - дей отырып Ермек Нұрдәулеттің орындауында ән «Ана» 1-жүргізуші: Ендігі бөлімде балалар дайындаған шағын көрініс: «Еңбекпен тапқан тиын». Рөлдерде: Әкесі – Әділхан Әмір, анасы – Избасарова Анеллия, баласы – Биимбет Ерасыл. (Ортада от жанып тұрады. Әкесі анасымен сөйлесіп отырады, баласы жатады). 2-жүргізуші: Мың бұралған, билеген Өнерді кім сүймеген Аққудайын қалықтап Үнді биін билеген – деп ортада биші қыздарыңыз Амангелді Малика. 1-жүргізуші: Балалардың мың бұралған биі қандай, Әсемдік әлемінен құйылғандай. Сахнаға шыққанда оқушылар, Тағаты көрерменнің таусылғандай. 3 «Б» сынып оқушыларының орындауында флэшмоб. 2-жүргізуші: Құрметті аналар, біз сіздерге өз өнерімізді көрсетуге әрқашан дайынбыз. Ана жүрегі өз баласын қандай жағдайда да жаңылмай таниды. Енді назарларыңызға «Өз балаңды таны» деген ойын ұсынбақпыз. Ортаға 5 қыздың анасын шақырамыз. (5 ана ортаға шығады, 5 қыз тұрады. Көзі байлаулы аналары балаларын сипап танып алады). Рахмет, ардақты аналар! 1-жүргізуші: Монолог «Ана» Баспулова Анэль 1-оқушы: Маған бәрін әпергенің үшін, Мінезімді көтергенің үшін, Он екі мүшемді сау қылып, Дүниеге әкелгенің үшін, Рахмет саған ана! 2-оқушы: Кінәм болса кешіргенің үшін, Ауыр бейнет кешіргенің үшін, Ауырмайтын аман-сау Адам қылып өсіргенің үшін, Рахмет саған ана! 3-оқушы: Сенің әрбір жылағаның үшін, Жоқтан барды құрағаның үшін, Бақыты үшін балаңның, Барлығына шыдағаның үшін, Рахмет саған ана! Бәрі: хормен «Аман, болсын бар баланың анасы»! 1-жүргізуші: Демеңіз біз өнерді аяп қалды, Мезгіл де біраз жерге таяп қалды Қош болып тұрыңыздар көріскенше, Осымен концертіміз аяқталды.