Беларусь республикасы

Географиялық орны

Солтүстік-батысында Литва, Латвия мемлекеттерімен, шығысында Ресеймен, оңтүстігінде Украинамен, Батысында Польшамен шектеседі. Теңіздік шекаралары жоқ. Ауданы-207,6 мың км 2 .

Табиғаты және табиғат ресурстары

Беларусь аумағын Ежелгі Орыс платформасы негізінде қалыптасқан жазықтар алып жатыр. Солигорск маңында калий тұздарының д.ж. ең ірі кен орындарының бірі орналасқан, Мозырь Давыдов кен орындарында ас тұзының едәуір мол қоры бар, ел аумағында құрылыс материалдары да мол. Беларусь жеріне қоңыржай континентті климат тән.

Халқы

Халқы 9,8 млн адам. Тұрғындарының өмір жасының орташа ұзақтығы-68 жас. Ұлттық құрамы беларусьтар (78%), орыстар (13%), поляктар (4%), украиндар (3%), және т.б. Халықтың орташа тығыздығы 1 км 2 – 47,4 адамнан келеді.

Өнеркәсіп саласында машина жасау, химия және мұнай химиясы өнімдерін шығаруға маманданған. Минск, Могилев, Жодино қалаларында «Белаз» машиналары, Минск, Гродно, Барановичиде автомобильге тетіктер, Минскіде «Трактор» шығарылады. Бобруиск қаласында ірі шина өндірісі, Гродно қаласында жасанды талшықтар өндірісі жолға қойылған. Орша қаласында ірі зығыр комбинаты, Минск, Могилев, Гродно, Лида қалаларында былғары және аяқкиім фабрикалары орналасқан .

Өнеркәсібі

Ауыл шаруашылығына жарамды жерлер 10 млн га-ға жуық. Жалпы елде қой, ірі қара, шошқа, ешкі саны біршама. Елде жылына 0,9 млн т ет, 5 млн т-дан астам сүт өндіріледі. Егістік негізінен елдің орталық бөлігінде орналасқан. Дәнді-дақылдар басты орын алады, техникалық дақылдардан зығыр айрықша орын алады. Зығыр көбінесе елдің солтүстігі мен солтүстік-батысында, қант қызылшасы орталық және батыс аудандарда, картоп барлық аймақта өсіріледі.

Ауыл шаруашылығы

Беларусь аумағы арқылы Шығыс Еуропа елдері мен Ресейді, Ресей мен Украинаны Балтық бойы елдерімен жалғастыратын құрлықтағы күре жолдар өтеді. Теміржолдардың жалпы ұзындығы 5,5 мың км-ден астам. Тас жолдардың жиілігі 1 км 2 – ге 350 м шамасында.

Көлігі

Сыртқы экономикалық байланыстары

Сыртқы экономикалық байланыстарында Еуропа елдері мен Ресей басты орын алады. Ресейден жасанды каучук, мұнай мен газ, көмір, электр энергиясын және қара металлургия өнімдерін, өсімдік майын сатып алады. Экспортында Германия мен Польшаның да үлесі жоғары. Шетке машина жасау және химия өнеркәсібінің өнімдерін, көлік құрал-жабдығын, жеңіл және тамақ өнеркәсібі өнімдерін сатады. Елде 1,5 мыңға жуық бірлескен, 500-дей шетел кәсіпорындары жұмыс істейді.