Баалоо боюнча маалымат

Таблица 3 - Жети баллдык баалоо шкаласы.

7 баллдык шкала

Окуучунун окуу даражасынын негизги көрсөткүчтөрү

Өздөштүрүү % менен

Деңгээли

1 балл – абдан мыкты

Билимдин жана билгичтиктин негизинде өзүнүн өздүк пикирин пайда кылуу менен практикада өзгөчө колдонууга ээ болот

95-100 чейин Изилдөөчүлүккө ээ болуу

2 балл – мыкты

Так жана дана билгичтиктерге ээ болот, өздөштүрүлгөн билимди белгисиз жагдайда колдоно алат.

80-84 чейин Көндүмдөргө ээ болуу

3 балл – жакшы

Өздөштүрүлгөн теориялык билимдин натыйжасында тапшырмаларды ар түрдүү багыттарда жеңил аткарат.

60-79 чейин Билгичтиктерге ээ болуу

4 балл – орто

Өздөштүрүлгөн теориянын айрым бөлүктөрүн түшүндүрөт, материалдар боюнча алгачкы жалпылоону жана тыянактарды чыгарат.

40-59 чейин Терең түшүнүү

5 балл – канаттан- дыраарлык

Өтүлгөн материалды өз алдынча калыбына келтирет, айрым учурда багытталган жардамды талап кылат.

20-39 чейин Жөнөкөй түшүнүү

6 балл – начар

Өтүлгөнтексттин, эреженин, түшүнүктүн, закондун негизги бөлүгүн кайрадан калыбына келтирет, жөнөкөй аракеттерди жүргүзөт, оңой суроолорго жооп таба алат.

6-18 чейин Эстеп калуу (түшүнбөстөн калыбына келтирүү)

7 балл – абдан начар

Даяр түрүндө берилген үлгүлөрдөн обьектини, процессти, кубулушту ажырата алат.

5 чейин Таанышуу

Мектеп окуучуларынын окуу жетишкендиктерин аныктоодогу вариативдик жети баллдык баалоо шкаласынын өзгөчөлүктөрү: – баалоо процесси окуучулардын кетирген каталарын аныктоо эмес, тескерисинче алардын чыныгы жетишкендиктерин баалоого багытталган; – “коркунучтуу” баанын жоктугу, б.а. эң төмөнкү жети баасы дагы окуучунун аныкталган катышуусун (таанышуусун) көрсөтөт, демек баалоо процесси окуучуларда окуунун чыныгы мотивин пайда кылат; – ар бир баа шкаласы өзүнө гана тиешелүү болгон окуу-таануу ишмердүүлүгүнө туура келет, тактап айтканда “7” балл – таанышуу деңгээли, “6” балл – эстеп калуу деңгээли, “5” балл – жөнөкөй түшүнүү деңгээли, “4” балл – терең түшүнүү деңгээли, “3” балл – билгичтик деңгээли, “2” балл – көндүм деңгээли, “1” балл – чыгармачылык деңгээли.

Окуучуларынын билим жетишкендиктерин вариативдик жети баллдык баалоо шкаласы аркылуу баалоо окуучуларда окуунун оң мотивин түзүү менен атаандаштыкты дагы стимулдаштырат, тактап айтканда окуучу билим жетишкендигин өзүнө-өзү баалоо мүмкүнчүлүгүнө ээ болот жана ар дайым эң алдыңкылардын катарында болууга аракеттенет.