Багашуулаа баярлуулая! (Далайн амитад тухай).

Далайн амитад

Далайн одон гээшэмнай

Доро гүнзэгыдэ амидардаг гү?

Огторгойн ялагар мүшэндэл

Ониб-аниб гэдэг гү?

Абарга томо загаһаншье һаа,

халим бэшэ юм.

Далайн гахайн түрэлшье һаа,

шуһаша мяхаша юм (үхэр хараасгай).

Арза-бирза шүдэтэй,

Арьяатан томо аматай

Далайн шоно гээшые

Дэмы тиижэ нэрлээгүй.

Хабша-хабша-хабшаахай,

Хатуу хабтагар хабшаахай,

Арбан арбагар хубяараа

Адли байнаш абаахайда.

Найман хүлтэй наймалжа

Найман тээшээ найгалзана.

Далайн тайжа - наймалжа -

Дээшээ доошоо дэнхэлзэнэ.

Найман найза наймалжад найгаг-найгаг найгуурдана,

Наймадахи найдамжагүй наймалжань назгайгаар наймаархан найгалзана.

Бахын бахархада, бахалзуурынь балбайна.

Бахын бахардахада, бамбалзуурынь бамбайна.

Далайн морин загаһан

Далтиран замаг соо хоргодоно.

Алаг эреэн боложо,

Амияа тэрэ абарна.

Матар мантан амитан

Маһалзан байжа махана.

Марьягар томо бэеэрээ

Маряан байжа гэтэнэ.

Далай соошье тамарха,

Сула гобёоршье мүлхихэ,

Дарамал гоё угалзатай

Суба шэнги хуягтай (мэлхэй).

Жаран жаахан жараахай тойрон байжа жагсааба,

Жиирэй жэжэхэн жараахай жорхойн байжа жэрыбэ.

Ялагар субад дангина яһаар хэгдэһэн ордонтой (хисаа, хисаа соохи субад).

Халим абарга загаһан

Хизааргүй далайда тамардаг.

Хисаа хорхойгоор хоолложо,

Холын холуур аяншалдаг.

Һайхан хара нюдэтэй

Һүн тэжээлтэ хаб загаһан

Һэрбээ, һүүлээрээ һэрбэгэнүүлэн,

Һанаандаа гүлгэдтөө яарана.