Нарктуу кыргыз элим

01.09.2023-жыл

Тема: Нарктуу кыргыз жараны –өлкөнүн келечеги

«Кеңеш» орто мектеби

10-б класс

Сабактын максаты:

«Иденттүүлүк», «Кыргыз жараны» түшүнүктөрүнө аныктама берет;

Иденттүүлүк», «Кыргыз жараны» түшүнүктөрүнө аныктама беришет. Нарктуу Кыргыз жараны жалпы жарандык иденттүүлүк принциптерин түшүнүшөт.

Жарандык иденттүүлүк принциптерин Кыргыз Республикасынын Конституциясы менен байланыштырууга жетишишет.

Кыргыз Республикасынын жарандарынын конституциялык укуктары жана милдеттери жөнүндө билимди кыргыз жараны түшүнүгүнө ылайык колдонушат.

1-тапшырма. «Өзүңдү тааныштыр”. «Мен» класстерин түзгүлө:

Жаш куругым

Үй-бүлөм

жарандыгым

Жалпы талкуу:

Канча инсандыгыңыз бар?

Кандай инсандыктар өзгөрүшү мүмкүн?

Коомдун көп түрдүүлүгү менен инсандын көп түрдүүлүгү кандай байланышта?

Жосторум

мен

2-тапшырма: Балдар, келгиле, 2021-2026-жылдары Кыргыз Республикасында Кыргыз жараны деп жарандардын өзүн таануусун өнүктүрүүнүн концепциясы менен таанышалы .

Документти окуп, менталдык картаны түзгүлө: максат, принциптер, багыттар. Концепциянын принциптерин мисалдар менен түшүндүргүлө

• Жарандык иденттүүлүк – бул тигил же бул мамлекеттин жарандык коомчулугуна таандык болуу жекече сезими.
• Жарандык иденттүүлүк коомдун ажырагыс бөлүгү катары сезүүгө, ал тургай андан тышкары жүргөндө дагы мүмкүндүк берет.
• Башка өлкөдө жүргөндө биз улутубузду атабай, өлкөбүздүн аталышын айтабыз жана биз кыргызстандыкпыз дейбиз, же  # КыргызЖараны  десек болот

3-тапшырма.  5 топто иштөө. Кырдаалдарды (кейстерди) талкуулагыла

• 1-кырдаал. Башкаларга сабырсыз мамиле кылуу

• Коомдо “башкага” – түрдүү диний жана этникалык топторго, майыптарга карата чыдамсыздык өкүм сүрүүдө.
• Көп түрдүүлүгүн сыйлабоо коомдун биримдигине кандай таасир этет?
• Башка этностук топторго (улуттарга), динге жана ден соолугунун мүмкүнчүлүгү чектелген адамдарга карата сабырсыздыкты кантип жеңе алабыз?

2-кырдаал Жарандык укуктары жана милдеттери

• Коомдо адамдар өз укуктарын билип, талап кылышат, бирок мамлекет алдындагы милдеттерин аткарбаган кырдаал түзүлүп жатат.
• Кыргызстандын жарандарынын милдеттери кандай?
• Адамдардын өз укуктарын коргоп, жарандык милдеттерин аткарышы үчүн алардын жоопкерчилигин кантип жогорулатуу керек?

3-кырдаал. Биргеликте жашоо

• Жалпы жарандык маданият эмнени камтышы керек деп ойлойсунар?
• Жарандардын ортосундагы мамиле кандай болушу керек?
• Жалпы жарандык маданият Кыргыз жарандык өзгөчөлүгүн калыптандырууга кандай салым кошо алат?

  4-кырдаал. Кыргызстанда көп адамдар мамлекеттик тилди билбейт.

• Мамлекеттик тилди билүү Кыргыз жараны жалпы жарандык иденттүүлүгүнүн калыптанышына жана коомдун биримдигине кандай таасирин тийгизет?
• Мамлекеттик тилди үйрөнүүнүн абалын кантип оңдоого болот?

5-кырдаал. Билим берүү мекемелери: мектептер, лицейлер, ЖОЖдор жана алардын имараттары, спорттук аянтчалар, мүмкүнчүлүктөрү чектелген адамдар үчүн ылайыкташтырылган эмес. Буга байланыштуу мүмкүнчүлүктөрү чектелген балдар көбүнчө мектепке барбай, жумуш таба албай, коомдон обочолонуп калышат.

• Бул учурларда мүмкүнчүлүктөрү чектелген балдардын кандай укуктары бузулат?
• Мүмкүнчүлүгү чектелген адамдарга биз менен коомго аралашууга жана жашоого кантип жардам бере алабыз?

Үйгө тапшырма :

• «Нарктуу кыргыз жараны –өлкөнүн келечеги» –деген темада эссе жазып келүү(же сүрөт тартуу)

Сабакка активдүү

катышкандыгыңар үчүн

чоң рахмат!